Амобилтә госпиталь аҿы ПЦР-диагностика мҩаԥыргалоит

62
Амобилтә госпиталь ареспубликахь идәықәҵоуп акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы.

АҞӘА, жьҭаара 23 – Sputnik. Урыстәылатәи амобилтә госпиталь аҿы ПЦР-диагностика мҩаԥыргалоит акоронавирус аарԥшразы иҳәеит Sputnik зыҿцәажәоз амобилтә госпиталь алабораториа-диагностикатә ҟәша аиҳабы Ренат Курбанов.

"Иахьазы ақалақь анапхгареи ҳареи ҳаиқәшаҳаҭрала иӡбоуп ақалақьтә лабораториа ацхыраара аҭаразы ПЦР-диагностика ҳара иҟаҳҵаларц. Ҳазыхиоуп есыҽны шәкы рҟынӡа ПЦР-диагностика аҟаҵара", - иҳәеит иара.

ПЦР-диагностика аҭакқәа роура алшоит 40 минуҭ рыҩныҵҟа, азгәеиҭеит Ренат Курбанов.

"Еиуеиԥшым аҭагылазаашьа змоу апациентцәа ҳаднагалоит. Аиҳарак ибжьаратәу роуп", - иҳәоит Курбанов.

Иара иажәақәа рыла ирыдҵаало қәрала 60 ирҭысхьоу роуп.

"Ацхыраара ласы даанагоит апациент. Ара ҳара ҳмедусзуҩцәа дрыдыркылоит. Дҭырҵаауеит: ишоура ршәоит, арентген ҟарҵоит, ишьа ргоит. Абри ашьҭахь ауп ишьҭаҵаразы аӡбра анрыдыркыло", - иҳәоит аҟазауаҩ.

Амобилтә госпиталь уахи-ҽни адкылара мҩаԥнагоит иҳәоит Курбанов.

"Аҟәа еиԥш егьырҭ араионқәа рҟынтәгьы ачымазцәа ааргоит. Иҟоуп ахәышәтәырҭақәа рҟынтәи иаҳзиаргогьы", - иҳәеит иара.

Агоспиталь аиҳабы Абдул Магомедов иҳәеит жьҭаара 20 раахыс 21 пациент шрыдыркылахьо.

"Ҩеижәаҩык рҭагылазаашьа бжьаратәуп. Даӷьысҭан иадкыланы ҳахәаԥшуазар, аҭагылазаашьа еиԥшуп, аха аратәи ачымазцәа рҭагылазаашьа еиҳа ихьанҭоуп. Аҳақьымцәа сменала рҽырыԥсахуеит. Сменак аҿы быжьҩык ҷаԥшьоит", - иҳәоит Магомедов.

Амобилтә госпиталь ареспубликахь идәықәҵоуп акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Ставропольтәи атәылаҿацә ақалақь Будионновск аҟынтә иаашьҭуп. Реилазаараҿ 113-ҩык ыҟоуп.

Амобилтә госпиталь аҿы ишьақәыргылаоуп арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализҟаҵагақәа.

Иара убас шәаԥхьар ҟалоит:

 

62
Атемақәа:
Аҿкычымазара – акоронавирус Аԥсни адунеи аҿи: иалкаау (1371)

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

6
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау (1371)

Чамагәуа Ҳабҩы азы: еизааигәаны аҭыԥԥшаӡарақәа рацәоуп

10
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

10