Гәдоуҭатәи "Риҵа" ашьапылампыл азы Аԥсны Ахраҿа афинал ахь инеиит

29
(ирҿыцуп 09:42 28.10.2020)
Ашьапылампыл азы Аԥсны Ахраҿа афиналбжаҿ гәдоуҭатәи "Риҵеи" очамчыратәи "Ерцахәи" рыхәмарра мҩаԥысит аҟәатәи астадион "Динамо" аҿы жьҭаара 27 рзы. Атурнир афинал ахь анеиразы ахәмарры шымҩаԥысуаз Sputnik Аԥсны аматериал аҿы.

Аханатә ашьапылампыл азы Аԥсны Ахраҿаз еиндаҭлон: "Нарҭ", "Динамо", "Ерцахә", "Риҵа", "Афон", "Самырзаҟан", "Гагра", "Саӡ" ркомандақәа.

Бадраҟ Аҩӡба, Sputnik

Афинал ахь амҩа

Ашьапылампыл азы Аԥсны Ахраҿа афиналбжаҿ анеиразы гәдоуҭатәи "Риҵа" ҩынтә аҟәатәи "Нарҭ" иаиааиит 3:1; 1:3 ҳәа, очамчыратәи "Ерцахә" галтәи "Самырзаҟан" 4:0, 2:3 ҳәа.

Афиналбжатә командақәа ралкаара мҩаԥган хәмаррак алҵшәақәа рыла акоронавирустә пандемиа иахырҟьаны.

© Sputnik / Томас Тхайцук
Гәдоуҭатәи "Риҵа" ашьапылампыл азы Аԥсны Ахраҿа афинал ахь инеиит

Ахәмарра ахәаԥшыҩцәа рацәаны иаман ҳәа узҳәом, аҭыԥ ҭацәқәа рацәан. Аха уи иахьатәи аамҭатә ҭагылазаашьазы ицәгьоуп ҳәа узахҳәаауам.

Ахәаԥшыҩцәа рацәаҩны ишымеизазгьы ахәмарыҩцәа ирылаз зегь аадырԥшит, ацәанырра ҵарқәагьы рыдгылаҩцәа рҟынтәи ироуит. Актәи атаим аан акомандақәа иҵегь рхы аадырԥшыр шауазгьы ампыл амба иҭаршәмызт. Ахәмарра актәи ахәҭа еиҭахарыла ихыркәшан.

© Sputnik / Томас Тхайцук
Гәдоуҭатәи "Риҵа" ашьапылампыл азы Аԥсны Ахраҿа афинал ахь инеиит

Ихадоу атаим

Ааигәа ихыркәшахаз Аԥсны ачемпионат аҿы аиндаҭлаҩцәа еиуеиԥшым алҵшәақәа аадырԥшит. Гәдоуҭатәи акоманда аҵыхәтәанынӡа алшара аман аԥыжәара аиур шауазгьы аҟәатәи "Нарҭ" "ахьы" ацәнагеит. "Ерцахә" афиниш ахь инеиит афбатәи аҭыԥ аҿы игыланы.

Ахәмарра аҩбатәи ахәҭа ишналагаҵәҟьаз "Риҵа" ажәылара хыркәшахеит Виктор Ԥимпԥиа иҭаиршәыз ампыл ала - 1:0 ҳәа.

© Sputnik / Томас Тхайцук
Гәдоуҭатәи "Риҵа" ашьапылампыл азы Аԥсны Ахраҿа афинал ахь инеиит

Абри ашьҭахь "Риҵа" амбахь имгьыжьыкәа еиҭах ажәылара иалагеит. Аамҭақәак цахьаны Леон Дауров (аномер 27) ампыл амба иҭаиршәит - 2:0.

Аҭакс "Ерцахә" еиуеиԥшым акомбинациақәа мҩаԥнагеит, аха ампыл амба абаҟә иаахеит.

Егьи афиналбжатә хәмарраан еиԥылоит акомандақәа "Афони"  "Гагреи". Ахәмарра мҩаԥгахоит аҟәатәи астадион "Динамо" аҿы жьҭаара 28 асааҭ 14:00 рзы. Атурнир афинал мҩаԥысуеит  "Динамо" аҿы, амҽыша, абҵара 1 азы.

© Sputnik / Томас Тхайцук
Гәдоуҭатәи "Риҵа" ашьапылампыл азы Аԥсны Ахраҿа афинал ахь инеиит
29

Гәдоуҭа аканализациатә насос-станциақәа рремонт ахыркәшарахь инеиуеит

1
Гәдоуҭа аканализациатә насос-станциақәа рремонт иазоушьҭуп 152 миллион мааҭ Аԥсны асоциал-економикатә ҿиараз Аинвестпрограмма аҟынтә.

АҞӘА, абҵара 30 – Sputnik, Бадри Есиава. Гәдоуҭа аканализациатә насос-станциақәа ҩба рремонт ахыркәшарахь инеиуеит ҳәа Sputnik иазеиҭеиҳәеит акапиталтә ргылара Аусбарҭа аиҳабы ихаҭыԥуаҩ Демир Гамсониа.

"Ари аусура анагӡаразы иара убасгьы аремонт азуын звольт ҳараку аҳа – КНС 1, КНС 2 афымцалашара рызназго, ишьҭаҵан аколлектор ҿыц арыцқьаратә усурақәа рзы. Аусурақәа ҩымчыбжьҟа рнаҩс ихыркәшахоит", - иҳәоит иара.

© Sputnik / Бадри Есиава
Гәдоуҭа аканализациатә насос-станциақәа рремонт ахыркәшарахь инеиуеит

Гамсониа иҳәеит аканализациатә насос-станциақәа зԥыршьуа арыцқьаратә хархәагақәа Приморск ақыҭеи Гәдоуҭеи рыбжьара иҟоуп ҳәа. Дара асовет аамҭақәа раан иргылан. Урҭгьы аремонт рҭахны иҟоуп. Арҭ аусурақәа рхышәаҵышәа аплан аҿы ишарбоугьы Аинвестпрограмма иалагалам.

Аканализациатә насостә-станциақәа рремонт иалаган 2017 шықәса рзы 2017-2019 шықәсқәа рызтәи Аԥсны асоциал-економикатә ҿиараз Аинвестпрограмма иалагалан. Апроект ахәԥса 152 миллион мааҭ ыҟан. Урҭ рҟынтәи жәа-миллион мааҭ 2020-2022 шықәсқәазтәи апрограммахь ииаган.

1

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

1
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

1