Амилициа атранспорт аҿы аԥкрақәа ишрықәныҟәо гәарҭоит

19
(ирҿыцуп 19:13 15.10.2020)
Аҳәынҭавтоинспекциа аусзуҩцәа хылаԥшра арҭоит акоронавирус иахырҟьаны ауаажәларратә транспорт аҟны аԥкратә уснагӡатәқәа шцо. Апассаџьырцәеи атранспорт арныҟәаҩцәеи уи шрыдыркылои амилициаа ирылшои Sputnik аматериал аҿы.

Аԥсны акоронавирустә инфекциа аламырҵәаразы жьҭаара 5 рзы аԥкрақәа алагалан. Жьҭаара 15 рзы ахада Аслан Бжьаниа аԥкырацҵақәа рзы иусԥҟа амчра аиуит.

Бадраҟ Аҩӡба, Sputnik

Амилициа аусзуҩцәа макьаназы аилыркааратә усурақәа мҩаԥыргоит. Профилактикак аҳасаб ала рреид хацдыркит Аԥснытәи аҳәынҭқарратә университет аангыларҭаҟынтәи.

Амашьынарныҟәцаҩцәа ргәырҽанымызт агәараҭарақәа ҟалоит ҳәа. Автобуск аҟны ауаа рныҟәгашьа аԥҟарақәа ирықәшәо иҟамызт. Азинхьчаҩцәа агәра ддыргон уажәшьҭарнахыс ишахәҭоу еиԥш рхымҩаԥгашьа шеиҿыркаауа.

© Sputnik / Томас Тхайцук
Амилициа аусзуҩцәа амашьынарныҟәцаҩцәеи апассаџьырцәеи аԥкрақәа ирықәныҟәарц рабжьыргоит

Амилициауаа ракәзар, арахь напыҭацәыла имааит. Асабрадақәа змамыз ишаны ирырҭон.

Апассаџьырцәагьы аԥҟара ҿыцқәа рықәныҟәара рацәак ргәы ахым: асабрадақәа ныҟәызго рацәаҩызар, атәарҭақәа рыԥҟарақәа ирықәшаҳаҭым. Машьынаныҟәцаҩык иҳәеит агәҽанызаара аҭахуп ҳәа уҳәар аҭакс "агәра згом" ҳәа уарҳәоит ҳәа.

"Иахьатәи аамҭа уадаҩ азы асабрадақәа рныҟәгара хымԥадатәиуп. Есыҽны заҟаҩ чмазаҩхо атәы ануаҳалак, ушәап. Ахыԥхьаӡара еиҳамхозар иеиҵахом. Хымԥада асабрадақәа ныҟәгалатәуп, арзҩыдагақәа ахархәара рыҭалатәуп", - ҳәа лҳәоит астудентка Алина.

© Sputnik / Томас Тхайцук
Аԥснытәи аҳәынҭқарратә университет аҟны аҵаратә процесс мҩаԥысуеит асанитартә нормақәа ирықәныҟәаны

Ареидқәа ауаа рацәа анныҟәо аамҭазы имҩаԥыргоит.

"Ауаажәларратә транспорт акоронавирустә инфекциа алазырҵәо ируакуп. Атранспорттә хархәагақәа шамахамзар еснагь иҭәуп, иҷыдоу аԥҟарақәа шыҟоугьы. Апассаџьырцәа роума арныҟәцаҩцәа роума хырыҩ азыруеит ироуҳәо. Ҳара иаҳуалу урҭ аҭагылазаашьа шшәарҭоу реилыркаароуп", - ҳәа иҳәоит Аҳәынҭавтоинспекциа аиҳабы Баҭал Агрба.

© Sputnik / Томас Тхайцук
Амилициа аусзуҩцәа ауаажәларратә транспорт иҭаланы ауаа шҭатәоу гәарҭоит

ААУ аҟынтәи амилиционерцәа Аҟәатәи аџьармыкьахь ииасит. Ара ауаа еснагь ирацәаҩуп. Амашьынақәа шамахамзар иҭәны иқәҵуеит.

Аҭагылазаашьа ауниверситет аҟны аасҭагьы еицәоуп. Арныҟәцаҩцәа руаӡәк аҿыцԥҟарақәа рҭакс иҳәоит рхарџьқәа ырацәахо, "бжарҭәыла феида ҳзалаӡам аныҟәара" ҳәа.

© Sputnik / Томас Тхайцук
Аҩнуҵҟатәи аусқәа рминистр Дмитри Дбар идҵала асанитар-епидемиологиатә нормақәа рпрофилактиказ ауснагӡатәқәа ауаажәларратә транспорт аҿы имҩаԥыргалоит есыҽны ареспублика араионқәа зегьы рҿы.

"Ашәарҭадаратә ԥҟарақәа ҳрықәымныҟәар, зегь чмазаҩхоит, нас иныҟәаагода? Ааԥынразы атранспорт аныҟәара аанаҳкылеит. Уажәгьы иаҭаххар ус еиҭаҟаҳҵар акәхоит", - ҳәа иҳәеит Баҭал Агрба.

Аҩнуҵҟатәи аусқәа рминистр Дмитри Дбар идҵала асанитар-епидемиологиатә нормақәа рпрофилактиказ ауснагӡатәқәа ауаажәларратә транспорт аҿы имҩаԥыргалоит есыҽны ареспублика араионқәа зегьы рҿы.

Иара убас шәаԥхьар ҟалоит:

19

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1