Урыстәылатәи аруаа ртанкистцәа атактикатә хысрақәа мҩаԥыргоит

12
Агәаҭаратә уснагӡатәқәа ирыдԥхьалан ҩ-нызқьҩык рҟынӡа Урыстәыла Аладатәи арратә округ аруаа.

АҞӘА, жьҭаара 13 - Sputnik. 2020 шықәсазы аихшьаалатә уснагӡатәқәа рҳәаа иҭагӡаны Аԥсны иҟоу Урыстәыла Аладатәи арратә округ аруаа атактикатә хысразы аԥышәаратә уснагӡатәқәа мҩаԥыргеит ҳәа аанацҳауеит аокруг апресс-маҵзура.

Ашьхаратә полигонқәа Ҵабали Нагвалоуи рҟны абаза аштаб афицарцәа ахәшьара арҭон акомандаҟаҵаратә еилазаара адыррақәа, ашьхараҿи амшынԥшаҳәаҿи аҽыхьчаратә еибашьра аиҿкаареи амҩаԥгареи рымҩаԥысшьа ҳәа аҳәоит адырраҭараҿы.

Амотохысратә ҟәша аруааи атанктә, артиллериатә, ПВО ахархәагатә ҟәшақәа рыруааи еиныррала ахысрақәа мҩаԥыргон.

Ацәҟьарақәа рықәшәашьа ахәшьара хаҭабзиарала аҭаразы ауаа рхы иадырхәеит ҳаамҭазтәи радиола ахырхарҭа зырҭо, компиутерла еиҿкаау ахысратә хархәагақәа (ПСО-Р).

Ахысрақәа мҩаԥыргон Макаров итапанчақәа (ПМ), Калашников иавтоматқәа АК-74, Драгунов иснаипертә винтовкақәа СВД рыла.

Агәаҭаратә уснагӡатәқәа ирыдԥхьалан ҩ-нызқьҩык рҟынӡа Аладатәи арратә округ аруаа.

Иара убас шәаԥхьар ҟалоит:

12

Уахыки-ҽнаки рыла 106-ҩык акоронавирус шрылаз аадырԥшит Аԥсны

16
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

16
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

7
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

7