"Акурорт Пицунда" уаанӡатәи ахада иусура дахьамырхыз азы аӡбарҭахь дашшит

10
Апансионатқәа реидгыла "Акурорт Пицунда" адиректорс нанҳәа 7 рзы дҟаҵан Фрикан Гәынба. Уаанӡа ари аҭыԥ никылон Нодар Шьаҟрыл.

АҞӘА, жьҭаара 28 – Sputnik, Бадраҟ Аҩӡба. "Акурорт Пицунда" уаанӡатәи ахада Нодар Шьаҟрыл иусура дахьамырхыз азы аӡбарҭахь дашшит. Абри атәы иҳәеит иара ихаҭа Sputnik аинтервиу анеиҭоз.

"Сара актк шьаҭас иҟаҵаны сусура самырхит. Убри аан уи адокумент иагьысымбеит, уи азы дырракгьы сыҭамызт. Сара Атуризм аминистрра аӡбамҭа иашам ҳәа исыԥхьаӡоит. Убри азы смаҵурахьы сдырхынҳәразы ашшыԥхьыӡ инасышьҭыз аҭак сазыԥшуп", - иҳәеит иара.

Атуризм аминистр Ҭеимураз Хышба Аԥсуа телехәаԥшраҿы имҩаԥигаз апресс-конференциаҟны иҳәеит акурорт аиҳабы иԥсахра азакәаншьаҭа аманы имҩаԥган ҳәа.

""Акурорт Пицунда" ахада иԥсахразы аӡбара ҳадаҳкылеит. Иара нагӡан аимак-аиҿак шахылҿиаазгьы. Гәыԥҩык адиректор ҿыц инеира иаҿагылан, аха иара иҭыԥ ахь днеиит. Аус иуеит, ԥхьаҟагьы иулоит. Аӡбарҭа иаҳәо аабап. Агәра згоит уи иашахап ҳәа", - иҳәеит Хышба.

Хышба иазгәеиҭеит 2020 шықәсазы "Акурорт Пицунда" 119 миллион аԥара абиуџьет ишаланагалаз.

"Акурорт Пицунда" ахада ҿыц Фрикан Гәынба имаҵура даҭан нанҳәа 7 рзы, аколлектив ахәҭак уи ишаҿагылазгьы.

Акурорт аусзуҩцәа рыхәҭак административтә хыбра аҿаԥхьа еизеит аҭагылазаашьа ргәамԥхо. Аха атуризм аминистрра рхаҭарнакцәа уахь ианнеи, ианеицәажәа ашьҭахь рыҽдырҭынчит. Фрикан Гәынба аколлектив ддырдырын.

Нодар Шаьҟрыл "Нужная газета" аинтервиу аҭо иҳәеит иамхрази ахада ҿыц иаҭарази Аусдҵа рылаҳәара шымҩаԥгаз иара дыҟамкәа.

Атуризм азы аминистрра апресс-маҵзура иазгәанаҭеит Фрикан Гәынба икандидатура еиҭахәаԥшраны ишыҟам, уи азы аминистр изинмчқәа рҳәаа иҭагӡаны аӡбра шидикылаз.

10

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау
Даур Латария

Латариа дазааҭгылеит адинхаҵара иадҳәалоу ауаажәлар ирызцәырҵуа азҵаарақәа ртәы

4
(ирҿыцуп 18:25 28.11.2020)
Ауаажәларратә еиҿкаара "Аԥшьаҭыԥ" анапхгаҩы Даур Латариа арадио Sputnik аефир аҿы еиҭеиҳәеит адинхаҵара иадҳәалоу ауаажәлар ирызцәырҵуа азҵаарақәа ртәы.
Латариа: жәытә-натә аахыс аԥсуа ирыман дара рхатә анцәахаҵара

"Жәытә-натә аахыс аԥсуа ирыман дара рхатә анцәахаҵара. Ҳазшаз даӡәыкуп, аха адинхаҵарақәа еиуеиԥшым, доусу иара итәала дазнеиуеит. Аԥсуаа ақьырсиан атәгьы ныҟәыргоит, амсылман итәгьы ныҟәыргоит, Ажьирахьгьы инеиуеит. Зегьы мҩаԥаҳгоит Ҳазшаз игәы ҟаҳҵарц. Уажәы қьырсианла аҿбаара иҵалоит. Ԥсыуала аныҳәагатә мҩаԥызгар зҭаху изы уи акгьы амам. Ажәытә аԥсуаа ирымаз ачгара, уи ауаҩы даныԥслак акәын, ахаа ықәырҵаанӡа, ашьтәа ршьаанӡа ичгон. Анаҩсан шәарыцара ианцоз, мышкы ҩымш ианычгозгьы иҟан. Ачгарақәеи аҿбаарақәеи зегьы ныҟәаҳго ҳалагар, ҳаԥсуарагьы каҳажьыр акәхоит", - иҳәеит Латариа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4