Гәдоуҭатәи аковидтә госпиталь аҿы еизакрыла аҵәыҵәри анашьҭра еиҿкаауп

26
(ирҿыцуп 18:04 26.10.2020)
Зынӡа аԥсны иахьаҵанакуа арыԥҳақәа иԥсабаратәымкәа аҳауа рҭазырсуа 38 аппарат ыҟоуп, урҭ рҟынтәи 25–Гәдоуҭатәи агоспиталь аҿы, 12 – Аҟәа амобилтә госпиталь аҿы, акы Аҟәатәи ахәыҷтәы поликлиникаҿ.

АҞӘА, жьҭаара 26 – Sputnik. Гәдоуҭатәи агоспиталь аҿы авирус змоу апациентцәа ахьышьҭоу апалатақәа рахь еизакрыла аҵәыҵәри анеираз акоммуникациақәа ҟаҵоуп ҳәа Sputnik иазеиҭеиҳәеит Агәабзиарахьчара аминистрра аргылареи аиқәыршәареи русбарҭа аиҳабы Роланд Гамсаниа.

"Уаанӡа ачымазаҩ дахьышьҭоу абаллонқәа нагатәызар, иахьа аҵәыҵәри адәныҟантә, атруба ҷыдақәа рыла апалатахь инеиуа иҟаҵоуп. Асистема даара ибзианы аус ауеит", - иҳәеит иара.

Гамсаниа иажәақәа рыла, агоспиталь аҿы уахыки-ҽнаки рыла 150 - 180 баллон нырхуеит, аха уажәшьҭарнахыс аҵәыҵәри аныхра 30-40 процент еиҵахоит.

Аҵәыҵәри абаллонқәа наргоит Ареспубликатә станциаҟынтә, уа иҟамлар Агәыӡератәи арезервтә станциаҟынтә.

Гамсаниа иҳәеит егьырҭ ахәышәтәырҭақәа рҿы COVID-19 ачымазцәа рзы 5 баллонк еиҳам мышкы рхы иадырхәо. Баллонк ахәԥса 350 мааҭ ыҟоуп. Аԥаразоужьра мҩаԥнагоит Агәабзиарахьчара аминистрра.

Иахьазы Аԥсны акоронавирус рымоуп – 3739-ҩык. 1462-ҩык ргәабзиара шьақәгылахьеит, 35 ԥсыҭбара ыҟоуп.

Акоронавирус иазку ажәабжьқәа зегьы шәрыԥхьар ҟалоит абра>>

26
Атемақәа:
Ачымазара ҿкы – акоронавирус Аԥсни адунеи аҿи: иалкаау (865)

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

1
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

1

COVID-19 змоу апациентцәа рзы Гагратәи ахәышәтәырҭаҿы аҟәша ҷыдақәа аадыртуеит

2
(ирҿыцуп 15:38 23.11.2020)
Абҵара алагамҭаз Гагратәи ахәышәтәырҭа ахәыҷтәы ҟәшаҿы иазырхиан акоронавирустә инфекциа змоу рзы аҭыԥқәа.

АҞӘА, абҵара 23 - Sputnik, Бадри Есиава. Акоронавирустә инфекциа змоу рзы ахәышәтәырҭа актәи аихагылаҿы 18 ҭыԥ аздырхиоит ҳәа иҳәеит аҳақьым хада Виачеслав Аргәын.

"Амчыбжь нҵәаанӡа иазыԥхьагәаҳҭоит авирус змоу ачымазцәа рзы аҩбатәи аҟәшагьы аартра. Аҭыԥ-цҵақәа еиҿаҳкаауеит ахәышәтәырҭа актәи аихагылаҿы, уаанӡа аҿкчымазаратә ҟәша ахьыҟаз", - иҳәеит иара.

Аргәын иара убасгьы иҳәеит апациентцәа рыдкыларазы аҟәша ҿыц еиҭакын: хазтәи аҩналарҭа, ачымазцәеи аҳақьымцәеи рзы хаз-хазтәи ашьышьмаҭрақәа еиҿкаан. Убри аан иара игәаанагарала аӡынра ааир арҭ аҭыԥқәа азымхар ҟалоит.

Абҵара 23 азтәи адыррақәа рыла ахәышәтәырҭа иҭоуп 33 пациент адиагноз COVID-19 ззышьақәыргыло.

Иахьазы Аԥсны иаарԥшуп акоронавирус змоу 5380-ҩык. Ргәы бзиахахьеит 3616-ҩык. Рыԥсҭазаара иалҵит 68-ҩык.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау (865)