Аԥсны Апарламент COVID-19 азы аиҳабыра ирыднагалеит аԥкрақәа дырӷәӷәарц

16
Аԥсны Апарламент адепутатцәа Гәдоуҭатәи аковидтә госпиталь иаҭааит жьҭаара 10 рзы. Убри ашьҭахь аҿкыра ԥхьаҟа аламырҵәаразы абжьгарақәа ҟанаҵеит.

АҞӘА, жьҭаара 14 – Sputnik. Аԥсны Апарламент адепутатцәа атәыла ахада Аслан Бжьаниеи аԥыза-министр Александр Анқәаби ажәадгалақәа рзыҟарҵеит аепидемиологиатә ҭагылазаашьа аицәахара инадҳәаланы. Абри атәы аанацҳауеит Жәлар Реизара асаит.

"Аԥсны Апарламент адепутатцәа агәҭынчымра рызцәырнагоит иҟоу аҭагылазаашьа, акоронавирустә инфекциа (COVID -19) аепидемиа аҽахьарҭбааруа. Шәареи Аминистрцәа реилазаареи ишәылшо зегь шыҟашәҵогьы, апандемиа алаҵәара иаҿуп. Адиагностикатә хархәагақәа ззымхо, Гәдоуҭа иҟоу COVID-госпиталь заҵәы алшарақәа ҳәаадам", - ҳәа аҳәоит адырраҭараҿы.

Аԥсны Апарламент адепутатцәа Гәдоуҭатәи аковидтә госпиталь иаҭааит жьҭаара 10 рзы. Уа дара урыстәылатәи амедикцәеи амедусбарҭа аусзуҩцәеи ирыҿцәажәеит.

Аиԥылараан иазгәаҭан аҿкыра аламырҵәаразы аԥкыратә уснагӡатәқәа шырӷәӷәатәу.

Абри иазхәыцны адепутатцәа аиҳабыра ирабжьыргоеит азеиԥшҵаратәи ашколқәраҟынӡатәи аҵараиурҭақәа, азеиԥш крыфарачарҭақәа, аспортшколқәа, асекциақәа, афитнес-центрқәа, аҽырԥшӡарҭатә салонқәа, ахцәыҟаҵарҭақәа, амузеиқәа, атеатрқәа уҳәа акультура аусҳәарҭақәа акарантин ахь риагара.

Уи адагьы Апарламент аҳәара ҟанаҵоит ауаажәларартә транспорт, аџьармыкьақәа, адәқьанқәа рҟны асанитартә хылаԥшра мҩаԥгалазарц, аҳәынҭқарратәи амуниципалтәи усбараҭқәа русзуҩцәа адистанциатә режим ахь ииагазарц.

Адепутатцәа ргәаанагарала ихымԥадазароуп асабраданыҟәгара арежим ареспублика иахьаҵанакуа зехьынџьара, АИХ рыла асанитар-рккаратә усура арӷәӷәара, аԥкрақәа хылаԥшра рыҭара.

Апарламентарицәа аҳәара ҟарҵеит Гәдоуҭатәи агоспиталь аҿы еиԥҟьарада аҵәыҵәри анашьҭара аиҿкаареи атомограф аусуреи рызҵаарақәа ӡбазарц.

Иара убасгьы Апарламент иаԥхьаӡоит:

  • Акоронавирус ацәыхьчаразы Аоперативтә штаб Гәдоуҭатәи агоспиталь ахь ииагатәуп мамзаргьы есымчыбжьа аусутә еилатәарақәа мҩаԥгатәуп ҳәа;
  • Аԥкыратә аамҭақәа раан ашәахтәқәа рхыԥхьаӡалара аанкылазарц;
  • Ашәахтәшәарақәа рыҿҳәара инахазарц;
  • ИП, абиуџьет аусзуҩцәеи аалхны аиҿкаарақәа рҳасабеилыргаратә, ршәахтә, рстатистикатә ҳасаббара аҿҳәарақәа ирнахазарц;
  • Аҳазалхратә шәарақәа рыҿҳәара анахара, уи азы апроцент рымхрада (аҳазалхратә баџь, НДС);
  • Апластикатә хсаалагақәа Амилаҭтә ԥарашәаратә система "Аԥра" абанкоматқәеи Pos-терминалқәеи рҟны рхархәара архынҳәра.

Аԥсны Амилаҭтә банк иабжьгоуп:

  • Аккредиттә еиҿкаарақәа ауал ареструктуризациа азура азин рыҭара, акредитқәа рзы ахараԥсақәеи апениқәеи рымымхра;
  • Ауал амаҵзура ахаҭабзиара аицәахараан ахатәхаҿқәа акредитқәа рзы ррезервқәа рыцымҵара.
16
Атемақәа:
Ачымазара ҿкы – акоронавирус Аԥсни адунеи аҿи: иалкаау (815)

Пицунда ахада атуристцәа рзы: 2020 шықәсазы аахәаратә лшара еиҳахеит

1
Аԥсны атуризм аминистрра адыррала 2020 шықәса нанҳәа 1 инаркны Аԥсны иаҭааит 600 нызқьҩык инареиҳаны атуристцәа.

АҞӘА, жьҭаара 29 – Sputnik, Бадри Есиава. 2020 шықәсазы Пицунда иаҭааз атуристцәа раахәаратә лшара еиҳахеит ҳәа Sputnik иазеиҭеиҳәеит  Пицунда ахада Алхас Шамба.

"Сара 50 шықәса ҵуеит Пицунда сынхоижьҭеи. Ибзианы исгәалашәоит Лиудмила Гурченкои Ельдар Риазановы неиааиуа ҳаԥшаҳәа иананыз. Дысгәалашәоит аолимпиатә чемпион Владислав Третиак ҳпансионат аҿы иԥсы шишьоз. Еиҿсырԥшыша сымоуп. Иахьатәи атуристцәа усҟантәи аамҭақәа рыҩаӡараҟынӡа раахәаратә лшара ҟаланы иҟоуп", - иҳәеит иара.

Шамба иажәақәа рыла, сынтәа, Пицунда иаҭааз ҵыԥх аасҭа рхыԥхьаӡара шеиҵоугьы нанҳәамзаахыс акаҳуажәырҭақәа, ақьафурҭақәа, ахатә сектор ҭәын.

Ақалақь ахада ари атенденциа адиҳәалоит апандемиа иахырҟьаны урыстәылаа адунеитә курортқәарахь рцара ахьыԥкхаз. Иаартыз атәылақәа иреиуан Аԥсны.

"Акаҳуажәырҭақәа рҭааҩцәа рацәаҩын, аплиажқәа, аотельқәа рҿы аномерқәа иара убасгьы иҭәын. Заҟаҩ ҳҭааз сызҳәом, аха абри аамҭазы уаанӡа  Пицунда иаҭаауаз рхыԥхьаӡара абжанӡа ыҟан", - иҳәеит Шамба.

Нанҳәа акы азы аурыс-аԥсуа ҳәаа аадыртызар, Аԥсны иаҭаахьеит 600 000-ҩык атуристцәа иҳәеит Аԥсны атуризм аминистр Ҭеимураз Хышба Аԥсуа телехәаԥшраҿы апресс-конференциа анымҩаԥигоз.

1

"Ковид" аԥырхагамхар: Гагра агәамсам аизгаразы атехника аахәара азыԥхьагәаҭоуп

2
(ирҿыцуп 15:40 29.10.2020)
Иазхоны иҟоу агәамсамеизакырҭа атехникеи аконтеинерқәеи раахәаразы 20 миллион мааҭ аҭахны иҟоуп.

АҞӘА, жьҭаара 29 – Sputnik, Бадри Есиава. Аԥхьаҟатәи акурорттә сезон азы Гагра агәамсам аизгаразы атехника аахәара азыԥхьагәаҭоуп акоронавирус апандемиа аԥырхагамхар, абри атәы Sputnik иазеиҭеиҳәеит Гагра араион ақалақьтә нхамҩа аусбарҭа аиҳабы Роман Чагәаа.

Иара иҳәеит иахьазы х-машьынак шракәу ирымоу, аха иахәҭаны иазыԥхьаӡоу ԥшьба-хәба шракәу.

"Асезон алагамҭаз амашьынақәа ҩба ракәын иҳамаз агәамсам ақәгаразы. Ахԥатәи амашьына аремонт азаауит. Аха урҭгьы азхом ақалақь арыцқьаразы аиҳарак аԥхынра аамҭазы. Ианамуӡа 4 ма 5 машьына ҳҭахуп. Иара убасгьы иаахәатәуп 400 цыра агәамсамҭаҵарҭақәа", - иҳәеит Чагәаа.

Чагәаа ишиԥхьаӡо ала иҿыцу атехника 3-4 миллион мааҭ иаԥсоуп. Иааидкыланы 15 миллион мааҭ рҟынӡа инаӡоит. Уи адагьы 5 миллион мааҭ рҟынӡа аинвентарь аахәатәуп.

"Ҳақәгәыӷуеит апандемиа шԥанымҵәари ҳәа. Иара убасгьы ҳгәыӷуеит апроблема аӡбразы атәыла аиҳабыра ҳацхраап ҳәа. Уи залмыршахар, абанк аҿы акредит гатәхоит, избанзар атехника ада ԥсыхәа ҳамам", - иҳәеит Чагәаа.

Акурорттә сезон аан агәамсам Гагра инахыкны иҟоу аполигон ахь иганы икарыжьуеит, мышкала 15-20 реис ҟарҵоит. Ари аполигон ахь инаргоит Гәдоуҭа араион аҿтәи агәамсамгьы. Ацрыҵқәа атехника ҷыдала анышә иарҭоит, агәамсам аус еиҭадулара ахьзалымшо азы.

2