Гагра араион Ахадара COVID-19 аҩны изхызго хылаԥшра рырҭоит

476
COVID-19 адиагноз ззышьақәыргылоу Гагра араион ауааԥсыра 200-ҩык ыҟоуп, ахәышәтәырҭа иҭоуп 17-ҩык.

Саида Жьиԥҳа, Sputnik

Апандемиа аналага нахыс, Гагра араион Ахадареи ахәшәтәырҭеи аимадара рыбжьан. Ачымазара аҽанарҭбаа, араион анапхгара ачымазара ҿкы ззышьақәырӷәӷәаны аҩны зҽызхәышәтәуа хылаԥшра ҷыда рырҭо иалагеит.

Гагра араион Ахадара аиҳабы инапынҵақәа назыгӡо Иури Хагәышь ицхырааҩ Баҭал Берзениа напынҵас имоуп есыҽны араионтә хәышәтәырҭа аҟынтәи ирзаарышьҭуа, ачымазара ззышьақәгылоу рсиақәа рыла, аҩны атерапиа иахысуа аҭел дасны ргәабзиара азҵаара, анаҩс ирыгыу ахәшәқәеи, афатәи, ажәтәи рыла реиқәыршәара.

"Апандемиа аналага, Аԥсни Урыстәылеи рҳәаа анаркха, усҟан Аԥсны Жәлар Реизара-Апарламент адепутатс иҟаз Иури Хагәышь ахатәгәаԥхаратә-аволонтиортә еиҿкаара аԥҵаны, зфинанстә ҭагылазаашьа кәадаз Гагра араион ауааԥсыра дрыцхраауан. Гагра араион Ахадара аиҳабы инапынҵақәа рынагӡара даналагагьы ари аус нимыжьит. Иахьа, ҳраион аҿы COVID-19 адиагноз ззықәыргылоу, ахәшәтәырҭа адыррақәа рыла рхыԥхьаӡара 200-ҩык ыҟоуп. Есыҽны хаҭала асиала аҭел сырзасны ирыгыу ыҟазар ирықәсыршәоит. Ф-ҭаацәарак араион Ахадара фатәыла ирыцхрааит, урҭ реиҳарак ашьха қыҭақәа рҿы инхо роуп", - иҳәеит Баҭал Берзениа.

Берзениа иазгәеиҭеит, араион аԥҭекақәа рҿы еиҳа ауаа зызҵаауа ахәшәқәа рыла аиԥҟьара ҟамларц азы, аԥшәмацәа рыҽрымаданы аҳәара шрырҭо раԥхьа иргыланы зда ԥсыхәа ыҟам апрепаратқәа ааргарц.

"Шжәдыруеит араион аҿы аҳәынҭқарратә аԥҭекақәа шыҟам, аха уеизгьы аԥшәмацәа аӡәырҩи ҳареи ҳаилибакааны, ауаа ҳазларыхәаша азҵаатәқәа ҳрылацәажәеит", - инаҵишьит Берзениа.

© Foto / Foto / Министерство здравоохранения Республики Абхазия

Гагра араион Ахадара аҭел ҷыда ала, Баҭал Берзениа дзыҿцәажәо ауаа гәахәарыла ирыдыркылоит рганахь иаарԥшу агәцаракра. Лида (лыжәла аҳәара лҭахымхеит) даара лгәы шьҭнахит лгәабзиара аҳақьымцәа рыдагьы араион Ахадараҟынтәи иахьазҵаауа.

"Сара даара сацәшәон ари ачымазара, схы сшацклаԥшуазгьы исылакьысит. Анцәа имчала аҩны сыштәо исхызгоит. Аҳақьымцәа исзылырҩааз ахәшәқәа зегьы зжәоит. Аԥҭекаҿы исмоуз ыҟоуп, уи Баҭал Берзениа ишсықәиршәо агәра сиргеит.иҟарҵо агәцаракразы иҭабуп", - лҳәеит ачымазаҩцәа руаӡәы.

Гагра араион Ахадара амчала, иааиуа амчыбжь азы, араионтә хәышәырҭа ахәыҷҭәы ҟәша COVID-19 ачымазара злоу рзы еиқәыршәахоит. Араҟа зныҭрыс ирыдыркылоит 40-ҩык апациентцәа. Аинфекциатә ҟәша акәзар 20 ҭыԥ амоуп акоронавирус зцәа иалоу рзы, иахьа араҟа ишьҭоуп 17-ҩык.

Гагратәи ахәышәтәырҭаҿы акоммерциатә шьаҭала ишьақәыргылоу акомпиутортә томограф акәзар, уи аԥшәмацәеи араион Ахадара аиҳабы инапынҵақәа назыгӡо Иури Хагәышьи еицәажәаны иазааит, есымза, ахәшәтәырҭа ишьҭарҵо акоронавирус змоу 60-ҩык апациентцәа хәыда-ԥсада рырԥҳақәа ҭырхыртә еиԥш алшара шыҟало.

"Аҳақьымцәа, акомпиутортә томограф аппарат ала игәаҭатәны ирԥхьаӡо аквотаҿы иарбоу 60-ҩык иреиҳахаргьы, уахь иаҵанакырц зылшо акатегориақәа аибашьра аветеранцәа, зфинанстә ҭагылазаашьа кәадоу аҭаацәарақәа уҳәа иҵегь ҳрызхәыцны, хәыда-ԥсада ррыԥҳақәа ҭырхыртә еиԥш алшара рыҭахоит. Уи иацу ахарџь араион Ахадара ахахьы иагоит", - азгәеиҭеит Берзениа.

Иаарласны Гагра араион Ахадара афинанстә цхыраарала ахәышәтәырҭазы иаахәахоит абиохимиатә лабораториа.

476
Атемақәа:
Ачымазара ҿкы – акоронавирус Аԥсни адунеи аҿи: иалкаау (878)

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау (878)
Даур Латария

Латариа дазааҭгылеит адинхаҵара иадҳәалоу ауаажәлар ирызцәырҵуа азҵаарақәа ртәы

4
(ирҿыцуп 18:25 28.11.2020)
Ауаажәларратә еиҿкаара "Аԥшьаҭыԥ" анапхгаҩы Даур Латариа арадио Sputnik аефир аҿы еиҭеиҳәеит адинхаҵара иадҳәалоу ауаажәлар ирызцәырҵуа азҵаарақәа ртәы.
Латариа: жәытә-натә аахыс аԥсуа ирыман дара рхатә анцәахаҵара

"Жәытә-натә аахыс аԥсуа ирыман дара рхатә анцәахаҵара. Ҳазшаз даӡәыкуп, аха адинхаҵарақәа еиуеиԥшым, доусу иара итәала дазнеиуеит. Аԥсуаа ақьырсиан атәгьы ныҟәыргоит, амсылман итәгьы ныҟәыргоит, Ажьирахьгьы инеиуеит. Зегьы мҩаԥаҳгоит Ҳазшаз игәы ҟаҳҵарц. Уажәы қьырсианла аҿбаара иҵалоит. Ԥсыуала аныҳәагатә мҩаԥызгар зҭаху изы уи акгьы амам. Ажәытә аԥсуаа ирымаз ачгара, уи ауаҩы даныԥслак акәын, ахаа ықәырҵаанӡа, ашьтәа ршьаанӡа ичгон. Анаҩсан шәарыцара ианцоз, мышкы ҩымш ианычгозгьы иҟан. Ачгарақәеи аҿбаарақәеи зегьы ныҟәаҳго ҳалагар, ҳаԥсуарагьы каҳажьыр акәхоит", - иҳәеит Латариа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4