"Риҵеи" "Гагреи" ашьапылампыл азы Аԥсны Ахраҿа афинал ахь инеиит

9
(ирҿыцуп 09:41 29.10.2020)
Ашьапылампыл азы Аԥсны Ахраҿа афиналтә хәмарра аҩбатәи алахәыла деилкаахеит "Афони" "Гагреи" жьҭаара 28 рзы рыхәмарра ашьҭахь.

Актәи афиналбжатә хәмарраан Гәдоуҭатәи «"Риҵа" афинал ахь инеиит, 2:0 ҳәа Очамчыратәи "Ерцахә" иаиааины. Ашьапылампыл азы Аԥсны Ахраҿа афинал мҩаԥысуеит астадион "Динамо" аҿы абҵара акы азы.

Бадраҟ Аҩӡба, Sputnik

Афиналбжатә хәмаррахь анеиразы Афон Ҿыц акоманда Цандрыԥшьтәи "Саӡ" ҩынтә иаиааиит: 3:1, 1:3 ҳәа. Гаграа Аҟәатәи "Динамо" ианацыхәмаруаз аиааира ргеит 4:2 ҳәа, нас  2:1 ҳәа иаҵахеит.

© Sputnik / Томас Тхайцук
"Риҵеи" "Гагреи" ашьапылампыл азы Аԥсны Ахраҿа афинал ахь инеиит

Жьҭаара 25 рзы ихыркәшахаз ашьапылампыл азы Аԥсны ачемпионат аҟны "Гагра" аԥшьбатәи аҭыԥ ннакылеит, "Афон" – ахәбатәи.

Афиналбжаҿы аԥхьатәи ампыл амба иҭаиршәит "Афон" ахәмарыҩ Давид Аргәын.

Актәи атаим анҵәара 15 минуҭ шагыз гаграа рыхәмарыҩ Даниил Чрыгба ампыл ҭаиршәит. Аамҭақәак ааҵуаны "Афон" ахәмарыҩ Аслан Муцба аҩбатәи ампыл ҭаиршәит. Атаим нҵәеит 2:1 ҳәа.

© Sputnik / Томас Тхайцук
"Риҵеи" "Гагреи" ашьапылампыл азы Аԥсны Ахраҿа афинал ахь инеиит

Ахәмарра аҩбатәи ахәҭаҿы "Гагра" ахәмарыҩ Никита Ашәба ампыл ҭаршәны ахәмарра еиҟареитәит.

Гагратәи акоманда алахәыла Асҭамур Ҵышәба минуҭқәак ааҵуаны "Афон" амба ампыл ҭаиршәит - 3:2. Абри ашьҭахь акомандақәа рыҩбагьы изныкымкәа аҽалкаара рылшон, аха ишыҟац инханы иҟан.

Аиԥылара анҵәара минуҭқәак шагыз "Гагра" ахәмарыҩ Никита Ашәба ампыл ҭеиршәит - 4:2 ҳәа аԥыжәара ганы. Абас ала "Гагра" акоманда "Афон" иаԥнагеит.

Аханатә ашьапылампыл азы Аԥсны Ахраҿа иалахәын: "Нарҭ", "Динамо", "Ерцахә", "Риҵа", "Афон", "Самырзаҟан", "Гагра", "Саӡ".

© Sputnik / Томас Тхайцук
"Риҵеи" "Гагреи" ашьапылампыл азы Аԥсны Ахраҿа афинал ахь инеиит
9

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

0
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0

COVID-19 змоу апациентцәа рзы Гагратәи ахәышәтәырҭаҿы аҟәша ҷыдақәа аадыртуеит

1
(ирҿыцуп 15:38 23.11.2020)
Абҵара алагамҭаз Гагратәи ахәышәтәырҭа ахәыҷтәы ҟәшаҿы иазырхиан акоронавирустә инфекциа змоу рзы аҭыԥқәа.

АҞӘА, абҵара 23 - Sputnik, Бадри Есиава. Акоронавирустә инфекциа змоу рзы ахәышәтәырҭа актәи аихагылаҿы 18 ҭыԥ аздырхиоит ҳәа иҳәеит аҳақьым хада Виачеслав Аргәын.

"Амчыбжь нҵәаанӡа иазыԥхьагәаҳҭоит авирус змоу ачымазцәа рзы аҩбатәи аҟәшагьы аартра. Аҭыԥ-цҵақәа еиҿаҳкаауеит ахәышәтәырҭа актәи аихагылаҿы, уаанӡа аҿкчымазаратә ҟәша ахьыҟаз", - иҳәеит иара.

Аргәын иара убасгьы иҳәеит апациентцәа рыдкыларазы аҟәша ҿыц еиҭакын: хазтәи аҩналарҭа, ачымазцәеи аҳақьымцәеи рзы хаз-хазтәи ашьышьмаҭрақәа еиҿкаан. Убри аан иара игәаанагарала аӡынра ааир арҭ аҭыԥқәа азымхар ҟалоит.

Абҵара 23 азтәи адыррақәа рыла ахәышәтәырҭа иҭоуп 33 пациент адиагноз COVID-19 ззышьақәыргыло.

Иахьазы Аԥсны иаарԥшуп акоронавирус змоу 5380-ҩык. Ргәы бзиахахьеит 3616-ҩык. Рыԥсҭазаара иалҵит 68-ҩык.

Иара убас шәаԥхьар ҟалоит:

1
Атемақәа:
Ачымазара ҿкы – акоронавирус Аԥсни адунеи аҿи: иалкаау