500 тест рҟынӡа COVID азы иҭырҵаахьеит амобилтә госпиталь аҿы

17
(ирҿыцуп 11:40 28.10.2020)
Иахьазы Аҟәа игылоу урыстәылатәи амобилтә госпиталь иҭоуп 55 пациент Аԥсны атәылауаа.

АҞӘА, жьҭаара 28 - Sputnik. 500 тест рҟынӡа мҩаԥыргахьеит амобилтә госпиталь аҿы Аҟәа ҳәа аанацҳауеит Урыстәыла Атәылахьчара аминистрра.

"Урыстәылатәи арратә медусзуҩцәа Аҟәа игылоу агоспиталь аҿы имҩаԥыргоит ареспублика алабараториақәа рҟынтәи инарго анализқәа ПЦР-диагностика. Мышқәак ирылагӡаны иҭҵаан 500 анализ. Аҭакқәа алабараториахь иргьыжьны ирышьҭуеит", - аҳәоит адырраҭараҿы.

Иахьазы Аҟәа игылоу Аладатәи арратә округ амобилтә госпиталь иҭоуп 54 пациент Аԥсны атәылауаа. Ауаа рыдыркылоит уахи-ҽни ҳәа еилымхӡакәа.
Апациентцәа зегьы Аԥсны иатәылауаауп. Дара ацхыраара ласы амашьынақәа рыла инаргоит араионқәа рҟынтә. Ауаҩы ишьҭаҵаразы аӡбра еицрыдыркылоит аучасткатә ҳақьымцәеи дареи реилацәажәарала.

"Уажәазы арратә медусзуҩцәа ахархәаразы ирымоуп ҳаамҭа иақәшәо ахархәагақәа – арыԥҳақәа иԥсабаратәымкәа аҳауа рҭарсраз 28 аппарат, урҭ рҟынтәи ԥшьба реиҭагара ҟалоит, 24 стационартәуп. Ареанимациатә ҟәшаҿы ахархәара рыҭоуп 4 аппаратк ИВЛ. Иазыхианы иҟоуп аҵәыҵәри абаллонқәа", - еиҭеиҳәоит агоспиталь аҳақьым-анестезиолог-ареаниматолог Иарослав Кузин.

Амобилтә госпиталь аҿы ишьақәыргылоуп арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализ ҟаҵагақәа.

Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшоит.

17
Атемақәа:
Ачымазара ҿкы – акоронавирус Аԥсни адунеи аҿи: иалкаау (880)

Гәдоуҭа аканализациатә насос-станциақәа рремонт ахыркәшарахь инеиуеит

1
Гәдоуҭа аканализациатә насос-станциақәа рремонт иазоушьҭуп 152 миллион мааҭ Аԥсны асоциал-економикатә ҿиараз Аинвестпрограмма аҟынтә.

АҞӘА, абҵара 30 – Sputnik, Бадри Есиава. Гәдоуҭа аканализациатә насос-станциақәа ҩба рремонт ахыркәшарахь инеиуеит ҳәа Sputnik иазеиҭеиҳәеит акапиталтә ргылара Аусбарҭа аиҳабы ихаҭыԥуаҩ Демир Гамсониа.

"Ари аусура анагӡаразы иара убасгьы аремонт азуын звольт ҳараку аҳа – КНС 1, КНС 2 афымцалашара рызназго, ишьҭаҵан аколлектор ҿыц арыцқьаратә усурақәа рзы. Аусурақәа ҩымчыбжьҟа рнаҩс ихыркәшахоит", - иҳәоит иара.

© Sputnik / Бадри Есиава
Гәдоуҭа аканализациатә насос-станциақәа рремонт ахыркәшарахь инеиуеит

Гамсониа иҳәеит аканализациатә насос-станциақәа зԥыршьуа арыцқьаратә хархәагақәа Приморск ақыҭеи Гәдоуҭеи рыбжьара иҟоуп ҳәа. Дара асовет аамҭақәа раан иргылан. Урҭгьы аремонт рҭахны иҟоуп. Арҭ аусурақәа рхышәаҵышәа аплан аҿы ишарбоугьы Аинвестпрограмма иалагалам.

Аканализациатә насостә-станциақәа рремонт иалаган 2017 шықәса рзы 2017-2019 шықәсқәа рызтәи Аԥсны асоциал-економикатә ҿиараз Аинвестпрограмма иалагалан. Апроект ахәԥса 152 миллион мааҭ ыҟан. Урҭ рҟынтәи жәа-миллион мааҭ 2020-2022 шықәсқәазтәи апрограммахь ииаган.

1

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

1
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

1