Ақалақь ахадара атәылауаа рыдкылара иаҟәыҵит

16
Ари ауснагӡатә атәылаҿ иҟоу аепидемиологиатә ҭагылазаашьа хьанҭа иадҳәалоуп. Ақалақь ахадара атәылауаа иаарышьҭуа ашәҟәқәеи аҭел ианасуеи рҭак ҟарҵалоит.

АҞӘА, жьҭаара 13 – Sputnik, Асмаҭ Ҵәыџьԥҳа. Ақалақь ахадара атәылауаа рыдкылара ааннакылеит атәылаҿ иҟоу аепидемиологиатә ҭагылазаашьа хьанҭа инадҳәаланы. Абри атәы Sputnik иазаанацҳаит аусбарҭа апресс-маҵзура.

"Акоронавирус рымазар ҟалоит ҳәа агәызҩара ззыҟоу рыда егьырҭ аусзуҩцәа аусура иҭыҵуеит. Аҭел иасуа аҭак рырҭоит, аелектронтә ԥошьҭахь иаарышьҭуа ашәҟәқәагьы иара убас", - ҳәа рҳәеит апресс-маҵзураҿы.

Аҭааҩцәа рыдкылара анхацыркхо макьаназ еилкаам.

Аԥсны еиҳа-еиҳа еизҳауеит COVID-19 змоу рхыԥхьаӡара. Иахьазы иазгәаҭоуп 2343-ҩык, 854-ҩык ргәы бзиахахьеит, 23–ҩык ԥсхьеит.

Иара убас шәаԥхьар ҟалоит:

16

ААУ аԥышәаратә сессиа ахыгоуп акарантин иахҟьаны

6
(ирҿыцуп 23:09 15.01.2021)
Аԥснытәи аҳәынҭқарратә университет аҟны аԥышәаратә сессиа иалагараны иҟан ажьырныҳәа 18 инаркны, иацҵахон жәабранмза алагамҭанӡа.

АҞӘА, ажьырныҳәа 16-Sputnik. Ажьырныҳәа 25-нӡа Аԥснытәи аҳәынҭқарратә университет аҟны акарантин рылаҳәоуп, иҟоу аепидемиологиатә ҭагылазаашьа иахҟьаны, абри аҩыза аӡбамҭа аднакылеит аректорат, абри атәы Sputnik иазааицҳаит апресс-маҵзура анапхгаҩы Џьамбул Инџьгьиа.

Инџьгьиа иажәақәа рыла, ашықәс алагамҭазы COVID-19 рзышьақәырӷәӷәан аӡәык-ҩыџьак арҵаҩцәа. Астудентцәа рҟынтә аҿкычымазара ӡәыр рцәа иалу иаламу аилкаара иаҿуп.

2020 шықәсазы атәылаҿ иҟоу аепидемиологиатә ҭагылазаашьа инадҳәаланы Аԥснытәи Аҳәынҭқарратә университет анапхгара аҵараиурҭа аҭалара аԥҟарақәа рыԥсахит. ААУ аректор актәи ихаҭыԥуаҩ Виктор Маланӡиа иажәақәа рыла, ауниверситет ахь ԥышәарада абитуриентцәа рыдыркылеит. Аԥышәаратә сессиа ашьҭахь еилкаахоит хәыда-ԥсада аҵара зҵои, аҵара ахә зшәалои.

Аԥсны Аҳәынҭқарра Ахада Аслан Бжьаниа инапы аҵаиҩит 2021 шықәса жәабранмза 10 рҟынӡа ауааҧсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа.

6

Адлертәи аӡбарҭа закәаншьаҭада Аԥсныҟа анаркотикқәа алазгалоз иганахь аӡбамҭа аднакылеит

4
(ирҿыцуп 23:07 15.01.2021)
Краснодартәи атәылаҿацә Аҳәаахьчаратә усбарҭа аусзуҩцәа аушьҭырҭатә ҭыԥ "Адлер" аҟны дааныркалеит урыстәылантәи Аԥсныҟа анаркотикатә маҭәашьарқәа алазгалоз ахаҿы.

АҞӘА, ажьырныҳәа 16-Sputnik. Краснодартәи атәылаҿацә Адлер араионтә ӡбарҭа закәаншьаҭада Аԥсныҟа анаркотикқәа алазгалоз ахаҿы иганахьала аӡбамҭа аднакылеит, ҳәа аанацҳауеит Урыстәыла АШәМ Краснодартәи атәылаҿацә аҿы Аҳәаахьчаратә усбарҭа апресс-маҵзура.

Ахаҵа ахылаԥшра апункт ахь даннеи дгәарҭеит, иагьидырбалеит анаркотикатә маҭәашьарқәа, иаарԥшыз аилаҳәара иагәылан метадон (фенадон, долофин).

Иԥшааз аилаҳәырақәа иргәылыз аекспертиза мҩаԥган.

Атәылауаҩ ахара идҵоуп анырра ӷәӷәа ҟазҵо амаҭәашьар аконтрабандазы. 10 шықәсеи мызки аҭакра иқәҵоуп иӷәӷәоу арежим иатәу ариашаратә колониаҿы.

Аӡбарҭа аӡбамҭа амчра аиуит.

Иара убас шәаԥхьар ҟалоит:

4