Ансамбль  Апхьарца

Аԥсуа жәлар рмузыка асаит аԥҵоуп

23
150 инареиҳаны иуникалу аԥсуа жәлар рашәақәа, афольклор аизгаҩцәа Константин Ковач, Иван Шамба, Баграт Багаҭелиа уҳәа ианырҵаз иахьанӡагьы еиқәханы иҟоуп.

АҞӘА, жьҭаара 16 – Sputnik. Уажәшьҭарнахыс аинтернет аҿы иҟоуп аԥсуа жәлар рашәақәа рсаит ҳәа Sputnik иазеиҭеиҳәеит асаит аԥҵаҩы Алмасхан Марколиа.

"Сара еснагь жәлар рмузыка аинтерес сыман, ажәытә ашәақәа еизызгон, еидыскылон. Аматериал ду еизакны исымоуп. Акраамҭа иазызура сыздырамызт. Аиааира Амш азы агәаанагара соуит – аинтернет ала ицәырганы ауаа идсырдырроуп ҳәа. Абас ала асаит аԥысҵеит", -ҳәа иҳәеит иара.

Асаит apsuawa.com ахь иҭагалоуп 100 инарзынаԥшуа жанр рацәала ашәақәа. Марколиа акыршықәса еидикылон иколлекциа, афольклор знапы алакыз ауаа дрыҿцәажәон, абиблиотекақәа рҿы атекстқәа иԥшаауан.

"Асаит аҿы иуԥылоит афырхаҵаратә, ақьачақьтә, ақьабзтә ашәақәа. Хазы иҟоуп аԥсуа жәлар ринструментқәа рыҟәша, амузыкатә литература аҟәша", - ҳәа азгәеиҭоит Марколиа.

Иара иҳәеит асаит азы ариаҟара арҽхәаԥхьыӡ иаҳап ҳәа дшымгәыӷуаз.

"Асаит аиҳарак амузыка знапы алаку ракәын иззыскуаз, аха ирацәаҩхеит уи азы ҭабуп ҳәа сазҳәоз, асоциалтә ҳақәа рҿы ашәҟәқәа сзызыҩуаз. Ҭабуп ҳәа заҳәатәыҵәҟьоу аханатә дара мырӡкәа еизызкыгаз роуп", - иҳәоит Алмасхан Марколиа.

Иара игәҭакуп асаит англызбызшәатә версиа аиҿкаара аҳәаанырцә тәылақәа рзы.

Есышықәса Аԥсны имҩаԥысуеит афольклортә вокалтә ансамбльқәа рфестиваль "Раида". Уи сынтәа жәашықәса ахыҵит. Афестиваль аԥҵан аԥсуа жәлар рфольклортә ҭынха аиқәырхаразы. Афестиваль мҩаԥысуеит Кортуа ихьӡ зху жәлар рҟазара Ареспубликатә центр анапхгарала.

Иара убас шәаԥхьар ҟалоит:

23
Инал Хашиг

Ҳашыг ашьапылампылтә команда "Нарҭ" азы: аханатә ишьҭнахыз аҩаӡараҿы ишыҟац иҟоуп

1
(ирҿыцуп 17:33 29.10.2020)
Аҟәатәи "Нарҭ" ашьапылампыл азы Аԥсны иачемпионхеит. Ашьапылампыл абзиабаҩ, ажурналист Инал Ҳашыг арадио Sputnik аефир аҿы иҳаҩсыз асезон ахҳәаа азыҟаиҵеит.
Ҳашыг ашьапылампылтә команда "Нарҭ" азы: аханатә ишьҭнахыз аҩаӡараҿы ишыҟац иҟоуп

"Апандемиа, хымԥада, акомандақәа рыхәмарра ианыԥшит, дара зны иаҵахоит зны иаиааиуеит, аццакырак ала изцом. "Нарҭ" агәыԥ аҟынтә ицеит, аха амчқәа азымхеит, ахәмарра бзиа аарԥшразы, дара разыҟаҵаҩгьы апандемиа иахҟьаны Ҭырқәтәыла даанхеит, данааигьы дрыԥсахит, акоманда ауадаҩрақәа аман. Уи ҳәарада, рыхәмарра ианыԥшит. Ачемпионат алҵшәагьы шыҟалоз ҳаздыромызт ишахәҭаз еиԥш ԥшь-еикәшарак ҟалазҭгьы. Усҟан иаҳа аинтерес аҵалон. Ҩ-еикәшарак маҷуп ҳәа сахәаԥшуеит, аха уеизгьы иара Ачемпионат ахьыҟалазгьы ҳара ҳзы хҭыс духеит. Ҳгәы каҳан ҳаҟан. "Нарҭ" аханатә ишьҭнахыз аҩаӡара уажәыгь иамоуп, уи шьақәнырӷәӷәоит 13-нтә Ачемпионат аҿы аиааира зыргогьы", - азгәеиҭеит Ҳашыг.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

1

Аԥснынтәи Урыстәылаҟа иргоз аконтрабанда аанкылоуп

2
(ирҿыцуп 16:55 29.10.2020)
Краснодартәи аҳазалхратә маҵзура Шәача ақалақь аҿтәи апресс-маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

АҞӘА, жьҭаара 29 - Sputnik. Аушьҭырҭатә ҭыԥ "Адлер" аҿы Урыстәыла АШәМ Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи иааныркылеит аҭаҭын аалыҵ аконтрабанда. Абри атәы аанацҳауеит Шәачатәи аҳазалхырҭа апресс-маҵзура.

Аидаратә транспорттә хархәага иҭаҵәахны аԥсуа-аурыс ҳәаа аҭаҭын аалыҵ ахыгара аԥырҟәҟәаан Урыстәыла Афедералтә Шәарҭадаратә Маҵзура Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи русеицурала ҳәа азгәаҭоуп аҳәамҭаҿы.

Аԥснынтәи Урыстәылаҟа амҩа иқәыз аидарамҩангагатә автотранспорт агәаҭараан иаарԥшын иҭаҵәахыз аҭаҭын аалыҵ 2560 ҭоԥ (25600 пачка).

Аконтрабандатә аалыҵ изгоз имхуп, аекспертизахь инашьҭуп. Уи алкаақәа инарықәыршәаны ишьақәыргылахоит аалыҵ аџьармыкьатә хәыԥса. Аусҭҵааратә уснагӡатәқәа мҩаԥысуеит.

Уаанӡа Шәача аҳазалхратә маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

Краснодартәи атәылаҿацә Шәача ақалақь аҳазалхырҭа иазгәанаҭоит еиҳа иҿыцу атехникатә ҭаԥшыхәгақәа ахархәара шрырҭо урыстәылатәи аџьармыкьахь асигарет маӡала алагалара аԥырҟәҟәааразы.

2