Урыстәылатәи амобилтә госпиталь Аҟәа асасааирҭа "Аиҭар" ашҭаҿы идыргылоит

15
Урыстәыла асабша, жьҭаара 17 рзы Аԥсныҟа идәықәнаҵеит COVID-19 зыхьуа апациентцәа рыхәышәтәразы амобилтә госпиталь, амедикцәа уаҵәы иаараны иҟоуп.

АҞӘА, жьҭаара 17 - Sputnik. COVID-19 зыхьуа апациентцәа рыхәышәтәразы урыстәылатәи амобилтә госпиталь дыргылоит Аҟәа асасааирҭа "Аиҭар" аҿы, абри атәы арадио Sputnik иазеиҭеиҳәеит Аԥсны атәылахьчара аминистр Владимир Ануа. 

"Иаауа амедицинатә персонал 100-ҩык иреиҳауп. Урҭ асасааирҭа "Аиҭар" иҩнаҳҵоит. Ҳара амобилтә госпиталь аргыларазы ари аҭыԥ алҳхит. Урыстәылатәи аруаагьы уи иахәаԥшын, иргәаԥхеит. Уажәы амобилтә госпиталь арахь амҩа иқәуп. Аԥсны уаҵәы иҟалоит ҳәа ҳазыԥшуп", - ҳәа инаҵишьит Ануа. 

Иара иажәақәа рыла, макьана еилкаам амобилтә госпиталь Аԥсны аус ахьынӡауло, уи зхьыԥшу ҳтәылаҿы COVID-19 наҟ-наҟ алаҵәара зеиԥшрахо шакәу.

Аԥсны атәылахьчара аминистр Владимир Ануа урыстәылатәи иколлега Сергеи Шоигу иахь жьҭаара 12 рзы аҳәара ҟаиҵеит адәынтәи агоспиталь аадыртразы атәылаҿы акоронавирус зыхьуа рхыԥхьаӡара ахьырацәахаз инамаданы.

Асабша, жьҭаара 17 рзы Аладатәи арратә округ архәҭақәа раук аррамаҵурауаа маршла идәықәлеит аштаттә техника рыманы. Дара Ставропольтәи атәылаҿацә, Будионновск ақалақь инаркны Аҟәанӡа 800 километр амҩа рымоуп.

Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи.

Иара убас инаҵшьны иазгәаҭоуп амобилтә госпиталь аҿы ишышьақәыргылоу арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализҟаҵагақәа.

Аҵыхәтәантәи адыррақәа рыла Аԥсны COVID-19 здырбалахьоу рхыԥхьаӡара 2672-а ыҟоуп, згәы бзиахаз - 1175-ҩык, аҩны зҽызхәышәтәыз убрахь иналаҵаны, 27-ҩык рыԥсҭазаара иалҵит.

Акоронавирус иадҳәалоу ажәабжьқәа шәрыԥхьар ҟалоит абра>>

15

Уахыки-ҽнаки рыла 106-ҩык акоронавирус шрылаз аадырԥшит Аԥсны

8
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

4
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4