Уборка урожая кукурузы

Аԥсны сынтәа аџьықәреи аҽаҩра еиҳауп ҵыԥх аасҭа

18
(ирҿыцуп 16:44 02.11.2020)
2019 шықәсазы еизган 12,5 нызқь тонна аџьықәреи, 2020 шықәса жьҭаара анҵәамҭазы Аԥсны иҭаргалахьеит 17,7 нызқь тонна.

АҞӘА, абҵара 2 – Sputnik. 2020 шықәса жьҭаара анҵәамҭазы Аԥсны иҭаргалахьеит 17,7 нызқь тонна аџьықәреи.

Очамчыра араион аҿы аҽаҩра бзиа ҭагалоуп ҳәа иҳәеит Очамчыра араион аграном хада Давид Ашәба.

"Сынтәа иазыԥхьагәаҳҭоит 6 700 тонна аҭагалара. Ииасыз ашықәс иадкыланы ари хыԥхьаӡара дууп. Ҵыԥх аџьықәреи лаҵан 1700 гектар рҿы, сынтәа – 3000 гектар", - иҳәеит Ашәба.

Аҭагылазаашьа убас ауп ишыҟоу егьырҭ араионқәа рҿгьы: Гал араион–5 000 тонна, Тҟәарчал араион аҿы илаҵан 950 гектар рҟны. Гәылрыԥшь араион аҿы макьана аҭагалара иалымгацт. Уаҟа илаҵан 600 гектар амхурсҭақәа. Иҭаргалахьеит 1500 тонна аџьықәреи.

"Ҵыԥх аасҭа 200-300 тонна рыла еиҳауп. Ахаҭабзиара акыр иҳаракуп. Аџьықәреи ахәышәтәразы ахәшәқәа шаны анхацәа ираҳҭеит. Аус бзианы иадыруылеит", - иҳәеит араион ақыҭанхамҩа аусбарҭа аиҳабы Рафик Григориан.

Аҟәа араион ақыҭанхамҩа аиҳабы Дамеи Ҭыжәба иажәақәа рыла, араион аҿы иазыԥшуп 200 тонна рҟынӡа. Аура абжеиҳара ҭагалоуп.

Ҩнызқь тонна рҟынӡа аџьықәреи аҭагалара азыԥхьагәарҭоит Гәдоуҭа араион аҿы сынтәа. Ари аҵыхәтәантәи ахәышықәсазы ирекорду рбагоуп.

"Ҩ-нызқь тонна рҟынӡа аџьықәреи аҭагалара азыԥхьагәаҳҭоит Гәдоуҭа араион аҿы 2020 шықәсазы. Ари аҵыхәтәантәи ахәышықәсазы ирекорду рбагоуп", - Sputnik акорреспондент изеиҭеиҳәеит араион ақыҭанхамҩатә усбарҭа аиҳабы Иури Кәарцхьиа.

Гәдоуҭа араион ақыҭанхамҩатә усбарҭа аиҳабы иазгәеиҭеит, сынтәа аџыьқәреи аиԥш егьырҭ ақыҭанхамҩатә ҽаҩрақәа зегьы рхаҭабзиара акыр ишыҳараку. Иара игәаанагарала уи зыхҟьаз ааԥынразы аҳауа +15 °С иахьеиҳамхоз ауп. Уахынлатәи ахьшәашәара амармалташь пты аҿиара иаԥырхаган.

Меркула ақыҭа инхо Ҭемыр Амқәаб иҳәоит уаанӡа еиҳа еиҵаны илаҵаны ишимаз.

"Уаанӡатәи ашықәсқәа рзы аԥсҭазаара аҽакала иҟан. Еиҳа имаҷны иласҵон. Сынтәа апандемиа акыр ҳаршәеит, иҟалаша аӡәгьы издырам. Аҳауатә ҭагылазаашьагьы бзианы иақәшәеит", - еиҭеиҳәоит иара.

Пицунда ахадара COVID-19 иадҳәаланы атуристтә сезон аԥсыҽраз хә-гектарк аџьықәреи ларҵеит, аха аарҩара аԥырхагахеит.

"Гал араион аҿы иааҳхәеит, хә-гектарк лаҳҵеит аха ибзиамхеит", - иҳәеит Пицунда ахада Алхас Шамба.

Гагра араион арбагақәа рзы аинформациа ҳмоуит араион ақыҭанхамҩа аусбарҭа акарантин азы иахьаркыз иахырҟьаны.

Аҟәа араион аҿы аурақәа рзеиԥш хышәаҵышәа – 110 гектар, Гәылрыԥшь араион – 600 гектар,  Очамчыра араион – 3,5 нызқь гектар,  Тҟәарчал араион– 950 гектар,  Гал араион – 2,5 нызқь гектар.

18

Абзиараз, ҭагалан: быӷькаԥсан Аԥсны

2
(ирҿыцуп 23:10 30.11.2020)
Ҭагалан аҵыхәтәантәи амш азы Sputnik еиднакылеит ԥштәы рацәала еиларсу ҳаԥсабара аазырԥшуа афотосахьақәа.

Ҭагалан аӡәырҩы бзиа ирбо аамҭоуп. Аԥсны ҭагалан аԥсабара убла хнакуеит. Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит. Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит. Аҳауаԥхарра +23°С, +25°С иҟоуп.

 

 

2
  • © Sputnik / Томас Тхайцук

    Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит.

  • © Sputnik / Томас Тхайцук

    Анҵамҭақәа рышьҭахь лхәыҷра ахьылхылгаз абаҳчаҟны днаиааиуеит Sputnik акорреспондент Илана Амқәабԥҳа.

  • © Sputnik / Томас Тхайцук

    Акәыкәбаа ҟәшәара иаамҭоуп ҭагалан.

  • © Sputnik / Томас Тхайцук

    Аԥсабара аԥшәқәа убла хнакуеит.

  • © Sputnik / Томас Тхайцук

    Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит.

  • © Sputnik / Томас Тхайцук

    Ага, ашьха бӷьы иаҵәароуп,
    Бӷьы иаҵәароуп иахьабалак.
    Аҳауа зҩыда гәыҟаҵагоуп,
    Амра сыцуп сахьцалак. Сергеи Агындиа.

  • © Sputnik / Томас Тхайцук

    быӷькаԥсан Аԥсны

  • © Sputnik / Леон Адлейба

    Ԥштәы рацәала иҩычоуп ҳаԥсабара.

  • © Sputnik / Томас Тхайцук

    Абыӷьқәа "ирылху" ауарҳалқәа ана-ара абаҳчақәа рҟны иуԥылоит.

  • © Sputnik / Томас Тхайцук

    Макьана аԥхынреиԥш ишыԥхарроугьы, амшынҭалара аамҭа макьана ишхыркәшамгьы.

  • © Sputnik / Акоп Кущян

    Аҳауаԥхарра +23°С, +25°С иҟоуп.

  • © Sputnik / Томас Тхайцук

    Жьҭаарамзазы ахьагьы ҟалоит.

  • © Sputnik / Акоп Кущян

    Ашьхарахь асы леихьеит.

Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

7
Аҟәа ахадара ариаҵәаратә усбарҭа агроном хада Гоча Џьынџьал арадио Sputnik аефир аҟны еиҭеиҳәеит арҭ амшқәа рзы имҩаԥырго аусурақәа ртәы.
Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

"Аԥхьа инаргыланы ҳаибашьцәа анышә иахьамадоу апарк аҟны еиҭаҳҳаит 65 шьапы аԥсаҵлақәа, акамфортә ҵлақәа -13. Аҵлақәа ӡынгьы-ԥхынгьы аиаҵәара амоуп, ашәшьыра ҟанаҵоит. Ҳгәаанагарала ҳажәларгьы ргәы иаҳа иаахәар ҟалоит. Ирацәахеит уаҟа ихыԥсааз аҵлақәа. Убасгьы, администрациа аҿаԥхьа иҟоу апарк аҟны еиҭаҳахоит аҵлақәа, уаҵәы-уаҵәашьҭахь афилармониа ааигәа еиҭаҳҳараны ҳаҟоуп, аҵлақәеи аҵиаақәеи рзы аҭыԥқәа ҳархиахьеит Баграт Шьынқәба ихьӡ зху апарк аҟны, насгьы амшын аԥшаҳәа иахьагу аҵлақәа еиҭаҳҳарц ауп. Сынтәа, 165 ҵла иреиҳаны еиҭаҳҳауеит, уаҳа изалҵуам, аха аԥхьаҟа ҳгәыӷуеит даҽа 500 шьапы реиҭаҳара ҳалшап ҳәа. Амагнолиақәеи, аԥсақәеи, акамфортә ҵлақәеи, османтусқәеи роуп, аҵлақәа очамчырантәи иааҳгеит, агәыӷра ҳамоуп урҭ аднакылап ҳәа", - иҳәеит Џьынџьал.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7