Аџьықәреи аарыхразы Гәдоуҭа араион хәышықәсатәи арекорд иаԥгоуп

69
(ирҿыцуп 17:18 26.10.2020)
Гәдоуҭа араион аҿы амхырҭақәа 1900 гектар адгьыл рыҵаркуеит.

АҞӘА, жьҭаара 26 – Sputnik, Бадри Есиава. Ҩнызқь тонна рҟынӡа аџьықәреи аҭагалара азыԥхьагәарҭоит Гәдоуҭа араион аҿы 2020 шықәсазы. Ари аҵыхәтәантәи ахәышықәсазы ирекорду рбагоуп ҳәа Sputnik акорреспондент изеиҭеиҳәеит  араион ақыҭанхамҩатә усбарҭа аиҳабы Иури Кәарцхьиа.

"2000 тонна аџьықәреи ҭаагалоит ҳәа ҳазыԥшуп. Аибашьра ҟалаанӡа аа-нызқь тонна ҭаагалалон. Аибашьра ашьҭахь –4,5 нызқь тонна рҟынӡа, аха нас имаҷхо иалагеит. Сынтәатәи аҽаҩра аҵыхәтәантәи ахәышықәса рзы ирекорду рбагоуп", - иҳәеит Кәарцхьиа.

Иара иажәақәа рыла, иахьазы 70% рҟынӡа аура ҭаргалахьеит. Уи зыхҟьаз акарантин аамҭазы ауаа еиҳарак ақыҭақәа рыҽрымаданы иҟан, уи адагьы уаҵәтәи амш шыҟалашаз ашәарақәа рыман, убри азы ирыӡбеит аӡынразы рыф-рыжә еиқәдыршәарц.

Гәдоуҭа араион ақыҭанхамҩатә усбарҭа аиҳабы иазгәеиҭеит, сынтәа аџыьқәреи аиԥш егьырҭ ақыҭанхамҩатә ҽаҩрақәа зегьы рхаҭабзиара акыр ишыҳараку. Иара игәаанагарала уи зыхҟьаз ааԥынразы аҳауа +15 °С иахьеиҳамхоз ауп. Уахынлатәи ахьшәашәара амармалташь пты аҿиара иаԥырхаган.

"Ҳәарада аҳауатә ҭагылазаашьа анырра ҟанаҵеит, уи адагьы хәышықәса рахь знык аҽаҩра аҟалара еиҳа еиҳахоит", - азгәеиҭеит иара.

Иахьазы Гәдоуҭа араион аҿы амхырҭақәа 1900 гектар адгьыл рыҵаркуеит.

Иара убас шәаԥхар ҟалоит:

69

Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны

9
Аԥсны ахада Аслан Бжьаниа иҳәахьан, Урыстәылатәи Афедерациа Аԥсны ацхыраара анаҭоит ЕгрыГЕС аҿы аремонттә усурақәа рымҩаԥысраан ҳәа.

АҞӘА, абҵара 25- Sputnik. Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны, абри атәы аанацҳауеит Аекономика аминистрра апресс-маҵзура.

Урыстәыла аган ишьақәнырӷәӷәоит атехникатә ҟазшьа змоу ауснагӡатәқәа шынагӡоу Урыстәылантәи Аԥсныҟа афымцалашара аиуразы, абри атәы еилкаахеит аенергетика аминистрраҟны имҩаԥгаз аиҿцәажәарақәа рышьҭахь.

Аԥснынтә аилатәара далахәын аԥыза-министр ихаҭыԥуаҩ, аекономика аминистр Кристина Озганԥҳа.

Абҵара 25 рзы еилкаахеит Аԥсны афымцалашара арцәара аамҭа ԥшь-сааҭк рҟынтәи ҩ-сааҭк рҟынӡа иркьаҿхоит ҳәа.

Иара убас шәаԥхьар ҟалоит:

 

9

Џьапуаԥҳа ашколқәа рганахьала аԥкрақәа рыцҵаразы: аҵарадырра, уи агәыбзиара аус иаҩызоуп

10
Аҟәатәи ахәбатәи абжьаратә школ аҟны ааӡаратә ус аиҿкааҩ, афизика арҵаҩы Иа Џьапуаԥҳа арадио Sputnik аефир аҿы ашколқәа рганахьала ирыцҵоу аԥкрақәа рзы лгәаанагара атәы лҳәеит.
Џьапуаԥҳа аҵаратә процесс аԥкрақәа рыцҵаразы: зынӡаск ҵарада гәыбзиара уск иаҩызоуп

Аԥсны акоронавирус аламырҵәаразы аԥкра ҿыцқәа ирыцҵоуп ажьырныҳәа 12-нӡа. Аусдҵа ҿыц инақәыршәаны ареспубликаҿы азин ыҟам ашколқәраҟынӡатәии азеиԥшҵаратәи еиҿкаарақәа русура урҭ реиҿкаара-зинтә формеи рхатәтәратә формеи ирыхьмырԥшыкәа.

"Аиашазы, ашкол ахь ҳцоит ҳәа агәаанагара ҳаман. Ахәыҷы ҿыц ашкол ахь данцо еиԥш ҳгәы ҳыҭхыҭуа ҳазыԥшын, аха алаҳәара иҟарҵаз даара иуадаҩны иҳадаҳкылеит. Аҵара аус даара ихьысҳан ацара иалагеит. Зынӡаск ҵарада, уи агәыбзиара аус иаҩызоуп. Ҳашкол ахәыҷқәеи ҳареи зынӡаск еимадарак ҳабжьам ҳәа сызҳәом. Излауала аурокқәа еиҭаҳәаны ахәыҷқәа ираҳҭоит, аха ари апроцесс даара иуадаҩны ицоит. Избанзар, ицәгьоуп ахәыҷқәа ҭелла рацәажәара, уи ишуҭаху иузнагаӡом. Ҳгәы иаанагон ахәыҷқәа хымш-хымшла аҵара ҵарахьы ииасуеит ҳәа, аха иалымҵызар акәхап. Ас ҳашцо сыздыруам. Ахәыҷқәа аҭелқәа рыла аурок ҿыцқәа раҳҭоит. Аха аҳасабрақәа ахимиа, афизика, алгебра амаҭәарқәа рыла даара иуадаҩуп. Ҳара ҳашкол арҵаҩцәа зегьы ақәшаҳаҭуп аԥхынра аусура, даҽа хымз ҳауеит. Егьыс ҳхәыҷқәа аҵара ҳәа ирҵаз акгьы иҟам", - лҳәеит Џьапуаԥҳа.

Аҟәатәи ахәбатәи абжьаратә школ аҟны ааӡаратә ус аиҿкааҩ ахәыҷқәа аҩбатәи ашықәс азы рааныжьреи, аҭаацәа аԥара ахшәааны ахәыҷқәа арҵаҩцәа рахь рышьҭреи азы иҟоу ацәажәарақәа рзы лгәаанагара лҳәеит.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

10