Урыстәылатәи амобилтә госпиталь аҟынтәи раԥхьатәи апациентцәа ылҩаауп

20
(ирҿыцуп 14:23 28.10.2020)
Урыстәыла Аладатәи арратә округ арратә медусзуҩцәа уахи-ҽни инеиԥшьны амобилтә госпиталь аҿы арациентцәа рыдыркылоит. Уажәтәи аамҭазы агоспиталь аҟны рхы рхәышәтәуеит 60 пациент, COVID-19 змоу.

АҞӘА, жьҭаара 28 – Sputnik, Бадраҟ Аҩӡба. Урыстәылатәи  амобилтә госпиталь аҟынтәи раԥхьатәи апациентцәа хҩык ылҩаауп жьҭаара 28 рзы.

© Sputnik / Томас Тхайцук
Урыстәылатәи амобилтә госпиталь аҟынтәи раԥхьатәи апациентцәа ылҩаауп

Урҭ руаӡәк, Замира Џьергениаԥҳа лажәақәа рыла аҳақьымцәа иааиԥмырҟьаӡакәа ачымазцәа ахылаԥшра рырҭон. Ес-жәа минуҭ инеины игәарҭон.

"Аԥхьатәи абжьымш аҩны схы схәышәтәуан, аха нас сҳақьым арахь саалышьҭит. Ара зегьы ацхыраара ду ҳарҭеит. Аҳақьымцәа ааҳԥырымшәо иаҳхылаԥшуан. Иара убасгьы ҳаиҳабыра ҭабуп ҳәа расҳәар сҭахуп иҟарҵо ацхырааразы", - лҳәоит Замира Џьергениаԥҳа.

Лада Харитонова, иара убас амобилтә госпиталь дапациентхеит. Лара Гәдоуҭатәи COVID-центр аҿы санитаркас дыҟан. Иара уа ишьҭылкааит акоронавирус. Ахалахыхәышәтәра анылмыхәа Лада агоспиталь ахь днаган.

"Аҳақьымцәа даара бзиа иаҳзыҟан. Ачымазара ыҟоуп, уи хырыҩ аҭара аҭахӡам. Ауаҩы ахьҭа илаланы ихы ибозар, иаразнакы аҳақьым иахь дыдҵаалароуп", - лҳәоит Харитонова.

Агоспиталь аҿкчымазаратә ҟәша аиҳабы Альберт Татаркулов иҳәеит иоурышьҭуа апациентцәа рҭагылазаашьа шҭышәынтәалоу. Иара иҳәеит дара бжьаратәла ишыҟаз рчымазара ахьанҭара. Иахьазы агоспиталь аҿкчымазаратә ҟәшаҿы 26 пациент ыҟоуп, зынӡа – 60-ҩык. 

"Агоспитальтә ҟәша ԥшьҩык апациентцәа рылҩаара мҩаԥнагоит. Апациентцәа рыбжьара хәыҷы дыҟам, зегьы дууп", - азгәеиҭеит иара.

Жьҭаара 19 рзы Аԥсны Атәылахьчара аминистрра иҟанаҵаз аҳәарала Аԥсныҟа иаашьҭын хырхарҭарацәалатәи амобилтә госпиталь, 100 иара-ҭыԥ змоу. Убри аан иахәҭаны иҟалар агоспиталь 150 пациент рҟынӡа аднакылар алшоит.

Иара убас шәаԥхьар ҟалоит:

20
Атемақәа:
Ачымазара ҿкы – акоронавирус Аԥсни адунеи аҿи: иалкаау (868)

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

2
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

2
Атемақәа:
Ачымазара ҿкы – акоронавирус Аԥсни адунеи аҿи: иалкаау (868)