"Амцахара" "Аруаа" аиҳабыра рганахьала иҟарҵаз аҳәамҭа аҭак арҭеит

11
(ирҿыцуп 18:49 14.10.2020)
Апартиа "Амцахара" аҭак ҟанаҵеит аветерантә еиҿкаара "Аруаа" иахьатәи атәыла анапхгара аҿкчымазара алаҵәара аамҭазы акгьы ҟарымҵеит ҳәа ахара ахьрыдырҵо аҳәамҭа.

АҞӘА, жьҭаара 14 – Sputnik. Аполитикатә партиа "Амцахара" аветерантә еиҿкаара "Аруаа" рахь ааԥхьара ҟарҵеит Аԥсны аепидемиологиатә ҭагылазаашьазы ауаа дмыршәаларц.

"Амцахара" ахаҭарнакцәа ргәаанагарала, атәылаҿы иалшо зегьы ҟарҵоит ичмазаҩу рыхәышәтәразы.

"Аҳәамҭа авторцәа (апартиа "Аруаа"- аред.) иахырҟьацәаны ицәажәоит, џьоукы-џьоукы рҭакԥхықәрадара атәыла анапхгара ирықәыжьуа, ауааԥсыра агәынамӡара рызцәырҵыртә иҟарҵоит. Аҳәамҭа ҟаҳҵоит аҿкра аӡәгьы ианивымсуа аамҭазы ишахәҭам ҵаҵӷәы змам ахарадҵара аҟаҵара", - ҳәа аҳәоит адырраҭараҿы.

"Амцахара" аҭак арҭеит аепидемиологиатә ҭагылазаашьа уадаҩ аан аҳәаа аартын ҳәа иҳәазгьы.

"Ишәгәалаҳаршәоит ааигәаӡа Гагра амитинг аҿы уаанӡатәи атәыла анапхгара рыдгылаҩцәа аԥсуа-аурыс ҳәаа ахьаркызи аԥкрақәа рыҟазаареи рзы атәыла анапхгара ахара шрыдырҵоз", - ҳәа азгәарҭеит "Амцахара" аҿы.

Аҳәамҭаҿ иазгәаҭоуп Аԥсны анапхгара аҽшазнашәо Урыстәылатәи амедицинатә усуҩцәа рааԥхьаразы, ишаԥырҵаз Акоординациатә штаб ауааԥсыра акоронавирус рацәыхьчаразы, аӡбара ишаҿу 500 иара-ҭыԥ иҟоу адәытә госпиталь аартра, аԥкратә уснагӡатәқәа шырӷәӷәо.

"Аруаа" рҳәамҭа – апатриотизм аарԥшреи атәылауаа рзы агәҭынчымреи ракәӡам иззырхоу. Ари ирцәыӡыз архынҳәра ахьрылымшо ахьаа ирнаҭаз ауп", - ҳәа аҳәоит адырраҭараҿы.

"Амцахара" ахаҭарнакцәа "Аруаа" ирабжьыргоит аҭагылазаашьа дмырцыхцыхларц, аԥаршеи информациа ауаа ирыладмырҵәаларц, акгьы ахьыҟам акыҟоушәа рымҳәаларц.

11

Аԥсны 134-ҩык акоронавирус рыдырбалеит, аӡәы лыԥсҭазаара далҵит

5
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4