Узбекистан атәылауаа аҩбатәи ргәыԥ Аԥсны аанрыжьит

8
(ирҿыцуп 13:55 29.10.2020)
Аурыс-аԥсуа ҳәаа ахысра азин рымоуп Аԥсни Урыстәылеи ртәылауаа реиԥш, Донецки Лугански жәлар рреспубликақәа руааԥсыреи, уа инхо Украина ауааԥсыреи. Егьырҭ аҳәаанырцә ҳәынҭқаррақәа ртәылауаа аҳәаа ахысра азин рымам.

АҞӘА, жьҭаара 29 - Sputnik. Узбекистан атәылауаа аҩбатәи ргәыԥ, 299-ҩык злахәу, Аԥсны аанрыжьит ҳәа аанацҳауеит Узбекистан ААР асаит.

"Акомиссиа ҷыдеи, Узбекистан адәныҟатәи аусқәа рминистрреи, атранспорт аминистрреи рыӡыбрала 2020 шықәса жьҭаара 28 рзы Аԥсны иҟаз ҳтәылауаа ачартертә реис АО Uzbekistan Airways ала рыԥсадгьыл ахь игьыжьит", - аҳәоит адырраҭараҿы.

Узбекистан атәылауаа, 19-ҩык злахәыз ргәыԥ Аԥсны аанрыжьит жьҭаара 9 рзы аилахәыра  АО "Узбекистон темир йуллари" ("Железные дороги Узбекистана") ахархәарала.

Узбекистан адәныҟатәи аусқәа рминистрра апресс-маҵзура иазгәанаҭоит узбектәи адипломатцәеи аурыс гани аилацәажәарақәа шымҩаԥырго Аԥсны иаанханы иҟоу Узбекистан атәылауаа Урыстәыла аҵакыра транзитла ралгара алыршаразы.

Официалла аурыс-аԥсуа ҳәаа ахысра азин рымоуп Аԥсни Урыстәылеи ртәылауаа реиԥш, Донецки Лугански жәлар рреспубликақәа руааԥсыреи, уа инхо Украина ауааԥсыреи. Егьырҭ аҳәаанырцә ҳәынҭқаррақәа ртәылауаа аҳәаа ахысра азин рымам.

Иара убас шәаԥхьар ҟалоит:

 

8

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

7
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

7

COVID-19 Аԥсны: 62-ҩык аҿкы рыдырбалеит, ҩыџьа рыԥсҭазаара иалҵит

3
Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 62-ҩык акоронавирус рцәа ишалаз аадырԥшит.

АҞӘА, абҵара 23- Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит абҵара 22 рзы, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Иԥсҭазаара далҵит 64 шықәса ирҭагылаз ахаҵа. Иара ахәышәтәырҭа дҭашәеит абҵара 5 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит игәеисра аԥсыҽхара иахҟьаны.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны лыԥсҭазаара далҵит 1940 шықәсазы ииз апациент. Иақәнагаз атерапиа шылзмҩаԥыргозгьы, лыдунеи лыԥсахит лгәеисра аԥсыҽхара иахҟьаны.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 72-ҩык ауааԥсыра, урҭ рахьтә 58-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 19-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит 30-ҩык апациентцәа, хҩык рҭагылазаашьа уадаҩуп.

Амобилтә госпиталь аҟны ишьҭоуп акоронавирус зыдбалоу 31-ҩык апациентцәа. 27-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5374-ҩык ыҟоуп. Урҭ рахьтә ргәы бзиахеит 3623-ҩык, рыԥсҭазаара иалҵит 70-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Ачымазара ҿкы – акоронавирус Аԥсни адунеи аҿи: иалкаау