"Гагра" ашьапылампыл азы Аԥсны Ахраҿа анашьахеит

20
(ирҿыцуп 10:43 02.11.2020)
Ашьапылампыл азы Аԥсны Ахраҿазы афиналтә хәмарра мҩаԥысит астадион "Динамо" аҿы амҽыша, абҵара 1 азы. Аиԥылара мҩаԥыргон гәдоуҭатәи "Риҵеи" "Гагреи". Ахәмарра шымҩаԥысыз Sputnik аматериал аҿы.

Ахраҿа афинал ахь "Риҵа" неиит 2:0 ҳәа очамчыратәи "Ерцахә" иаиааины, "Гагра" – "Афон" 4:2 ҳәа иаиааины.

Бадраҟ Аҩӡба, Sputnik

Ахраҿаз ахәмарра

Ашьапылампылтә сезон аҵыхәтәантәи ахәмарра ахәаԥшразы астадион "Динамо" ахь имаҷҩымкәа ауаа неит. Аханатә "Риҵеи" "Гагреи" рыхәмарыҩцәа аинтерес зҵаз ахәмарра мҩаԥыргон, аха маҷк аԥыжәара рыман гаграа.

© Sputnik / Томас Тхайцук
"Гагра" ашьапылампыл азы Аԥсны Ахраҿа анашьахеит

Ажәыларақәа руак аан "Гагра" ахәмарыҩ импыл "Риҵа" амба иҭашәарц акагымхеит. Аԥхьатәи ампыл ҭаиршәит гәдоуҭатәи ахәмарыҩ Алмас Аҩардан, аномер 18. Ампыл амба арымарахьтәи аган иҭашәеит – 1:0.

Абри ашьҭахь адәаҿы аҭагылазаашьа аҽеиҭанакит. "Риҵа" еиҳа ампыл хылаԥшра азнауа иалагеит. "Гагра" аԥхьа иамаз аԥыжәара ацәыӡит. Ус шакәызгьы актәи атаим анҵәара жәаминуҭк шагыз гаграа рҽазыршәеит ампыл аҭаршәра, аха илҵшәадахеит.

© Sputnik / Томас Тхайцук
"Гагра" ашьапылампыл азы Аԥсны Ахраҿа анашьахеит

Атаим хада

Жьҭаара 25 рзы ихыркәшаз Аԥсны ачемпионат аҿы "Риҵа" аҩбатәи аҭыԥ ннакылеит 12 хәмарра рҿы 30 очко аманы. Иара убри аҟара очко аман аҟәатәи "Нарҭгьы".

Ачемпионат иреиӷьу акоманда ҳәа ахьӡ змоуз "Риҵа" иалшоз зегь ҟанаҵон ашьапылампыл азы атәыла Ахраҿа агаразы.

© Sputnik / Томас Тхайцук
"Гагра" ашьапылампыл азы Аԥсны Ахраҿа анашьахеит

"Гагра" акәзар аҵахара агәы иҭамызт. Еиуеиԥшым ажәыларақәа шымҩаԥыргозгьы "Риҵа" агәҽанызаара ду аманы ихәмаруан.

Гәдоуҭатәи акоманда амбахьчаҩ ахәмарра анҵәара 15 минуҭ шагыз илшеит ишәарҭаз ампыл амба авгара.

Аха ус шакәызгьы "Гагра" ахәмарыҩ Георги Дгебуаӡе илшеит ампыл ҭаршәны ахәмарра аиҟаратәра – 1:1.

Аҵыхәтәантәи ампыл амба иҭаиршәит гагратәи ашьапылампыласыҩ Никита Ашәба– 2:1. Ахәмаррагьы иара убри ала ихыркәшахеит.

© Sputnik / Томас Тхайцук
"Гагра" ашьапылампыл азы Аԥсны Ахраҿа анашьахеит

Иреиӷьу ахәмарыҩ ҳәа далкаан "Гагра" ашьапылампыласыҩ Георги Дгебуаӡе.

Аханатә Аԥсны Ахраҿаз еиндаҭлон аа-командак: "Нарҭ", "Динамо", "Ерцахә", "Риҵа", "Афон", "Самырзаҟан", "Гагра", "Саӡ".

20

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

11
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Аԥсны акоронавирус даҽа 28-ҩык ирыдырбалеит иҳаҩсыз уахыки-ҽнаки рыла

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 1 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 199-ҩык атестқәа рзыҟаҵан, урҭ рахьтә 28-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп - 21-ы.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 15-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау