Аԥсны аказақцәа Гәдоуҭатәи агоспиталь аҳақьымцәа аҳамҭақәа ранаршьеит

18
(ирҿыцуп 16:14 23.10.2020)
Амшынеиқәатә аказақцәа рыри Аԥсны аурыс уаԥшьи Аԥсны Агәабзиарахьчара аминистрра изныкымкәа афинанстә цхыраара арҭахьеит амедицинатә хархәагақәеи ахәшәқәеи раахәаразы.

АҞӘА, жьҭаара 23 - Sputnik. Аԥсны Амшынеиқәатә аказақцәа рыр аковид-госпиталь аҿы еиҳа зҽалызкааз амедицинатә усзуҩцәа 32-ҩык амедалқәа "Агәшаҭареи агәыҳалалреи" рзы ранаршьеит ҳәа аанацҳауеит Аԥсны аурыс уаԥшь асаит аҿы.

Аԥсны аказақцәа Гәдоуҭатәи агоспиталь аҳақьымцәа аҳамҭақәа ранаршьеит

"Есыҽны аџьабаа дуӡӡа бо, уахи-ҽни ааԥсарак ҟамҵо, мчыбжьыла, мзыла шәҭаацәа шәымбо ауаа рыԥсҭазаарақәа шәырзықәԥоит. Шәара иахьатәи амш афырхацәа шәоуп", - аҳәоит адырраҭараҿы.

Аҳақьымцәа аҳамҭақәа ранашьара мҩаԥган асанитартә нормақәа инарықәыршәаны.

Аԥсны аказақцәа Гәдоуҭатәи агоспиталь аҳақьымцәа аҳамҭақәа ранаршьеит

Аԥсны аурыс уаԥшь апроект "Ҳара ҳаӡәыкуп" аҳәаақәа ирҭагӡаны Гәдоуҭатәи агоспиталь ахь инаргахьеит амедицинатә хархәагақәа 9 миллионки 150 нызқьмааҭ рыхә. Амшынеиқәатә аказақцәа рыр рхаҭарнакцәа агоспиталь аҿы мчыбжьы мчыбжьыла рҽыԥсахуа арзҩыдаратә усурақәа мҩаԥыргоит.

Иара убас шәаԥхьар ҟалоит:

18

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

11
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

11