Шамба Пицунда аепидемиологиатә ҭагылазаашьазы: аҳәаа анаадырт ашьҭахь рыҽдырԥсыҽит

© Sputnik / Томас ТхайцукТуристы в Пицунде
Туристы в Пицунде  - Sputnik Аҧсны
Анапаҵаҩра
Пицунда ахада иажәаәқа рыла азинхьчаратә усбарҭақәеи апрофильтә усҳәарҭақәеи ақалақь ауааԥсыра аԥкыратә уснагӡатәқәа шымҩаԥысуа иашьклаԥшуеит.

АҞӘА, жьҭаара 30 – Sputnik, Бадри Есиава. Пицунда ауааԥсыра ааԥынразы акоронавирустә инфекциа аламҵәаразы иаԥыз аԥкырақәа еиҳа ирықәныҟәон Урыстәылеи Аԥсни рҳәаа аадыртаанӡа ҳәа Sputnik акорреспондент изеиҭеиҳәеит Пицунда ахада Алхас Шамба.

"Хәажәкырамзазы ҳхы шаҳахьчози уажәы ҳшыҟоуи агеи ашьхеи рыбжьоуп, ачымазара еиҳа иҳалаҳаны ишыҟоугьы. Хәажәкыра, мшаԥы, лаҵара амзақәа акыр ихьанҭаз аамҭақәан, аха аҳәаа анаадырт ашьҭахь ауаа рыҽдырԥсыҽит. Урҭ аамҭақәа рзыхынҳәра уадаҩхеит", - иҳәеит Шамба.

Иара ишиҳәо ала Пицунд авирус зцәа иалоу ауаа рацәаӡам. Шамба уи ақалақь агеографиатә ҭагылазаашьа иаҿирԥшуеит. Иԥхьакырҭоуп.

"Ичмазцәо рацәам. Аӡәык-ҩџьак роуп Пицундантәи Гәдоуҭатәи ахәыәшәтырҭахь инанагахьоу. Атәыла ахада иҟаиҵаз ааԥхьара ҳадгыланы ҳахдырра ҳараҳкроуп. Асоциалтә дистанциа азгәаҭалатәуп, ауаа рацәа ахьеизо анеира аҽацәхьакра аҭахуп", - иҳәоит Шамба. 

Пицунда ахада иҳәеит азинхьчаратә усбарҭақәеи апрофильтә усҳәарҭақәеи ақалақь ауааԥсыра аԥкыратә уснагӡатәқәа шымҩаԥысуа иашьклаԥшуеит ҳәа, аха уи имариоу усны иҟам ҳәа азгәеиҭоит иара.

Аԥсны иахьазы акоронавирус рыдырбалахьеит 4126-ҩык. Урҭ рҟынтәи ргәы бзиахахьеит 2170-ҩык. Рыԥсҭазаара иалҵхьеит  38-ҩык.

Ажәабжьқәа зегьы
0