Ҭырқəтəылатəи ҳдиаспора акоронавирус аҿагыларазы ацхыраара аанашьҭит

18
(ирҿыцуп 15:02 14.10.2020)
Ҭырқəтəыла еиҿкаау Аԥсуа Федерациа аԥшьгарала Аԥсныҟа иаашьҭуп аҿкчымазара аԥырҟəҟəааразы 300 нызқь доллар рыхə амедицинатə маругақəеи еиуеиԥшым ахəшəқəеи.

АҞӘА, жьҭаара 14 - Sputnik, Сырма Ашәԥҳа. Ҭырқəтəыла иҟоу Аԥсуа Федерациа аԥшьгареи ацхыраареи ирыбзоураны, Аԥсныҟа иаашьҭуп 300 нызқь доллар рыхə амедицинатə мыругақəеи, ахəшəқəеи, аҳақьымцəа рзы ашəҵатə ҷыдақəеи ҳәа Sputnik иазеиҭеиҳәеит Сҭампыл еиҿкаау Аԥсуа Федерациа аиҳабы Аҭанур Аҟəысба.

© Foto / Атанур Акусба
Ҭырқəтəыла еиҿкаау Аԥсуа Федерациа аԥшьгарала Аԥсныҟа иаашьҭуп аҿкчымазара аԥырҟəҟəааразы 300 нызқь доллар рыхə амедицинатə маругақəеи еиуеиԥшым ахəшəқəеи.

Аидара зқəыз амашьына жьҭаара 13 рзы ҳтəыла иаҭааит. Асеиԥш аӡбамҭа ҳџьынџьуаа ирыдыркылеит  аҵыхəтəантəи аамҭазы Аԥсны еиҳагьы иуадаҩхаз аепидеомиологиатə ҭагылазаашьа иахҟьаны.

"Адунеи аҿы еиҳа-еиҳа иазҳауеит COVID-19 змоу ачымазцəа рхыԥхьаӡара. Акоронавирусттə ҿкы ауааԥсыра рацəыхьчаразы Аԥсны имҩаԥырго аусмҩаԥгатəқəа рҿы ҳлагала ҟаҳҵарц ҳаӡбеит. Убри аҟынтə  инаҳашьҭыз агəыҳалалратə цхыраара еиднакылоит абас еиԥш иҟоу амаҭəашьарқəа: жəацырак аԥсыԥ-лагаҩагаратə маругақəа, 15 нызқь рҟынӡа еиуеиԥшым ахəшəқəа, 50 нызқь асабрадақəа, аҳақьымцəа рхы зларыхьчаша иҷыдоу амаҭəахəқəа, хə-нызқь цыра атест уҳəа имаҷымкəа рхы иадырхəаша ацхыраагӡақəа", - иҳəеит Аԥсуа Федерациа аиҳабы Аҭанур Аҟəысба.

Ари агəыҳалалратə акциа аарԥшуп Аԥсны анапхгара, агəабзиарахьчара аминистрра, аҳақьымцəа, иара убас Аԥсуа Федерациа ахаҭарнакцəа заа имҩаԥыргахьаз аицəажəара  иабзоураны. Ари аус аҿы ацхыраара ду аадырԥшит Ҭырқəтəылатəи Ареспублика ахадарагьы.

"Аԥсуа хеидкылақəа рфедерациа еиҿнакааит, Ҭырқəтəылатəи Ареспублика агəабзиарахьчара аминистрреи, адəныҟатəи аусқəа рминистрреи, Аԥсны Аҳəынҭқарра Ахада иалкаалеи имҩаԥгоуп асеиԥш иҟоу ауснагӡатə. Иҟаҳҵаз аҳəара иахаҵгылаз, адгылара азҭаз зегьы ҭабуп ҳəа раҳҳəоит, убарҭ рхыԥхьаӡараҿы иҟоу Еиду амилаҭқəа реиҿкаара аусзуцəагьы налаҵаны", - ҳəа азгəеиҭоит Аҭанур Аҟəысба.

Аҟәысба COVID-19 аҿагыларазы Ҭырқәтәылантә ацхырааразы: аиашьа иҟаиҵо "иҭабуп" ахҳәаатәӡам>>

Ҳџьынџьуаа рыԥсадгьыл ахь рырхынҳəразы аҳəынҭқарратə еилакы аиҳабы Вадим Ҳаразиа, Ҭырқəтəыла еиҿкаау Аԥсуа Федерациа еиҿнакааз аус ҭабуп ҳəа ахҳəаауа, иазгəеиҭеит:

"Ҭырқəтəылантəи иаарышьҭыз агəыҳалалратə цхыраара Аҟəа ақалақь алабораториаҿы ишьҭоуп.    Заанаҵы Аԥснынтə ирҭахыз асиақəа еиқəыршəан, уи ахаҵгылара бзиагьы арҭеит аҳəаанырцə инхо ҳашьцəа. Иахьа аихшаратə усқəа нап адыркуеит, ишахəҭоу еиԥш иҳəаақəырҵоит, шьыжьнаҵы иахəҭоу актқəа рыҩра нап адыркит. Аԥсны афармацевттə усбарҭа аиҳабы Ахра Аџьба излаиҳəаз ала, 80% Гəдоуҭатəи агоспиталь ахь ирышьҭуеит, 20% - ахəышəтырҭақəа рахь идəықəырҵоит. Ишыжəдыруа  еиԥш, Аԥсны аҭыԥқəа раартра иаҿуп, уи азы ахаҵгыларагьы аарԥштəуп", - ҳəа азгəеиҭеит арепатриациазы аҳəынтқарратə еилакы аиҳабы Вадим Ҳаразиа.

Ҭырқəтəыла еиҿкаау Аԥсуа Федерациа ҳаимадареи, ҳаидгылареи, ҳаицхыраареи ирыдҳəалоу ауснагӡатəқəа ҷыдала иазнеиуеит, аԥхьаҟагьы адгылара аҟаҵара иазыхиоуп ҳәа инаҵишьит Аҭанур Аҟәысба.

Иара убас шәаԥхьар ҟалоит:

18

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Сангәлиа аԥсуа сериал "Алахьынҵа" азы: ҳазыԥшымызт ас ауаа ирыдыркылап ҳәа

8
Аԥсуа бызшәа аҿиара иазырхоу апроект ала имҩаԥысуеит асериал "Алахьынҵа" аҭыхрақәа. Апроект автор, арежиссиор-ақәрыгылаҩ, Саид Сангәлиа арадио Sputnik аефир аҿы еиҭеиҳәеит гәыԥҩык аҿар асериал аҭыхра шаԥшьыргаз атәы.
Сангәлиа аԥсуа сериал "Алахьынҵа" азы: ҳазыԥшымызт ас еиԥш ауаа ирыдыркылап ҳәа

"Аинтернет сериал аԥҵара схала исмыӡбеит, дсыцхрааит Мран Алҭеиба. Апроект иаалырҟьан иӡбоу ак акәӡам, акыраамҭа ҳазнеиуан. Ибзиангьы еилаҳкаауан ауадаҩрақәа рацәаны ҳшызцәырҵуаз, еиҳарак атехника аганахьала. Ҟәрышьқәак ааилаԥсаны иааҳхәеит амикрофонқәа уҳәа зыда ԥсыхәа ыҟам атехника. Иара ҳбызшәала иҭҳажьырц ҳҭахын, избанзар, аԥсшәа аӡыргара иацхраауеит. Асериал арԥыси аҭыԥҳаи рыбзиабара иазкуп. Сериак 5-7 минуҭк раҟара ицалоит, х-сезонк рыла ишьақәгылазаауеит, сезонк аҿы жәа-сериак ҟалоит. Асериал асоциалтә даҟьақәа рҿы уахәаԥшыр улшоит. Уаҟа ихәмаруа актиорцәа аҟазара злоу, абызшәа бзианы издыруа роуп, иҟоуп аҿар, хымԥада, аҟазара злоу, аха рбызшәа хьысҳауп, убри аҟнытә иаҳа иззымариоу аалаҳхын, аҭыхрақәа ҳрылагеит", - ҳәа еиҭеиҳәеит Сангәлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8