Аҟәа, аҿкчымазаратә хәышәтәырҭаҿы амобилтә лабораториа аусура иалагоит

14
(ирҿыцуп 11:41 21.10.2020)
Аҟәа ақалақь ахада Беслан Ешба аҳҭнықалақь аҿы аепидемиологиатә ҭагылазаашьа аан амедицинатә усҳәарҭақәа русура иазкыз аилацәажәара мҩаԥигеит жьҭаара 20 рзы.

АҞӘА, жьҭаара 21 - Sputnik. Аҟәа, аҿкчымазаратә хәышәтәырҭаҿы еиҳа аамҭа иақәшәо амобилтә лабораториа аусура ишалаго атәы ҳәан ақалақь ахадеи амедицинатә усҳәарҭақәа рхадацәеи реиԥылараан.

Алабораториа ада ԥсыхәа аҟамзаара адҳәалоуп ахәышәтәырҭаҿы ачымазцәа рыдкылара алагара ҳәа аҳәоит ахадара асаит аҿы.  Ахәышәтәырҭаҿы ковид-чымазцәа шьҭоуп, иҳәеит ахәышәтәырҭа аҳақьым хада инапынҵақәа назыгӡо Астамур Гәыниа.

Иара убасгьы ара аус ауеит ПЦР-анализ аҭаразы акабинет.

Аҟәа асанитартә ҳақьым хада Алла Белиаева илҳәеит ачымазцәа рырацәахара инадҳәаланы анализқәа аҩны ргаразы агәыԥ шеиҿкаахо атәы. Иахьазы, ԥсшьарада ҩ-гәыԥк аус руеит.

Аҟәатәи ахәыҷтәы поликлиника аиҳабы Ада Абыхәԥҳа иазгәалҭеит, аҿкчымазара рымазар алшоит ҳәа иԥхьаӡоу ахәыҷқәа ахьрыдыркылаша акабинет ҷыда шаҭаху.

"Аҭаацәа ирҭахуп абасеиԥш, ҳақьымк иҟынтәи аҽа ҳақьымк иахь рнеира аасҭа ҭыԥк аҿы игәаҭалатәуп", - лҳәеит лара.

Беслан Ешба иҳәеит ачымазара змоу ауаа рызнеишьа зегь реиҳа ишыхадоу, урҭ хылаҧшрада иаанымхар шакәу, аидеиагьы адгылара аиҭеит. Ихаҭа ирыдигалеит аполиклиникаҿ анализқәа рыдкылара еиҿыркаарц, иҳәеит ақалақь ахадара ацхыраара шрырҭо.

Иахьазы Аҟәа 82 хәыҷы чмазцәоуп.

Занӡа Аԥсны 3036 коронавирус хҭыс азгәаҭоуп. Ргәы бзиахахьеит 1267-ҩык. Рыԥсҭазаара иалҵит  31-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау (1371)

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау (1371)

Чамагәуа Ҳабҩы азы: еизааигәаны аҭыԥԥшаӡарақәа рацәоуп

10
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

10