Озеро Рица

Алитературатә фестиваль "Арифмақәа - Риҵа" онлаин имҩаԥысуеит аԥкрақәа рымшала

12
(ирҿыцуп 09:59 18.10.2020)
Апроект "Арифмақәа - Риҵа" хықәкыс иамоуп аԥсуеи адыга жәларқәеи рбызшәеи ркультуреи реиқәырхара, Аԥсни Ҟабарда-Балкариеи рлитераторцәа ҿарацәа реимадара арӷәӷәара.

АҞӘА, жьҭаара 18 - Sputnik. Ахԥатәи аԥсуа-адыга литературатә фестиваль "Арифмақәа - Риҵа" онлаинла имҩаԥысуеит COVID-19 аламырҵәаразы иалагалоу аԥкрақәа рымшала, аха ари аҭагылазаашьа аԥхьарақәа ирылахәу рхыԥхьаӡара иаҳагьы иацнаҵеит лҳәеит апроект автор, апоет Зарина Ҟаныҟәа.

Ҟаныҟәа лажәақәа рыла, афестиваль адыга поет, ҟабарда литература ашьаҭаркҩы Али Шогенцуков диижьҭеи 120 шықәса аҵреи аԥсуа поет Рушьбеи Смыр диижьҭеи 70 шықәса аҵреи ирызкуп.

Аиҿкааҩцәа иазгәарҭоит афестивальқәа рыбжьара ишымҩаԥысуа арҭ ажәларқәа рмилаҭтә литературақәа рыҭҵаара, раԥҵамҭақәа реиҭагара, ҳаамҭазтәи авторцәа рҩымҭақәа ауаа дырдырра. Нальчик иҭыҵуеит аԥсуа авторцәа рпрозаикатә ҩымҭақәеи ражәеинраалақәеи, Аԥсны иҭрыжьуеит адыга ажәа азҟазацәа рсахьаркыратә текстқәа.

Аԥснытәи аҳәынҭқарратә университет есышықәса ари апрооект иалахәуп. Нальчик еиҿкаау Аԥсуа культура ацентр сынтәа ари апроект апартниорс иҟалеит, иагьаанаԥхьеит Ҟабарда-Балкариа иреиҳаӡоу аҵараиурҭақәа рыстудентцәа.

Афестиваль атема иадҳәалоу атекстқәеи авидеои ркьыԥхьуеит иара еиҿызкааз Ҟабарда-балкариатәи ауаажәларратә еиҿкаара "Жан" аофициалтә саит аҟни асоциалтә даҟьаҟни.

Афестиваль "Арифмақәа - Риҵа" Аԥсны аганахьала партниорцәас иҟоуп: Ашәҟәыҩҩцәа реидгыла, ажурнал "Алашара" аредакциа, Асахьаҭыхыҩцәа реидгыла, С. Ҷанба ихьӡ зху Аԥсуа ҳәынҭқарратә драматә театр, Ф. Искандер ихьӡ зху Аурыс драматә театр, Аҟәатәи асахьаҭыхратә училишье.

Иара убас шәаԥхьар ҟалоит:

12

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Сангәлиа аԥсуа сериал "Алахьынҵа" азы: ҳазыԥшымызт ас ауаа ирыдыркылап ҳәа

8
Аԥсуа бызшәа аҿиара иазырхоу апроект ала имҩаԥысуеит асериал "Алахьынҵа" аҭыхрақәа. Апроект автор, арежиссиор-ақәрыгылаҩ, Саид Сангәлиа арадио Sputnik аефир аҿы еиҭеиҳәеит гәыԥҩык аҿар асериал аҭыхра шаԥшьыргаз атәы.
Сангәлиа аԥсуа сериал "Алахьынҵа" азы: ҳазыԥшымызт ас еиԥш ауаа ирыдыркылап ҳәа

"Аинтернет сериал аԥҵара схала исмыӡбеит, дсыцхрааит Мран Алҭеиба. Апроект иаалырҟьан иӡбоу ак акәӡам, акыраамҭа ҳазнеиуан. Ибзиангьы еилаҳкаауан ауадаҩрақәа рацәаны ҳшызцәырҵуаз, еиҳарак атехника аганахьала. Ҟәрышьқәак ааилаԥсаны иааҳхәеит амикрофонқәа уҳәа зыда ԥсыхәа ыҟам атехника. Иара ҳбызшәала иҭҳажьырц ҳҭахын, избанзар, аԥсшәа аӡыргара иацхраауеит. Асериал арԥыси аҭыԥҳаи рыбзиабара иазкуп. Сериак 5-7 минуҭк раҟара ицалоит, х-сезонк рыла ишьақәгылазаауеит, сезонк аҿы жәа-сериак ҟалоит. Асериал асоциалтә даҟьақәа рҿы уахәаԥшыр улшоит. Уаҟа ихәмаруа актиорцәа аҟазара злоу, абызшәа бзианы издыруа роуп, иҟоуп аҿар, хымԥада, аҟазара злоу, аха рбызшәа хьысҳауп, убри аҟнытә иаҳа иззымариоу аалаҳхын, аҭыхрақәа ҳрылагеит", - ҳәа еиҭеиҳәеит Сангәлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8