Здание кабинета министров

Аекономика аминистрра аелектронтә маҵзурақәа рымҩаԥгарахь аиасра агәҭакуп

17
(ирҿыцуп 16:24 22.10.2020)
Аԥсны Аҳәынҭқарра аекономика аминистрраҿы жьҭаара 21 рзы имҩаԥган аминистр Кристина Озганԥҳа лхантәаҩрала аусутә еилацәажәара аҳәынҭқарратә маҵзурақәа рцифраркра азҵааразы.

АҞӘА, жьҭаара 22 - Sputnik. Аԥсны аелектронтә маҵзурақәа рымҩаԥгаразы раԥхьатәи ашьаҿақәа ҟаҵоуп, абри атәы аанацҳауеит Аекономика аминистрра апресс-маҵзура.

Аԥсны Аҳәынҭқарра аекономика аминистрраҿы жьҭаара 21 рзы имҩаԥган аминистр Кристина Озганԥҳа лхантәаҩрала аусутә еилацәажәара аҳәынҭқарратә маҵзурақәа аелектронтә усурахь рыиасразы. Ирылацәажәан амаҵзураҭара аусхк аҿы ареформақәа рымҩаԥгара.

Атәыла аиҳабыра ари азҵаар аԥыжәара зҭатәу акәны иахәаԥшуеит ҳәа азгәарҭеит аусбарҭаҿы, аҳәынҭмаҵзурақәа рыҟаҵара ацифраркра аҳәынҭнапхгараҭара еиҳа хра анаҭоит, ауааԥсырагьы ирзыманшәалахоит. Атехнологиа ҿыцқәа еиҳа идырмариоит атәылауааи амчратә усбарҭақәеи реимадара: ауаа агәаранқәа рықәгылара рықәшәом, амаҵзурауаа рыграфик аҽақәыршәара аҭаххом. Уи адагьы ари аус акоррупциа еиҵазҟьо акакәны иахәаԥшуеит Аекономика аминистрраҿы.

"Амаҵзурақәа рцифраркра асоциалтәи аекономикатәи ҵак рымоуп. Абизнес акәзаргьы хра аманы иазыҟоуп. Иармариоит абиурократиатәи административтәи ԥынгылақәа, ауааԥсыра ирҭаху адокументациа аиураҿы", - лҳәеит аԥыза-министр ихаҭыԥуаҩ, аекономика аминистр Кристина Озганԥҳа.

Озганԥҳа илҳәеит ареформа аларҵәаразы аиҳарак аҭакԥхықәра зздыло Аекономика аминистрреи аимадареи, амассатә коммуникациақәеи, ацифратә рҿиареи рзы Аҳәынҭеилаки шракәхо.

Аекономика аминистрра аԥшьгамҭа -  ареформа актәи аетап анагӡаразы  аԥаразоужьра Аԥсны асоциал-екномикатә ҿиара аинвестициатә программа аҟынтәи аиура иадгылеит урыстәылатәи аган.

Аилацәажәара иалахәын: Аԥсны Аҳәынҭқарра аимадареи, амассатә коммуникациақәеи, ацифратә рҿиареи рзы Аҳәынҭеилаки рхантәаҩы Беслан Ҳалуашь, Аминистрцәа Реилазаара аппарат аиҳабы ихаҭыԥуаҩ Кристиан Бжьаниа, аиҳабыратә еимадара Амаҵзура адиректор ихаҭыԥуаҩ Беслан Агрба, Аекономика аминистр лхаҭыԥуаҩ Ҭеимураз Амқәаб.

Аминистрцәа Реилазаара аппарат аиҳабы ихаҭыԥуаҩ Кристиан Бжьаниа иазгәеиҭеит аамҭа иҟанаҵо адҵақәа ишыруаку амаҵзураҭара ахаҭабзиара ашьҭыхра, арҭ рҩызцәа апроектқәа еиуеиԥшым атәылақәа рҿы аус руеижьҭеи акыр шыҵуа.

Аԥыза-министр ихаҭыԥуаҩ илҳәеит апроектԥхьатә усурақәа шымҩаԥысуаз атәы.

Аиԥылара алахәылацәа еицазгәарҭеит аперсоналтә дыррақәа ахархәара азҵаара иахьазы аҵак ду шамоу, ишхымԥадатәиу урҭ рыхьчара азыԥхьагәаҭара.

17

Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

2
Урыстәыла Атәылахьчара аминистрра иатәу амобилтә госпиталь 2020 шықәса жьҭаара 20 рзы аусура иалагеит, аусура хыркәшахеит хәажәкыра 1 азы.

АҞӘА, хәажәкыра 1 – Sputnik, Бадраҟ Аҩӡба. Аԥсны ахада Аслан Бжьаниа идикылеит Аԥсны ацхырааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

Аслан Бжьаниа Урыстәыла АА амобилтә хырхарҭарацәалатәи агоспиталь амедусзуҩцәа гәык-ԥсык ала русураз, рыцхыраараз ҭабуп ҳәа реиҳәеит.

Агоспиталь аиҳаб иакәзар, уи аҭакс ҭабуп ҳәа ахиҳәааит аҳақьымцәа русуразы ирзыҟаҵаз аиҿкаара. Ахада агоспиталь аиҳабы ианеишьеит аҳаҭыртә шәҟәыбӷьыц, агәаларшәагатә ҳамҭақәа.

© Sputnik
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшо иҟан.

Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 19 рзы, адырҩаҽны аусурагьы иалагеит.

Уи аахыс ара ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 20-ҩык.

Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.

Иара убас шәаԥхьар ҟалоит:

2

Шә-тоннак рҟынӡа амимоза Аԥснынтә Урыстәыла иаларгалеит жәабранмзазы

4
(ирҿыцуп 11:37 01.03.2021)
2021 шықәсазы аҳауаԥхарра иахҟьаны ашәҭсезон заахеит. Амимозашәҭ абжьааԥны жәабранмза аҽеиҩшамҭаз акәын аҭира ианалагоз. Сынтәа жәабранмзатәи ашәҭ аекспорт 2020 шықәса иаԥнагеит абри аамҭа иаҿырԥшны.

АҞӘА, хәажәкыра 1 - Sputnik. Шә-тоннак рҟынӡа амимоза Аԥснынтә Урыстәылаҟа иаларгалахьеит жәабранмза иалагӡаны ҳәа аанацҳауеит "Вести-Сочи".

Иааиуа амшқәа рзы иазԥхьагәаҭоуп даҽа шә-тоннак аекспорт. Анаплакыҩцәа 200 тонна рекспорт азы адокументқәа азырхианы инарышьҭхьеит.

Аиҳарак ашәҭ аҭира хәажәкырамза иақәшәоит. Урыстәылаҟа коммерциатә хықәкала ашәҭ алагалараан ашәҟәы иҭагалатәуп. Закәаншьаҭада аиагараан ахараԥса ддыршәоит. 15 ҿаҳәара еиҳаны аҳәаа иахызго ртауар ашәҟәы иҭаргалароуп.

Амимоза аҳәаа ахыгаразы Ахәаахәҭра-ааглыхратә палатаҟынтә асертификати афито-санитартә хылаԥшра асертификати аҭахуп.

Шәачатәи аҳазалхыҩцәа административтә зинеилагара ҳәа жәаа-уск хацдыркхьеит, иаԥырҟәҟәаан тоннаки бжаки аҟынӡа амимоза закәаншьаҭада аҳәаа ахыгара.

Иара убас шәаԥхьар ҟалоит:

4