Аԥснытәи ашколхәыҷқәа ҩыџьа аицлабра "Зегь еицырзеиԥшу аиааира" аҿы иаиааит

11
(ирҿыцуп 17:27 12.10.2020)
Аицлабра иалахәын 14 тәыла: Аԥсны, Ермантәыла, Азербаиџьан, Белоруссиа, Ҟазахсҭан, Киргизиа, Молдова, Ҭаџьикисҭан, Туркменистан, Узбекисҭан, Украина, Аахыҵ Уаԥстәыла, Италиа, Франциа рҟынтәи 14-17 шықәса зхыҵуаз аҿар.

АҞӘА, жьҭаара 12 - Sputnik. Еилкаахеит жәларбжьаратәи аицлабра "Зегь еицырзеиԥшу аиааира" аҟны аиааира згаз рыхьӡқәа. 11 тәыла рҟынтәи 35-ҩык аиааит, урҭ рҟынтәи ҩыџьа аԥснытәиқәоуп ҳәа аанацҳауеит аиҿкааратә еилакы.

Гагарин ихьӡ зху гагратәи абжьаратә школ 10-тәи акласс аҵаҩцәа Давид Вижули Осман Исомови аиндаҭлараҿы аиааира згаз иреиуоуп.

Ашколхәыҷқәа рзы Жәларбжьаратәи аиндаҭлара "Зегь еицырзеиԥшу аиааира" – информациа-рккаратә проектуп, иахықәку Урыстәылеи аҳәаанырцә тәылақәеи рзеиԥш ҭоурыхтә фырхацәа рыԥшаароуп. Иара азырхоуп аҿар аҭоурых абзиабара дыркра. Аиндаҭлара алахәылацәа досу ртәылақәа рҿы ирыԥшаауан 1941–1945 шықәсқәа рзы еибашьуази атыл аҿы аус зуази, анемец-фашист мпыҵахалаҩцәа риааира зылшамҭа адыз ауаа. Ашколхәыҷқәа имҩаԥыргоз аҭҵаарақәа рышколқәа рҟны иӡырыргон.

Аиндаҭлара иалахәын 14 тәыла: Аԥсны, Ермантәыла, Азербаиџьан, Белоруссиа, Ҟазахсҭан, Киргизиа, Молдова, Ҭаџьикисҭан, Туркменисҭан, Узбекисҭан, Украина, Аахыҵ Уаԥстәыла, Италиа, Франциа рҟынтәи 14-17 шықәса зхыҵуаз аҿар.

Россотрудничество анапхгаҩы Евгени Примаков иазгәеиҭеит адунеи атәылақәа жәпакы рҟынтәи аҿар аҭҵааратә усура ду шымҩаԥыргаз. Аџьынџьтәылатә еибашьар ду аан дара рықалақьқәа, рқыҭақәа рҿы имҩаԥысуаз ахҭысқәа аҭоурых иаздырхынҳәит. Ари аҭоурыхтә гәалашәара амырӡразы илшамҭа дууп.

Аҳәаанырцә иҟоу Россотрудничество ахаҭарнакцәа акциа атәылатә кураторцәа ррольқәа нарыгӡеит, амилаҭтә штабқәеи аԥошьҭақәеи русура еиҿыркааит аҵаратә усбарҭақәа рыцырхырааны.

"Апроект еиднакылеит 9 000-ҩык рҟынӡа 300 ҳәаанырцә школ рҟынтәи. Ари рбага шьахәуп. Ҳара аҽазныкгьы агәра аагеит Урыстәылеи егьырҭ атәылақәеи рыжәларқәа рҭоурыхтә еимадара аҭҵаара иазырхо апроектқәа аинтерес шрымоу", - ҳәа иҳәеит Россотрудничество анапхгаҩ ихаҭыԥуаҩ Михаил Бриуханов.

Апроект "Зегь еицырзеиԥшу аиааира!" аиҿкаара мҩаԥнагеит Россотрудничество аиҿкаара "Еицыҟаҳҵап!" ацхыраарала Аиааира 75 шықәса ахыҵра ашықәс азы.

Уаанӡатәи жәларбжьаратә аиндаҭлара "Ҳара ҳфырхацәа", 2019 шықәса рзы имҩаԥган. Иара азкын Урыстәылеи Аҳәаанырцә ааигәеи рыжәларқәа рзеиԥш ҭоурых аҭҵаара.

Иара убас шәаԥхьар ҟалоит:

11

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1