Аҵәахырҭатә банк жьҭаарамзазтәи атәанчахәқәа ршәара аграфик шьақәнаргылеит

20
(ирҿыцуп 14:36 16.10.2020)
2020 шықәса нанҳәамза аахыс Аԥсны атәанчаҩцәа урыстәылатәии аԥснытәии ршәарақәа роуеит абанктә хсаалагақәа рыла акәымкәа Аҵәахырҭатә банк ма акоммерциатә банкқәа ркассақәа рҿы.

АҞӘА, жьҭаара 16 – Sputnik, Бадраҟ Аҩӡба. Аԥсны Аҵәахырҭатә банк жьҭаарамзазтәи атәанчахәқәа ршәара аграфик шьақәнаргылеит ҳәа Sputnik иазеиҭеиҳәеит абанк анапхгара ахантәаҩы ихаҭыԥуаҩ Георги Абыхәба.

"1940 шықәсанӡа ииз ҳтәылауаа атәанчахәы роуеит жьҭаара 16, 19, 20 рзы; 1941 - 1947 шықәсқәа рзы ииз жьҭаара 21, 22, 23 рзы; 1948 - 1950 шықәсқәа рзы ииз жьҭаара 26, 27 рзы; 1951 - 1953 шықәсқәа рзы ииз жьҭаара 28, 29, 30 рзы инаркны; 1954 - 1956 шықәсқәа рзы ииз – абҵара 2, 3, 4 рзы; 1957 шықәса рзы ииз абҵара 5 инаркны", - иҳәеит иара.

Георги Абыхәба иара убасгьы иҳәеит атәанчаҩцәа акоронавирустә инфекциа рацәыхьчаразы имҩаԥырго ауснагӡатәқәа ртәы.

© Sputnik / Томас Тхайцук

"Ҳара Аҵәахырҭатә банк аҟәшақәа рахь сабрадада уаҩ днаҳашьҭуам. Аусзуҩцәа рхаҭақәагьы арзҩыдагақәа рхы иадырхәоит, асабрадақәа рҿоуп. Аофис хадаҿы ахархәара амоуп кьысрадатәи ашоурашәага", - ҳәа иҳәеит иара.

Ԥхынгәымза анҵәамҭазы Аԥсны асоциалтә еиқәыршәареи адемографиатә политикеи рминистр Руслан Аџьба адырра ҟаиҵеит нанҳәамза инаркны урыстәылатәии аԥснытәии атәанчахәқәа Аҵәахырҭатә банк акассақәа рыла ршара ишалаго.

Иара убас шәаԥхьар ҟалоит:

20

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

2
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

2

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1