Урыстәылатәи аҳақьымцәа Гәдоуҭа ахәышәтәырҭаҿ ирыцхраауеит

12
(ирҿыцуп 13:44 22.10.2020)
Башкириатәи аҳәынҭқарратә медицинатә университет аординаторцәеи, аҳақьым-стажиорцәеи хымчыбжь инареиҳаны акоронавирус ахәышәтәразы Аԥснытәи аҳақьымцәа ирыцхраауан. Уажәы Башкириатәи аҳақьымцәа рцынхәрас Аԥсныҟа иааит Калининградтәи аобласти Москвеи рҟынтәи агәыԥ.

АҞӘА, жьҭаара 22 – Sputnik. Гәдоуҭатәи аковид-центр аҿы русура иалагеит Калининградтәи аобласти Москвеи рҟынтәи иааз, 12-ҩык рыла ишьақәгылоу аҳақьымцәа ргәыԥ.

Дара Куватов ихьӡ зху Башкириатәи аҳәынҭқарратә медицинатә университет аординаторцәеи, аҳақьым-стажиорцәеи рыԥсахит. Абригада ҿыц шьақәгылоуп ааҩык аҳақьымцәеи ԥшьҩык амедеиҳәшьцәеи рыла.

Евдокимов ихьӡ зху  Московатәи аҳәынҭқарратә медико-стоматологиатә университет аҟынтәи аҳақьым анестезиолог-ареаниматолог  Андреи Пудов агоспиталь аҿы еиҳа зҭагылазаашьа хьанҭоу ачымазцәа ацхыраара риҭоит.

Иара иажәақәа рыла Гәдоуҭатәи ковид-центр аҿы аусура профессионалла ишьақәыргылоуп.

"Ахәшәқәа рганахь ала зегь рыла еиқәшәоуп. Зҭагылазаашьа уадаҩу апациентцәа рацәаҩуп. Иҳалшо зегь ҟаҳҵоит",- азгәеиҭеит Пудов.

Аҳақьым-реаниматолог иазгәеиҭеит ада ԥсыхәа аныҟам ада ИВЛ аӡәгьы ишидгалам.

"Ауаҩы ицәеижь алшарақәа аԥыжәара раҳҭоит. Иԥсабаратәымкәа арыԥҳақәа аҳауа рҭарсра ада ԥсыхәа анамам ауп ианиадаагало. Иҟоуп апациентцәа  ИВЛ ашьҭахь рхала рыԥсыԥ алагаҩагара иуадаҩымкәа ианазыхынҳәуагьы", - иҳәоит Пудов.

Агоспиталь аҿы ачымазцәа иахәҭаны иҟоу зегьы рзыҟарҵоит.

Аҳақьым ишиҳәо ала Урыстәылеи Аԥсни рҟны ахәышәтәратә схема еиԥшуп. Аха убри аан зегьы инеибеиԥшны акны рыхәышәәтра ҟалом. Дасу изнеишьа ыҟазароуп.

"Досу ихатә ҷыдара имоуп. Уи иазхьаԥштәуп. Ихаҭалатәу асхемақәа удукылароуп. Аха иҟоуп иаку аформақәагьы – зегьы еицырзеиԥшу ахәшәқәа. Урҭгьы ахархәара хымԥада ирыҭоуп", - иҳәоит иара.

Андреи Пудов иҳәеит авирус уаҩ деилнахуам ҳәа, аха убри аан зықәра ыҟоу еиҳа ишәарҭоу аҭагылазаашьа рымоуп.

Абригада Аԥсны хымз иҟазаауеит. Пудов иҳәеит иаҭахны иҟалар аҽазныкгьы ишаауа.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (880)

Аԥсны арратә комиссар: иахьа аррамаҵзура ахысра аҳаҭыр лаҟәит

5
Аԥсны аррамаҵзурахь инарыԥхьоит 18 – 27 шықәса зхыҵуа. Ҭагалантәи арранаԥхьаратә ауснагӡатә аан 2020 шықәса рзы аррахь инаԥхьан 330-ҩык.

АҞӘА, абҵара 30– Sputnik. Ҭагалантәи арранаԥхьаратә кампаниа аҳәаақәа ирҭагӡаны аԥсуа ар рахь инаԥхьахоит 65 процент ҳәа арадио Sputnik иазеиҭеиҳәеит Аԥсны арратә комиссар Беслан Ҭарба.

"Ари хыԥхьаӡара маҷуп. Ҵыԥхгьы ус акәын ишыҟаз.  Аҿар аррамаҵзура рацәак ргәы аҳәом. Сгәанала ахара зду аҭаацәа роуп. Изныкымкәа иҩынтәымкәа анаԥхьара раҳамҭакәа акомиссиахь иааиуам", - иҳәоит иара.

Ҭарба иажәақәа рыла аҿар абжьаратә школ ашьҭахь иреиҳау аҵарахь рхы дырхоит.

"Аррамаҵзура аҳаҭыр лаҟәит. Ирацәаҩуп иреиҳау аҵараиурҭақәа ирҭало. Бакалавриат ашьҭахь амагистратуахь ицоит, нас –аспирантурахь. Абарҭ рышьҭахь шықәсыла арра иаҵанакуам", - иҳәоит иара.

Ҭарба иажәақәа рыла арра мап ацәызкуа рганахь ала азакәан рӷәӷәатәуп. Иахьазы ахараԥса 300 мааҭ артәоит.

Арратә комиссар иҳәоит ҿарԥас аепидемиологиатә ҭагылазаашьа ҟазҵо шыҟоу, аха ар рҿы аԥкырақәа зегьы ирықәныҟәоит ҳәа азгәеиҭоит иара.

Арратә комиссар иажәақәа рыла 2020 шықәсазы ҭагалантәи арранаԥхьара жьҭаарамзазы иалагар акәын, аха аепидемилогиатә ҭагылазаашьа аицәахара иахҟьаны абҵарамзахь ииаган. Ауснагӡатә хыркәшахоит ԥхынҷкәын 22 рзы, аха аусқәа шцо ала аамҭа инахахоит.

Жьҭаара 1 азы атәыла ахада Аслан Бжьаниа 2020 шықәса жьҭаара-ԥхынҷкәын рзы атәылауаа арра рнаԥхьарази арра иҟоу роушьҭрази аусдҵа инапы аҵеиҩит.

Аԥсны аррамаҵзурахь инарыԥхьоит 18 – 27 шықәса зхыҵуа.

5
Беслан Джопуа

Џьапуа еиҭеиҳәеит Аԥсни Урыстәыла рқыҭанхамҩатә усҳәарҭақәа русеицура шыҟоу

2
Абҵара 27 рзы Аҟәа имҩаԥысит Аԥсни Урыстәылеи рқыҭанхамҩатә усҳәарҭақәа рхаҭарнакцәа инеиҵыху реиԥылара. Аҩ-ганк рыӡбамҭақәа ртәы арадио Sputnik аефир аҟны еиҭеиҳәеит Аԥсны ақыҭанхамҩа аминистр Беслан Џьапуа.
Атәылауаҩи аиҳабыреи: Џьапуа Урыстәыла ақыҭанхамҩа аминистрра ахаҭарнакцәа раара иазкны

"Урыстәыла ақыҭанхамҩа аминистр актәи ихаҭыԥуаҩ напхгара зиҭоз аделегациеи ҳареи ҳаиԥылара зыхҟьаз ааигәа имҩаԥысыз Аԥсни Урыстәылеи ахадацәа реиқәшәара ауп. Аԥсны аҭагылазаашьа еилкааны, ацхыраара ахьаҳҭаху аусеицура иазкын аилацәажәара. 2018-19 шықәсқәа рзы иҟан апроектқәа Урыстәыла абанкқәа Аԥсны ақыҭанхамҩазы аԥара ззоурыжьыз апроектқәа, игәаҳҭеит аобиектқәа, иҟоуп иргәаԥҳаз иара убас иргәамԥхаз. Урҭ ахьархәразы акәӡам изааз, аиҵахарақәа ыҟазар изыхҟьаз аилкаара, ацхрааразы ауп", - иҳәеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2
Отдых в Абхазии

Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп

3
Асиа шьақәыргылоуп 2021 шықәса аԥхынра аԥсшьаразы заанаҵтәи аҿаҵарақәа рбаза адыррала.

АҞӘА, абҵара 30 - Sputnik. Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп ҳәа аанацҳауеит аԥсшьаразы анхарҭақәа рҿаҵаразы амаҵзура Tvil.ru.

Аԥснеиԥш иара убасгьы аԥыжәара рымоуп: Ҟрым, Краснодартәи атәылаҿацә, Санкт-Петербурги Ленинградтәи аобласти, Карелиа.

  • Ҟрым - 35 %
  • Краснодартәи атәылаҿацә- 30%
  • Ленинградтәи аобласти Санкт-Петербурги - 15%
  • Аԥсны - 7%
  • Карелиа - 3%

Tvil.ru адыррақәа рыла 2021 шықәсазтәи аҿаҵарақәа 20 процент икаҳаит 2020 шықәсазтәиқәа ирҿырԥшны.

Атуристцәа хынтәны еиҵаны аҿаҵарақәа ҟарҵеит ҵыԥхтә иаҿырԥшны. Убри аан уахыки-ҽнаки рзы ахәԥса 11 процент ихаланы 3025 мааҭ артәеит хҩык рзы шьыжьхьада. Убри аан аотельқәа рҿы аԥсшьара аҭаххара 7 процентк иазҳаит.

Tvil.ru: ишаҳәо ала атуристцәа макьаназ аҭагылазаашьа зеиԥшрахо иазыԥшуп.

Иара убас шәаԥхьар ҟалоит:

3