Мҷышьҭатәи акалмаҳааӡарҭа аҭааҩцәа рхыԥхьаӡара маҷуп

13
Мҷышьҭатәи акалмаҳааӡарҭа Аӡеиқәа аҟәараҿы еиҿкаауп. Иргылан 1935 шықәса рзы.

АҞӘА, жьҭаара 28– Sputnik, Бадри Есиава. Зқьи хәышәҩык рҟынӡа аҭааааит анхамҩа сынтәа нанҳәамза инаркны жьҭаара 1 аҟынӡа. Ари ҵыԥхтәи ашықәс арбагақәа ирыдкыланы уахәаԥшуазар ҩынтә еиҵоуп ҳәа Sputnik иазеиҭеиҳәеит анаплакы адиректор Ражьден Агрба.

"Нанҳәа 15 рзы аусура ҳалагеит. Убри инаркны жьҭаара акы аҟынӡа  1500-1600 билеҭ рҟынӡа ҳҭиит. Билеҭк ахәԥса 150 мааҭ ыҟоуп. Ииасыз ашықәс аан ҩынтәны еиҳаны иаҳҭиит", - иҳәоит Агрба.

Аҭагылазаашьа Агрба акоронавирус апандемиа иадиҳәалоит. Уи асасцәа рҭаара адагьы аԥсыӡ рыфатә аагарагьы анырра анаҭеит. Иара иажәақәа рыла дара европатәи афатә хкқәа ракәын иаархәоз, аха уажәы алогистикатә проблемақәа ирхырҟьаны урҭ Аԥсныҟа раагара уадаҩуп.

Абри аҭагылазаашьаан ацхыраара ҳарҭоит Кындыӷтәи ҳколлегацәа, уаҟагьы акалмаҳааӡарҭа аргылара иаҿуп ҳәа иҳәоит Агрба.

"Дара рхаҭақәа рҭагылазаашьа шымариамгьы аԥсыӡ ыфатә азы иҳацхраауеит. Аԥсыӡ афатә авитаминқәа алазароуп. Ицәгьам ақьамшьиа иалху ашылагьы", - иҳәоит иара.

Мҷышьҭатәи акалмаҳааӡарҭа Гәдоуҭа араион Аӡеиқәа аҟәараҿы еиҿкаауп. Иргылан 1935 шықәса рзы. 1992-1993 шықәсқәа раан анаплакы аусура аанкылан.

Аԥсыӡ ыҟан афатә нҵәаанӡа, нас икны гәдоуҭатәи арратә штаб ахь аруаа рыкрыфаразы инаргеит. Аибашьра ашьҭахь анаплакы шьаҭанкыла иҿыцны ихацыркхеит.

13

Абҵарамза 25 рзы Аҟәа ахәҭак ӡыда иаанхоит

1
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

1

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

0
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

0
Атемақәа:
Ачымазара ҿкы – акоронавирус Аԥсни адунеи аҿи: иалкаау