Аҟәатәи аҿкчымазаратә хәышәтәырҭа COVID-19 змоу ачымазцәа аднакыло иалагеит

18
(ирҿыцуп 11:13 16.10.2020)
Акоронавирус змоу ачымазцәа араионтә хәышәтәырҭақәеи Аҟәатәи аҿкчымазаратә хәышәтәырҭеи рҿы рыдкылара аиҿкааразы аӡбара рыдыркылеит жьҭаара 10 рзы Аԥсны Акоординациатә штаб алахәылацәа.

АҞӘА, жьҭаара 16 – Sputnik. Жьҭаара 14 рзы Аҟәатәи аҿкчымазаратә хәышәтәырҭа COVID-19 змоу раԥхьаӡа акәны  ачымазцәа аднакылеит ҳәа Sputnik иазеиҭалҳәеит Аҟәа ахадара агәабзиарахьчара аусбарҭа аиҳабы Ирма Воуԥҳа.

"Зегьы ишаабо еиԥш акоронавирус змоу ачымазцәа рхыԥхьаӡара еиҳа-еиҳа иацлоит. Гәдоуҭатәи агоспиталь зегь рыдкылара алшом. Убри инадҳәаланы Аҟәа ахада Беслан Ешба анапынҵа ҟаиҵеит астационартә клиникақәа рҿы аобсервациатә блокқәа еиҿкаазарц", - лҳәеит лара.

Аобсервациатә блокқәа реиҿкаара ауадаҩрақәа ацлеит аремонт аҟаҵареи иахәҭоу амаругақәа рыла аиқәыршәареи ахьаҭаххаз азы ҳәа азгәалҭеит Воуԥҳа.

Аҟәатәи аҿкчымазаратә хәышәтәырҭа COVID-19 змоу рзы 30 иара-ҭыԥ азнархиеит. Уажәы уа ргәабзиара шьақәдыргылоит 26-ҩык апациентцәа.

"Хҩык апациентцәа рҭагылазаашьа уадаҩуп, убри азы урҭ Гәдоуҭатәи агоспиталь ахь иҳашьҭраны иҟоуп. Ачымазара уадаҩрада изхызго аҩны аҳақьым дырхылаԥшлоит, бжьаратәла изхызго ара иаанҳажьлоит. Уажәы азырхиара иаҿуп аобсервациа аҩбатәи ақалақьтә хәыәшәтырҭаҿы", - ҳәа лҳәеит Ирма Воуԥҳа.

Акоронавирус змоу ачымазцәа араионтә хәышәтәырҭақәеи Аҟәатәи аҿкчымазаратә хәышәтәырҭеи рҿы рыдкылара аиҿкааразы аӡбара рыдыркылт жьҭаара 10 рзы Аԥсны Акоординациатә штаб алахәылацәа Аԥсны ахада Аслан Бжьаниа идҵала.

Акоронавирус иазку ажәабжьқәа шәрыԥхьар ҟалоит абра>>

18
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау (789)

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

4
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4