Аԥсны ААР игәарҭон ауниверситет аҿы COVID-19 аламырҵәара шалдыршо

19
(ирҿыцуп 19:14 15.10.2020)
Аԥсны акоронавирус аламырҵәаразы Аоперштаб адыррақәа рыла Аԥсны иахьаҵанакуа 2479 COVID-19 хҭыс ыҟоуп. Гәдоуҭатәи аковид-госпиталь аҿы ирхәышәтәуеит 168-ҩык, 18 пациент рҭагылазаашьа хьанҭоуп.

АҞӘА, жьҭаара 15 – Sputnik, Бадраҟ Аҩӡба. Аԥсны Аҩнуҵҟатәи аусқәа рминистрра аусзуҩцәа жьҭаара 15 рзы Аԥснытәи аҳәынҭқарратә университет аҿы авирус аламырҵәаразы ашәарҭадаратә усқәа ишрықәныҟәо гәарҭон.

Амилициаа аудиториақәа ирыҩналаны ирбон астудентцәа шыртәо, асабардақәа рҿоу ирҿаму. Иакымкәа аудиториа иҩналаны ирбеит, астудентцәеи арҵаҩцәеи ирыҿцәажәеит. Ауниверситет аҿы аԥкрақәа зегьы ишрықәныҟәо азгәарҭеит.

"Асеиԥш аинспекциақәа есыҽны имҩаԥгахалоит. Иахьа лабҿаба иаабеит астудентцәа зегьы асабрадақәа шырҿоу, алекторцәа урҭ ргәырҽанырҵеит аҵараиурҭахь сабрадада анеира шыҟамло азы. Иҟоуп ианырхашҭуагьы, аха урҭ ара ирырҭоит", - ҳәа иҳәеит ақалақь аҩнуҵҟатәи аусқәа русбарҭа аиҳабы Нугзар Чычба.

Иара иазгәеиҭеит арҵаҩцәагьы аԥҟарақәа ирықәныҟәоит, ахыхьчагақәа зегьы рхы иадырхәоит ҳәа.

Иахьазы Аԥсны иахьаҵанакуа 2479-ҩык коронавирус рыхьхьеит, 1100-ҩык ргәы бзиахеит, 23-ҩык рыԥсҭазаара иалҵит.

Гәдоуҭатәи аковид-госпиталь аҿы ирхәышәтәуеит 168-ҩык, 147-ҩык адиагноз COVID-19 рзышьақәырӷәӷәоуп, 18 пациент рҭагылазаашьа хьанҭоуп.

Иара убас шәаԥхьар ҟалоит:

19

"Ковид" аԥырхагамхар: Гагра агәамсам аизгаразы атехника аахәара азыԥхьагәаҭоуп

2
(ирҿыцуп 15:40 29.10.2020)
Иазхоны иҟоу агәамсамеизакырҭа атехникеи аконтеинерқәеи раахәаразы 20 миллион мааҭ аҭахны иҟоуп.

АҞӘА, жьҭаара 29 – Sputnik, Бадри Есиава. Аԥхьаҟатәи акурорттә сезон азы Гагра агәамсам аизгаразы атехника аахәара азыԥхьагәаҭоуп акоронавирус апандемиа аԥырхагамхар, абри атәы Sputnik иазеиҭеиҳәеит Гагра араион ақалақьтә нхамҩа аусбарҭа аиҳабы Роман Чагәаа.

Иара иҳәеит иахьазы х-машьынак шракәу ирымоу, аха иахәҭаны иазыԥхьаӡоу ԥшьба-хәба шракәу.

"Асезон алагамҭаз амашьынақәа ҩба ракәын иҳамаз агәамсам ақәгаразы. Ахԥатәи амашьына аремонт азаауит. Аха урҭгьы азхом ақалақь арыцқьаразы аиҳарак аԥхынра аамҭазы. Ианамуӡа 4 ма 5 машьына ҳҭахуп. Иара убасгьы иаахәатәуп 400 цыра агәамсамҭаҵарҭақәа", - иҳәеит Чагәаа.

Чагәаа ишиԥхьаӡо ала иҿыцу атехника 3-4 миллион мааҭ иаԥсоуп. Иааидкыланы 15 миллион мааҭ рҟынӡа инаӡоит. Уи адагьы 5 миллион мааҭ рҟынӡа аинвентарь аахәатәуп.

"Ҳақәгәыӷуеит апандемиа шԥанымҵәари ҳәа. Иара убасгьы ҳгәыӷуеит апроблема аӡбразы атәыла аиҳабыра ҳацхраап ҳәа. Уи залмыршахар, абанк аҿы акредит гатәхоит, избанзар атехника ада ԥсыхәа ҳамам", - иҳәеит Чагәаа.

Акурорттә сезон аан агәамсам Гагра инахыкны иҟоу аполигон ахь иганы икарыжьуеит, мышкала 15-20 реис ҟарҵоит. Ари аполигон ахь инаргоит Гәдоуҭа араион аҿтәи агәамсамгьы. Ацрыҵқәа атехника ҷыдала анышә иарҭоит, агәамсам аус еиҭадулара ахьзалымшо азы.

2

Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

9
(ирҿыцуп 15:42 29.10.2020)
Аныҟәарақәа рымҩаԥгаҩ Денис Гоԥиа арадио Sputnik аефир аҿы иҳәеит аԥсшьаҩцәа рзы ҿыц еиҿыркаауа атурқәа зхылҿиаауа атуристцәа рҭахрақәа шракәу.
Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

"Амандарин аҿалара ианалагалак Урыстәылантә арахь ирацәаҩны аԥсшьаҩцәа аауеит. Иҟоуп атурфирмақәа Аԥсны "амандаринтә тур" ҳәа иахьырбо. Ҳара заа амандаринатә баҳчақәа змоу ҳрацәажәоит аԥсшьаҩцәа ҳаманы ҳашнеиуа ала. Аԥсшьаҩцәа рнапала амандарин ҿырхуеит, агьама рбоит, абаҳчаҿы афотоҭыхымҭақәа ҟарҵоит. Анаҩс урҭ асоциалтә даҟьақәа рҿы иӡырыргоит, уи акыр иацхраауеит Аԥсны аӡбахә аларҵәаразы. Уи збо ҳтәылахь аара иҭаххоит. "Амандаринатә тур" адагьы иҟоуп аџьырмыкьахь игоу аныҟәарақәагьы, ҳмилаҭтә чысқәа: аџьынџьыхәа, алаҳарҩа, аҵәарҩа, ахьырҭиуа аҭыԥқәа рҿы инеиуеит, ирзеиҭаҳҳәоит уи заку. Аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп", - ҳәа еиҭеиҳәеит Гоԥиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9