Гогьиа: сыԥсшьарамшқәа зегьы ашьхааӡара иазкуп

20
(ирҿыцуп 11:42 14.10.2020)
Гәылрыԥшь инхо аԥсуа бызшәеи алитературеи рырҵаҩы Леонид Гогьиа ашьхааӡара инапы алакуп. Арадио Sputnik аефир аҿы иара еиҭеиҳәеит арҵаҩреи ашьхааӡареи шеилеигӡо атәы.

Леонид Гогьиа 25 шықәса ихыҵуеит, иара шьҭа быжь-шықәса ҵуеит ашкол аҿы рҵаҩыс аус иуеижьҭеи.

Раионк аԥсҭазаараҟынтә: Гогьиа арҵаҩреи ашьхааӡареи иазкны

"Иаԥсыуам ашколқәа рҿы аԥсуа бызшәа рызназгоит. Сара суалԥшьас исыԥхьаӡоит абызшәа ззымдыруа атәым милаҭ иҳалынхо абызшәа дырҵара. Алҵшәақәагьы бзиоуп ҳәа исыԥхьаӡоит. Зегьы инеиԥынкылан сызҳәом, аха класс аҿы иҟоуп хҩык-ԥшьҩык раҟара аҵаҩцәа ҳааицәажәартә алшара змоу. Уи адагьы ақыҭа сахьадҳәалоу аҟнытә, ашьхымзааӡара саҿуп. Уи схәыҷы аахыс амаршәа кны, игәцаракны, сазнеиуеит, сашьцәа ирыҿцааны схатә шьхымзагьы ықәсыргылеит. Есышықәса ашьхарахь Лаҭаҟа, ихаҳгалоит рырҳәра, нас еиҭа аҩныҟа иаагоит. Бзиа ибаны саҿуп, сыԥсшьарамшқәа зегьы дара ирызкуп", - ҳәа еиҭеиҳәеит Гогьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

20

ААУ аԥышәаратә сессиа ахыгоуп акарантин иахҟьаны

6
(ирҿыцуп 23:09 15.01.2021)
Аԥснытәи аҳәынҭқарратә университет аҟны аԥышәаратә сессиа иалагараны иҟан ажьырныҳәа 18 инаркны, иацҵахон жәабранмза алагамҭанӡа.

АҞӘА, ажьырныҳәа 16-Sputnik. Ажьырныҳәа 25-нӡа Аԥснытәи аҳәынҭқарратә университет аҟны акарантин рылаҳәоуп, иҟоу аепидемиологиатә ҭагылазаашьа иахҟьаны, абри аҩыза аӡбамҭа аднакылеит аректорат, абри атәы Sputnik иазааицҳаит апресс-маҵзура анапхгаҩы Џьамбул Инџьгьиа.

Инџьгьиа иажәақәа рыла, ашықәс алагамҭазы COVID-19 рзышьақәырӷәӷәан аӡәык-ҩыџьак арҵаҩцәа. Астудентцәа рҟынтә аҿкычымазара ӡәыр рцәа иалу иаламу аилкаара иаҿуп.

2020 шықәсазы атәылаҿ иҟоу аепидемиологиатә ҭагылазаашьа инадҳәаланы Аԥснытәи Аҳәынҭқарратә университет анапхгара аҵараиурҭа аҭалара аԥҟарақәа рыԥсахит. ААУ аректор актәи ихаҭыԥуаҩ Виктор Маланӡиа иажәақәа рыла, ауниверситет ахь ԥышәарада абитуриентцәа рыдыркылеит. Аԥышәаратә сессиа ашьҭахь еилкаахоит хәыда-ԥсада аҵара зҵои, аҵара ахә зшәалои.

Аԥсны Аҳәынҭқарра Ахада Аслан Бжьаниа инапы аҵаиҩит 2021 шықәса жәабранмза 10 рҟынӡа ауааҧсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа.

6

Адлертәи аӡбарҭа закәаншьаҭада Аԥсныҟа анаркотикқәа алазгалоз иганахь аӡбамҭа аднакылеит

3
(ирҿыцуп 23:07 15.01.2021)
Краснодартәи атәылаҿацә Аҳәаахьчаратә усбарҭа аусзуҩцәа аушьҭырҭатә ҭыԥ "Адлер" аҟны дааныркалеит урыстәылантәи Аԥсныҟа анаркотикатә маҭәашьарқәа алазгалоз ахаҿы.

АҞӘА, ажьырныҳәа 16-Sputnik. Краснодартәи атәылаҿацә Адлер араионтә ӡбарҭа закәаншьаҭада Аԥсныҟа анаркотикқәа алазгалоз ахаҿы иганахьала аӡбамҭа аднакылеит, ҳәа аанацҳауеит Урыстәыла АШәМ Краснодартәи атәылаҿацә аҿы Аҳәаахьчаратә усбарҭа апресс-маҵзура.

Ахаҵа ахылаԥшра апункт ахь даннеи дгәарҭеит, иагьидырбалеит анаркотикатә маҭәашьарқәа, иаарԥшыз аилаҳәара иагәылан метадон (фенадон, долофин).

Иԥшааз аилаҳәырақәа иргәылыз аекспертиза мҩаԥган.

Атәылауаҩ ахара идҵоуп анырра ӷәӷәа ҟазҵо амаҭәашьар аконтрабандазы. 10 шықәсеи мызки аҭакра иқәҵоуп иӷәӷәоу арежим иатәу ариашаратә колониаҿы.

Аӡбарҭа аӡбамҭа амчра аиуит.

Иара убас шәаԥхьар ҟалоит:

3