Аԥсны ААР ауаажәларратә транспорт аҿы асанитартә нормақәа ишрықәныҟәо иахылаԥшлоит

17
(ирҿыцуп 17:46 14.10.2020)
Жьҭаара 5 раахыс ареспубликаҿы авирус алаҵәара алмыршаразы аԥкыратә уснагӡатәқәа алагалоуп. Жьҭаара 13 рзы Аԥсны ахада Аслан Бжьаниа аусдҵа инапы аҵаиҩит аԥкырацҵақәа ралагаларазы.

АҞӘА, жьҭаара 14 – Sputnik. Аԥсны аҳәынҭавтоинспекциа аусзуҩцәа ауаажәларратә транспорт аҿы асанитартә нормақәа ишрықәныҟәо иахылаԥшуа иалагеит ҳәа аанацҳауеит Аԥсны ААР аофициалтә саит.

"Аамҭалатәи аҿыц ԥҟарақәа инарықәыршәаны ареисқәа рымҩаԥгараан автобусқәа, атроллеибусқәа, амаршрут таксиқәа рныҟәцаҩцәа хымԥада ахыхьчагатә хархәагақәа рымазароуп. Иара убасгьы атранспорт хархәага иҭатәоу апассаџьырцәа рхыԥхьаӡара иҟоу атәарҭақәа рыбжа еиҳамзароуп", - ҳәа иҳәеит Аԥсны ААИ аусбарҭа аиҳабы Баҭал Агрба.

Ареидтә уснагӡатәқәа реиҳарак амш ашыкьымҭаз имҩаԥыргалоит. ААИ аусзуҩцәа апассаџьырцәа рзы апрофилактикатә ҿцәажәара мҩаԥыргоит, ирабжьыргоит рхы рыхьчаларц ҳәа иҳәеит Агрба.

Аҳәынҭавтоинспекциа аусзуҩцәа апассаџьырцәа асабрадақәа рымоу ирымаму гәарҭоит, ртәашьеи рсоциалтә дистанциеи иахәаԥшуеит.

Апассаџьырцәа рымҩангаразы аамҭалатәи аԥҟарақәа ззырхоу акоронавирустә инфекциа ауаа рацәыхьчароуп. Дарбанызаалак апассаџьыр ивараҿтәи атәарҭа ҭацәызароуп.

"Аамҭалатәи аҿыц ԥҟарақәа инарықәыршәаны ареисқәа рымҩаԥгараан автобусқәа, атроллеибусқәа, амаршрут таксиқәа рныҟәцаҩцәа хымԥада ахыхьчагатә хархәагақәа – асабрадақәа, анапхаҵақәа рымазароуп, рнапқәа дырзҩыдалароуп", - иҳәеит Баҭал Агрба.

Иара убасгьы атранспорт хархәага иҭатәоу апассаџьырцәа рхыԥхьаӡара иҟоу атәарҭақәа рыбжа еиҳамзароуп.

Аҩнуҵҟатәи аусқәа рминистр Дмитри Дбар иажәақәа рыла Аԥсны аҳәынҭавтоинспекциа аусзуҩцәа ауаажәларратә транспорт аҿы асанитартә нормақәа ишрықәныҟәо иахылаԥшлоит есыҽны, ареспублика араионқәа зегьы рҿы.

17

Уахыки-ҽнаки рыла 106-ҩык акоронавирус шрылаз аадырԥшит Аԥсны

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

7
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

7