Саид Гобечия

Аԥсуа оператә шәаҳәаҩы Саид Гобечиа иконцерт мҩаԥысит Вена

12
(ирҿыцуп 15:34 19.10.2020)
Саид Гобечиа – Гнесинаа рыхьӡ зху Урыстәыла амузыкатә Академиа доушьҭымҭоуп, Аԥсны имҩаԥысуа амузыкатә фестиваль "Grand Opera Gala" асахьаркыратә напхгаҩыс дыҟоуп.

АҞӘА, жьҭаара 19 – Sputnik. Аԥсуа оператә шәаҳәаҩы Саид Гобечиа исолотә концерт Вена ишымҩаԥысыз атәы Sputnik иазеиҭеиҳәеит артист ихаҭа.

"Сара акыр ҵуан Вена аконцерт мҩаԥызгар сҭахижьҭеи, аха уажәоуп ианалыршаха. Абри аамҭа уадаҩ азы ауаа рацәаны иахьнеиз даара сгәы шьҭнахит", - ҳәа иҳәеит иара.

Аконцерт еиҿкаан ауарӷанарҳәаҩ Татиана Шьерба лаԥшьгарала.

"Татиана Аԥшьа Пиотр иуахәамаҿ уарӷанарҳәаҩыс дыҟоуп. Асеиԥш иҟоу аконцертқәа Ауахәама ауарӷанарҳәаҩцәа реилазаара еиҿнакаауеит", - ҳәа еиҭеиҳәоит Гобечиа.

Ашәаҳәаҩ инаигӡеит Бах, Гендель, Шуберт уҳәа аромантизм аепоха иатәу акомпозиторцәа рырҿиамҭақәа.

Саид Гобечиа ари аконцерт Аԥсны 2020 шықәса аԥхынразы Пицунда идирбахьан.

Артист ишиҳәо ала, арҭ аконцертқәа рышьҭахь Моцарт иопера "Фигаро ичара" аҟынтә Аграф ироль аҵара далагоит. Ари ароль ахь Гобечиа ааԥхьара ирҭеит венатәи атеатр Ан дер Вин аҟынтә. Аспектакль аԥхьарбара мҩаԥысуеит абҵара 22 рзы.

Саид Гобечиа – Гнесинаа рыхьӡ зху Урыстәыла амузыкатә Академиа доушьҭымҭоуп, Венатәи аконсерваториаҿ аҵара иҵоит. Аԥсны имҩаԥысуа амузыкатә фестиваль "Grand Opera Gala" асахьаркыратә напхгаҩыс дыҟоуп.

12

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

11
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

11