Аретро-дәыӷба "Шәача" Аԥсныҟа иаалоит аԥхаррақәа рышьҭахьгьы

11
(ирҿыцуп 17:54 15.10.2020)
Ҩымз аус зуаз атуристтә дәыӷба "Шәача" 13 нызқьҩык инареиҳаны апассаџьырцәа мҩаннагеит.

АҞӘА, жьҭаара 15 - Sputnik. Атуристтә ретро-поезд "Шәача" есыҽны Гаграҟа аҩашада иныҟәоит, уи аԥхаррақәа рышьҭахьгьы иаалоит ҳәа аанацҳауеит Шәача ахадара апресс-маҵзура.

Аретро-дәыӷба "Шәача" раԥхьатәи ареис нанҳәа 15 рзы иааит Тҟәаԥсынтәи Гагратәи аихамҩатә станциахь.

Адәыӷба иацраҳәоуп акупетә вагонқәа, азеиԥш вагонқәа, аплацкарттә вагонқәа. Урҭ зегьы асовет аамҭа астиль ала еиқәыршәоуп, аха иахьатәи аамҭа иақәшәо алшарақәа амоуп: аҳауархьшәашәагақәа, арозеткақәа, usb-портқәа, амобилтә ҭелқәа раҿаҵарҭақәа.

Апассаџьырцәа иара убас алшара рымоуп Амшынеиқәаҿықәаҿтәи аҭыԥ ԥшӡарақәа ирызку аинформациа ахьроуша амультимедиатә портал аҭалара.

Роспотребнадзор иҟанаҵо абжьгарақәа инрықәыршәаны, атуристтә дәыӷба дәықәлаанӡа, нас амҩа ианықәугьы адезинфекциа азыруеит.

Адәыӷба Шәачантәи идәықәлоит асааҭ 08.00 рзы шәахьала, хашала, ԥшьашала, хәашала, сабшала, мҽышала, Гагра инеиуеит асааҭ 11:05 рзы. Ианааиуа аҽныҵәҟьа ихынҳәны Шәачаҟа идәықәлоит асааҭ 19:00 рзы, Шәача инеиуеит 22:25 рзы.

Иара убас шәаԥхьар ҟалоит:

11

Уахыки-ҽнаки рыла 106-ҩык акоронавирус шрылаз аадырԥшит Аԥсны

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

7
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

7