Шәҩык чмазцәахеит, ԥшьҩык рыԥсҭазаара иалҵит: аоперштаб адырра ҿыцқәа

26
(ирҿыцуп 23:59 15.10.2020)
Иахьатәи аамҭазы Аԥсны акоронавирус зцәа иаланы иаадырԥшыз ауаа рхыԥхьаӡара 2579-ҩык ыҟоуп. Урҭ рахьтә ргәы бзиахеит 1167-ҩык, рыԥсҭазаара иалҵит 27-ҩык.

АҞӘА, жьҭаара 15 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 285-ҩык ирзыҟаҵан, урҭ рахьтә акоронавирус 100-ҩык рҟны иаадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Адырраҭара ишаҳәо ала, жьҭаара 14-15 рзы Гәдоуҭатәи аковид-хәышәтәырҭаҿы ԥшь-ԥсрак ҟалеит.

1938 шықәсазы ииз апациентка ареанимациа аҟәша дҭашәеит жьҭаара 12 рзы ҩганктәи аполисегментартә гәыҵәкра лыманы. Иақәнагаз атерапиа шылзымҩаԥыргозгьы, лара лыԥсҭазаара далҵит жьҭаара 15 рзы агәы-шьадатәи аԥсыԥлагаҩагаратәи зымхара иахҟьаны. Лара иара убас лцәа иалан апатологиатә чымазарақәа.

© Sputnik / Томас Тхайцук

Жьҭаара 14 рзы Гәдоуҭатәи агоспиталь аҿы иԥсҭазаара далҵит 1941 шықәсазы ииз апациент, иара ареанимациа аҟәша дҭашәеит убри аҽныҵәҟьа игәабзиара акыр ишьақәҟьаны. Иаразнак ахәышәтәра-реанимациатә усмҩаԥгатәқәа шизыҟарҵазгьы, ахаҵа иԥсҭазаара далҵит.

Жьҭаара 6 рзы Гәдоуҭатәи ахәышәтәырҭа дҭашәеит ҩганктәи аполисегментартә гәыҵәкра иманы 1948 шықәса рзы ииз апациент. Иара иахәҭаз ахәышәтәра дахысуан, аха жьҭаара 14 рзы иҭагылазаашьа еицәахан, иԥсҭазаара далҵит изцәырҵыз агәы-шьадатәи аԥсыԥлагаҩагаратәи зымхара иахҟьаны.

Жьҭаара 14 рзы Гәдоуҭатәи ахәышәтәырҭаҿы иԥсҭазаара далҵит акоронавирус зцәа иалаз 1940 шықәсазы ииз апациент, иара ареанимациа аҟәша дҭашәахьан жьҭаара 5 рзы. Ишақәнагаз дшырхәышәтәуазгьы, иԥсҭазаара далҵит изцәырҵыз агәы-шьадатәи аԥсыԥлагаҩагаратәи зымхара иахҟьаны.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 152-ҩык ауааԥсыра, урҭ рахьтә 129-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 18-ҩык, ибжьаратәуп - 41-ҩык, илҩаауп 19-ҩык апациентцәа. Зынӡа Гәдоуҭатәи агоспиталь иҳаҩсыз амш иалагӡаны иҭашәеит 9-ҩык ачымазаҩцәа.

Аҟәатәи аинфекциатә хәышәтәырҭаҿы ишьҭоуп COVID-19 ззышьақәырӷәӷәоу апациентцәа 26-ҩык, Гагратәи араионтә хәышәтәырҭаҿы - 13-ҩык, Очамчыратәи аҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

26
Атемақәа:
Ачымазара ҿкы – акоронавирус Аԥсни адунеи аҿи: иалкаау (812)

Уахыки-ҽнаки рыла 106-ҩык акоронавирус шрылаз аадырԥшит Аԥсны

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Ачымазара ҿкы – акоронавирус Аԥсни адунеи аҿи: иалкаау (812)

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

4
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4