Кесоу Лагиндзия

Кьасоу Лаӷынӡиа амикрохирургиатә операциа қәҿиарала изыҟарҵеит

9
(ирҿыцуп 12:53 28.10.2020)
2017 шықәса нанҳәамзазы жәеиза шықәса зхыҵуаз Кьасоу Лаӷынӡиа инапы абаҟахаҳә ақәҳаит. Акультура-гәыҳалалратә фонд "Ашана" аоперациаз аԥара еизганы Новосибирсктәи аклиникақәа руак ахь дрышьҭит.

АҞӘА, жьҭаара 27 - Sputnik. Кьасоу Лаӷынӡиа амикрохирургиатә операциа қәҿиарала изыҟарҵеит Новосибирск атравматологиеи аортопедиеи ринститут аҿы ҳәа аанацҳауеит Акультура-гәыҳалалратә фонд "Ашана" Instagram адаҟьаҟны.

Посмотреть эту публикацию в Instagram

УРА❗ 🧡🧡🧡🧡🧡🧡🧡🧡 ⚜Друзья, мы спешим поделиться новостью, которая несомненно вас обрадует, так как многие из вас к ней причастны! 🧒Сегодня Кесоу Лагиндзия провели микрохирургическую операцию и пластику дефекта пальца в НИИ травматологии и ортопедии г.Новосибирска🏪 ⚜Напомним, что в августе 2017 года на руку одиннадцатилетнего Кесоу Лагиндзия упал памятник! ⚜Ему была проведена первичная хирургическая обработка ран пальцев, но пальцы стали неправильно заживать и со временем деформироваться. 💰На данную операцию по устранению дефекта в клинике Новосибирска мы все вместе собрали 372 814 рублей! 📱Мы поддерживаем связь с мамой мальчика, она рассказала нам о том, что операция прошла успешно, Кесоу перевели в палату, послеоперационное состояние удовлетворительное🙏 🧡Кесоу вместе с мамой передают каждому благотворителю большое спасибо за оказанную помощь! ⚜Мы присоединяемся к словам благодарности самого Кесоу и его мамы, и говорим “спасибо” всем неравнодушным – за оказанное доверие и участие в сборе средств. ⚜Благодаря вам, друзья, еще одна детская жизнь спасена, еще одна большая мечта маленького человека исполнилась! ⚜Отдельные слова благодарности хотим выразить нашим друзьям за помощь в организации поездки Кесоу в клинику: 🔸️руководителям ООО «Позитив» Когония Гарри Рудиковичу; 🔸️ Голандзия Вахтангу Владимировичу; 🔸️ Садзба Астико Анатолиевичу; 🔸️Директору Сухумского Центрального Рынка Алхасу Гургулия; 🔸️Администрацию президента Республики Абхазия; 🔸️нашим коллегам из Новосибирска, а именно: представителям фонда «Солнечный город»: Анастасии Земляновой @zemlyanova_a и волонтеру Артём Литуеву @Artemlituev32, который встретил Кесоу с мамой Дианой в аэропорту, довез до медицинского центра и всячески помог им в организационных вопросах. ⚜ Дорогие БЛАГОтворители, вы являетесь примером того, что Мир держится на неравнодушных, отзывчивых людях, не способных пройти мимо чужой беды, всегда готовых помочь и оказать поддержку. ⚜Ваша помощь чрезвычайно ценна и никогда не будет забыта. #фондашана #фондашана_новости #новостиодетях #радость #абхазия #ашана #сухум #новосибирск #клиника #помощь #детитакиедети

Публикация от Благотворительный Фонд "Ашана" (@fondashana)

2017 шықәса нанҳәамзазы жәеиза шықәса зхыҵуаз Кьасоу Лаӷынӡиа инапы абаҟахаҳә ақәҳаит. Кьасоу инацәкьарақәа ииашамкәа иӷьо иалагеит, иаҭаххеит аҩбатәи аоперациа. Аоперациа Новосибирск аҟаҵаразы еизган 372 814 мааҭ.

Афонд "Ашана" аҿы ирҳәеит ахәыҷ иани дареи шеимадоу. Лара лажәақәа рыла аоперациа қәҿиарала имҩаԥысит, Кьасоу апалатахь диаргеит, иҭагылазаашьа бзиоуп.

Акультура-гәыҳалалратә фонд "Ашанеи" аҷкәын иҭаацәеи ацхыраара ҟазҵаз зегьы ҭабуп ҳәа рарҳәоит.

9
Атемақәа:
Ҳаидгыланы аԥсҭазаара еиқәҳархап (58)

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

1
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

1

Аԥсны арратә комиссар: иахьа аррамаҵзура ахысра аҳаҭыр лаҟәит

5
Аԥсны аррамаҵзурахь инарыԥхьоит 18 – 27 шықәса зхыҵуа. Ҭагалантәи арранаԥхьаратә ауснагӡатә аан 2020 шықәса рзы аррахь инаԥхьан 330-ҩык.

АҞӘА, абҵара 30– Sputnik. Ҭагалантәи арранаԥхьаратә кампаниа аҳәаақәа ирҭагӡаны аԥсуа ар рахь инаԥхьахоит 65 процент ҳәа арадио Sputnik иазеиҭеиҳәеит Аԥсны арратә комиссар Беслан Ҭарба.

"Ари хыԥхьаӡара маҷуп. Ҵыԥхгьы ус акәын ишыҟаз.  Аҿар аррамаҵзура рацәак ргәы аҳәом. Сгәанала ахара зду аҭаацәа роуп. Изныкымкәа иҩынтәымкәа анаԥхьара раҳамҭакәа акомиссиахь иааиуам", - иҳәоит иара.

Ҭарба иажәақәа рыла аҿар абжьаратә школ ашьҭахь иреиҳау аҵарахь рхы дырхоит.

"Аррамаҵзура аҳаҭыр лаҟәит. Ирацәаҩуп иреиҳау аҵараиурҭақәа ирҭало. Бакалавриат ашьҭахь амагистратуахь ицоит, нас –аспирантурахь. Абарҭ рышьҭахь шықәсыла арра иаҵанакуам", - иҳәоит иара.

Ҭарба иажәақәа рыла арра мап ацәызкуа рганахь ала азакәан рӷәӷәатәуп. Иахьазы ахараԥса 300 мааҭ артәоит.

Арратә комиссар иҳәоит ҿарԥас аепидемиологиатә ҭагылазаашьа ҟазҵо шыҟоу, аха ар рҿы аԥкырақәа зегьы ирықәныҟәоит ҳәа азгәеиҭоит иара.

Арратә комиссар иажәақәа рыла 2020 шықәсазы ҭагалантәи арранаԥхьара жьҭаарамзазы иалагар акәын, аха аепидемилогиатә ҭагылазаашьа аицәахара иахҟьаны абҵарамзахь ииаган. Ауснагӡатә хыркәшахоит ԥхынҷкәын 22 рзы, аха аусқәа шцо ала аамҭа инахахоит.

Жьҭаара 1 азы атәыла ахада Аслан Бжьаниа 2020 шықәса жьҭаара-ԥхынҷкәын рзы атәылауаа арра рнаԥхьарази арра иҟоу роушьҭрази аусдҵа инапы аҵеиҩит.

Аԥсны аррамаҵзурахь инарыԥхьоит 18 – 27 шықәса зхыҵуа.

5