Аслан Бжьаниеи Дмитри Козаки Москва еиԥылеит

15
(ирҿыцуп 09:42 30.10.2020)
Аԥсны ахада Аслан Бжьаниа усутә ныҟәарала Москваҟа амҩа дықәлеит жьҭаара 26 рзы. Аслан Бжьаниа ахадас дҟалазар ари ахәбатәи ныҟәароуп имҩаԥигоу.

АҞӘА, жьҭаара 30 - Sputnik. Аԥсны ахада Аслан Бжьаниеи Урыстәыла ахада Иусбарҭа анапхгаҩ ихаҭыԥуаҩ Дмитри Козаки  Москва еиԥылеит ҳәа аанацҳауеит ахада ипресс-маҵзура.

Аиԥылараҿы ирылацәажәан аԥсуа-аурыс еизыҟазаашьақәа еиуеиԥшым рызҵаарақәа, ҷыдала 2020-2022шш. рызтәи Аинвестициатә программа апроектқәа. Аслан Бжьаниа Урыстәыла ахадара ҭабуп ҳәа реиҳәеит Аԥсны акоронавирустә инфекциа аҿагылараҿы ианаҭо ацхырааразы ҳәа аҳәоит адырраҭараҿы.

Апресс-маҵзура адыррала аиԥылара иалахәын Урыстәыла аекономикатә ҿиара аминистр ихаҭыԥуаҩ Михаил Бабич, Урыстәыла ахада Иусбарҭа аҳәааԥнытә усеицуразы аусбарҭа аиҳабы Алексеи Филатов.

Аслан Бжьаниа ахадас дҟалазар ари ахәбатәи ныҟәароуп имҩаԥигоу.

Раԥхьаӡа акәны Аԥсны ахада иаҳасабала иара Москваҟа дцеит ҳазҭоу ашықәс лаҵарамзазы. Усҟан иара ицын аԥыза-министр ихаҭыԥуаҩ, афинансқәа рминистр Владимир Делбеи аԥыза-министр ихаҭыԥуаҩ, аекономика аминистр Кристина Озганԥҳаи.

Аҩынтә раан рашәара 24 рзы Аслан Бжьаниа Урыстәыла ахада Владимир Путин иааԥхьарала ихы алаирхәит Москва имҩаԥысуаз Аџьынџьтәылатә еибашьра Ду аан игаз Аиааира 75 шықәса ахыҵра иазкыз Апарад, уи акоронавирус иахҟьаны лаҵара 9 аҟынтәи ари арыцхә ахь ииаган.

Ԥхынҷкәын 30 рзы Бжьаниа ҩаԥхьа Урыстәыла аҳҭнықалақь ахь дцеит усутә ныҟәарала, усҟан имҩаԥгаз аиҿцәажәарақәа ирылҵшәаны аҩтәылак рыбжьара аҳәаа аартразы аӡбамҭа рыдыркылеит.

Цәыббра 7 рзы Аԥсны ахада Аслан Бжьаниа Урыстәылатәи Афедерациа аҳҭнықалақь Москваҟа усутә ныҟәара ҳәа амҩа дықәлеит.

Москва, Аԥсни Аахыҵ Уаԥстәылеи рхадацәа Аслан Бжьаниеи Анатоли Бибилови Урыстәыла ахада Иусбарҭа анапхгаҩы ихаҭыԥуаҩ Дмитри Козаки Урыстәылатәи Афедерациа аекономикатә ҿиара аминистр актәи ихаҭыԥуаҩ Михаил Бабичи аиԥылара рыман.

15

Ажьиԥҳа еиҭалҳәеит Гагра ашколқәа рҿы СOVID-19 аганахьала рҭагылазаашьа зеиԥшроу

3
Гагра араион аҿы ашколқәа рҿы СOVID-19 аганахьала аҭагылазаашьа зеиԥшроу арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит араион аҵара аҟәша аиҳабы Мадина Ажьиԥҳа.

 

Раионк аԥсҭазаараҟынтә: Гагра ашколқәа рҿы СOVID-19 азы рҭагылазаашьа зеиԥшроу атәы

"Мшаԥымзеи ҳазҭагылоу лаҵарамзеи рзы аҭагылазаашьа хәыҷык аҽарцәгьеит. Иҳамоуп ашколқәа иҳаҩсыз амзазы классқәак ахьаркыз мчыбжьык–ҩымчыбжьа рыҩнуҵҟа. Ахәыҷқәеи арҵаҩцәеи рыбжьара иҟоуп аковид-чымазара злаҽыз. Иахьазы аҵара аминистрреи асанитартә епидемиологиатә станциеи рахь ашәҟы ҳашьҭит ҩымчыбжьа ирҭагӡаны Пицундатәи аҩбатәи ашколи Маҳадыртәи актәи ашколи рҿы аҵаратә процесс аанкылазарц аиҳабыратә классқәа рҟны, ҭыԥқәак рҿы алагарҭатә классқәа рҟынгьы. Пицундатәи аҩбатәи абжьаратә школ аҟны ааҩык арҵаҩцәа ачымазара ҿкы рымоуп, Маҳадыртәи ашкол аҟны - ԥшьҩык. Егьырҭ ашколқәа рҟны аҭагылазаашьа цәгьаӡам, макьана ҳабзиоуп", - лҳәеит Мадина Ажьиԥҳа.

 

Лара агәыӷра аалырԥшит ҳазҭоу амза 14 рзы еиԥш ичмазаҩхаз ргәы бзиахап ҳәа, ашколқәа рҟны аҵаратә процесс иацырҵартә аҭагылазаашьа ҭышәынтәалахап ҳәа. Ажьиԥҳа убасгьы илҳәеит иааиуа амзақәа рзы аҵаратә программа иахьӡоит ҳәа агәаанагара шрымоу, адистанциатә ҵаразы аԥышәа бзиа шрымоу, уи рхы иадырхәар шалшо.

Шәазыӡырҩы аудио.

Иара убас шәаԥхьар ҟалоит:

3

"Аԥсны агәалашәара ашәҟәы" иеизнагоит ахатәы Ԥсра зқәым архәҭа

3
(ирҿыцуп 18:59 06.05.2021)
Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Дуи 1992-1993 шықәсқәа рызтәи Аԥсны жәлар Рџьынџьтәылатә еибашьреи рлахәылацәа рыӡбахә аҳәара.

АҞӘА, лаҵара 6 – Sputnik. Ауаажәларратә еиҿкаара "Аԥсны аурыс уаԥшь" имҩаԥнагоит онлаин-акциа "Аԥсны Ԥсра зқәым архәҭа онлаин" Аиааира амш 76 шықәса ахыҵразы.

"Аԥсны Ԥсра зқәым архәҭа онлаин" алахәхара алшоит асоциалтә ҳа Facebook аҿы. Иахьазы агәыԥ иалахәуп 800-ҩык, аиҳарак Урыстәылеи Аԥсни руааԥсыра. Акциа мҩаԥгахоит апроект "Аԥсны агәалашәара ашәҟәы" аҳәаақәа ирҭагӡаны.

"Апроект шәҽалашәырхә. Еиқәшәырха ҳзеиԥш ԥсадгьыл зыхьчоз ауаа ргәалашәара. Апроект "Аԥсны агәалашәара ашәҟәы" асаит ахь иҭажәгалала иҭахаз, хабарда ибжьаӡыз рфотосахьақәа", - ҳәа ааԥхьара ҟанаҵоит ауаажәларратә еиҿкаара "Аԥсны аурыс уаԥшь".

Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Ду рлахәылацәа, 55,5 нызқьҩык Аԥсны аԥацәеи аԥҳацәеи: аԥсуаа, аурысқәа, аерманцәа, ақырҭцәа, абырзенцәа - рыӡбахә аҳәара, амырӡра.

Апроект "Аԥсны агәалашәара ашәҟәы" аԥҵан "Аԥсны аурыс уаԥшь", "Аԥсны иҟоу Амшынеиқәатәи аказақцәа рыр", "Аԥсны аказақцәеи аибашьра иалахәыз аказақцәа-аветеранцәеи Реидгыла", Аԥсни, Урыстәылеи, ДЖәРИ, ЛЖәРи рыбжьара аизыҟазаашьақәа рырҿиаразы Афонд "Отечество" раԥшьгарала, Аԥсны Атәылахьчара аминистрреи, В.Г. Арӡынба ихьӡ зху Ахьӡ-аԥша аҳәынҭқарратә музеи Аԥсны иҟоу Россотрудничество ахаҭарнакреи, Аԥсны иҟоу Урыстәыла Ацҳаражәҳәарҭеи рыдгыларала Аиааира ду 75 шықәса ахыҵра аламҭалаз.

Иара убас шәаԥхьар ҟалоит:

3