Аонлаин-проект "Учись в России" Аԥсны ахархәара ҟалоит

17
"Учись в России!" - рҵаратә порталуп, урыстәылатәи аҵараиурҭақәа рҭалара азырхиара иазкуп. Аонлаин-сервис ахархәара хәыдаԥсадоуп.

АҞӘА, жьҭаара 30 – Sputnik, Илана Амқәабԥҳа. "Учись в России!" -урыстәылатәи аҵараиурҭақәа рҭалара азырхиара иазку арҵаратә портал Аԥсны ауааԥсырагьы рхы иадырхәар алшоит, абри атәы иҳәеит Аԥсны иҟоу Россотрудничество ахаҭарнакра анапхгаҩы Вадим Чеха.

Апроект "Учись в России!" - онлаин сервисуп, еиуеиԥшым ахырхарҭақәа: ашколтә маҭәарқәа рцикл, аурыс бызшәа аҵара акурсқәа, ЕГЕ азыҟаҵара акурсқәа аҵанакуеит.

Чеха иажәақәа рыла апортал зхы иазырхәар зҭаху зегьы асервис рыҽҭарҩыроуп, ирҭаху ахырхарҭа алырхыроуп.

"Аурыс бызшәа акурсқәа еиуеиԥшым адыррақәа змоу рхы иадырхәоит. Аԥсны абызшәа апрофессионалтә ҩаӡара аиҳаракра акәхоит ҳәа сгәы иаанагоит еиҳа иактуалхо", - азгәеиҭеит Вадим Чеха.

Акурсқәа хаҭаха-хаҭала аиԥш гәыԥ-гәыԥлагьы рхысра ауеит. Еиуеиԥшым аинтерактивтә мыругақәа ахархәара рыҭахоит. Дара аҵаҩцәа реиԥш арҵаҩцәа рызгьы ихәарҭоуп.

"Еиуеиԥшым аматериалқәа рхархәара ҟалоит. Арҵаҩцәа ракәзар иахьатәи аамҭатә ҭагылазаашьа аҭахрақәа иреиуоу аформа ҿыц– адистанциатә ҵарала апроцесс аиҿкаараз ирзыхәарҭахоит", - азгәеиҭеит Чеха.

"Учись в России!" – Россотрудничество апроектқәа 27 ируакуп. Аус ауеит 46 ҳәынҭқарра рҿы. Россотрудничество иагәҭакуп асервис "Учись в России!" Аҳәаанырцә ааигәа атәылақәа ааба – Аԥсны, Азербаиџьан, Ермантәыла, Ҟазахстан, Киргизиа, Таџьикистан, Узбекистан, Аахыҵ Уаԥстәыла ахархәара аҭара.

Иара убас шәаԥхьар ҟалоит:

17

Ажьиԥҳа еиҭалҳәеит Гагра ашколқәа рҿы СOVID-19 аганахьала рҭагылазаашьа зеиԥшроу

6
Гагра араион аҿы ашколқәа рҿы СOVID-19 аганахьала аҭагылазаашьа зеиԥшроу арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит араион аҵара аҟәша аиҳабы Мадина Ажьиԥҳа.

 

Раионк аԥсҭазаараҟынтә: Гагра ашколқәа рҿы СOVID-19 азы рҭагылазаашьа зеиԥшроу атәы

"Мшаԥымзеи ҳазҭагылоу лаҵарамзеи рзы аҭагылазаашьа хәыҷык аҽарцәгьеит. Иҳамоуп ашколқәа иҳаҩсыз амзазы классқәак ахьаркыз мчыбжьык–ҩымчыбжьа рыҩнуҵҟа. Ахәыҷқәеи арҵаҩцәеи рыбжьара иҟоуп аковид-чымазара злаҽыз. Иахьазы аҵара аминистрреи асанитартә епидемиологиатә станциеи рахь ашәҟы ҳашьҭит ҩымчыбжьа ирҭагӡаны Пицундатәи аҩбатәи ашколи Маҳадыртәи актәи ашколи рҿы аҵаратә процесс аанкылазарц аиҳабыратә классқәа рҟны, ҭыԥқәак рҿы алагарҭатә классқәа рҟынгьы. Пицундатәи аҩбатәи абжьаратә школ аҟны ааҩык арҵаҩцәа ачымазара ҿкы рымоуп, Маҳадыртәи ашкол аҟны - ԥшьҩык. Егьырҭ ашколқәа рҟны аҭагылазаашьа цәгьаӡам, макьана ҳабзиоуп", - лҳәеит Мадина Ажьиԥҳа.

 

Лара агәыӷра аалырԥшит ҳазҭоу амза 14 рзы еиԥш ичмазаҩхаз ргәы бзиахап ҳәа, ашколқәа рҟны аҵаратә процесс иацырҵартә аҭагылазаашьа ҭышәынтәалахап ҳәа. Ажьиԥҳа убасгьы илҳәеит иааиуа амзақәа рзы аҵаратә программа иахьӡоит ҳәа агәаанагара шрымоу, адистанциатә ҵаразы аԥышәа бзиа шрымоу, уи рхы иадырхәар шалшо.

Шәазыӡырҩы аудио.

Иара убас шәаԥхьар ҟалоит:

6

"Аԥсны агәалашәара ашәҟәы" иеизнагоит ахатәы Ԥсра зқәым архәҭа

3
(ирҿыцуп 18:59 06.05.2021)
Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Дуи 1992-1993 шықәсқәа рызтәи Аԥсны жәлар Рџьынџьтәылатә еибашьреи рлахәылацәа рыӡбахә аҳәара.

АҞӘА, лаҵара 6 – Sputnik. Ауаажәларратә еиҿкаара "Аԥсны аурыс уаԥшь" имҩаԥнагоит онлаин-акциа "Аԥсны Ԥсра зқәым архәҭа онлаин" Аиааира амш 76 шықәса ахыҵразы.

"Аԥсны Ԥсра зқәым архәҭа онлаин" алахәхара алшоит асоциалтә ҳа Facebook аҿы. Иахьазы агәыԥ иалахәуп 800-ҩык, аиҳарак Урыстәылеи Аԥсни руааԥсыра. Акциа мҩаԥгахоит апроект "Аԥсны агәалашәара ашәҟәы" аҳәаақәа ирҭагӡаны.

"Апроект шәҽалашәырхә. Еиқәшәырха ҳзеиԥш ԥсадгьыл зыхьчоз ауаа ргәалашәара. Апроект "Аԥсны агәалашәара ашәҟәы" асаит ахь иҭажәгалала иҭахаз, хабарда ибжьаӡыз рфотосахьақәа", - ҳәа ааԥхьара ҟанаҵоит ауаажәларратә еиҿкаара "Аԥсны аурыс уаԥшь".

Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Ду рлахәылацәа, 55,5 нызқьҩык Аԥсны аԥацәеи аԥҳацәеи: аԥсуаа, аурысқәа, аерманцәа, ақырҭцәа, абырзенцәа - рыӡбахә аҳәара, амырӡра.

Апроект "Аԥсны агәалашәара ашәҟәы" аԥҵан "Аԥсны аурыс уаԥшь", "Аԥсны иҟоу Амшынеиқәатәи аказақцәа рыр", "Аԥсны аказақцәеи аибашьра иалахәыз аказақцәа-аветеранцәеи Реидгыла", Аԥсни, Урыстәылеи, ДЖәРИ, ЛЖәРи рыбжьара аизыҟазаашьақәа рырҿиаразы Афонд "Отечество" раԥшьгарала, Аԥсны Атәылахьчара аминистрреи, В.Г. Арӡынба ихьӡ зху Ахьӡ-аԥша аҳәынҭқарратә музеи Аԥсны иҟоу Россотрудничество ахаҭарнакреи, Аԥсны иҟоу Урыстәыла Ацҳаражәҳәарҭеи рыдгыларала Аиааира ду 75 шықәса ахыҵра аламҭалаз.

Иара убас шәаԥхьар ҟалоит:

3