Очамчыратәи ахәышәтәырҭа аковидтә блок амедицинатә ҩнымаҭәала еиқәыршәоуп

9
Аԥсны иахьаҵанакуа иаарԥшу акоронавирус змоу ауаа рхыԥхьаӡара ԥшьнызқьи бжаки инеиуеит, ргәабзиара ҭышәынтәалахьеит ҩнызқьи бжаки, рыԥсҭазаара иалҵхьеит 43.

АҞӘА, абҵара 3 - Sputnik. Очамчыратәи араионтә хәышәтәырҭа апалатақәа медицинатә ҩнымаҭәала еиқәыршәоуп ҳәа аанацҳауеит Агәабзиарахьчара аминистрра апресс-маҵзура.

"Атәыла аиҳабыра ахәышәтәырҭазы иаархәеит 20 медицинатә каруаҭ, 20 адақә хәыҷқәа (тумбочки), 50 иарамаҭәа, 20 гәабан, акапельницақәа рзы 20 штатив. Иара убасгьы иахәҭоу зегьы аахәоуп ахәышәтәырҭа акрыфарҭазы", - аҳәоит адырраҭараҿы.

Ахәышәтәырҭа аҳақьым хада Мадонна Кьышьмариаԥҳа ишылҳәо ала ацхыраара амедперсонал рџьабаа армариоит, апациентцәа рыхәышәтәра еиҳа иҭышәынтәалоит.

"Арыԥҳачымазара змоу ауаҩы мгәацәаха диазароуп. Уи азы амедицинатә каруаҭқәа акыр иманшәалоуп", - лҳәоит лара.

Кьышьмариаԥҳа иара убасгьы илҳәеит амедицинатә усзуҩцәа уахи-ҽни неиԥшьны руал шынарыгӡо.

"Мышкы ахы-аҵыхәала 30-ҩык рҟынӡа гәаҳҭоит. Ҳколлектив ибзианы еилыркаауеит ауадаҩрақәа иҟоу. Дара есыҽны рыхгьы, рҭаацәагьы ашәарҭара иҭадыргылоит, аха аӡәгьы дгәынқьуа дубом, дасу рус ҟарҵоит", - лҳәоит Кьышьмариаԥҳа.

Аминистрра адырра ҟанаҵоит COVID-19 змоу рыдкыларазы араионтә хәышәтәырҭақәа рҿы имҩаԥысуа аҽазыҟаҵарақәа рзы.

Убас, COVID-пациентцәа рҭыԥ азырхиоуп Аҟәатәи аҿкчымазаратә хәышәтәырҭаҿы, Гагреи Очамчыреи рыхәышәтәырҭа хадақәа рҿы, апансионат "Аиҭар" аҿы.

Аиара-ҭыԥ цҵақәа Аԥсны еиҿкаауп атәыла ахада иусдҵеи акоординациатә штаб аӡбреи инақәыршәаны. Гәдоуҭатәи ацентр ахь инарышьҭуа ачымазцәа ӷәӷәақәа роуп.

Иара убас шәаԥхьар ҟалоит:

9
Атемақәа:
Ачымазара ҿкы – акоронавирус Аԥсни адунеи аҿи: иалкаау (881)

Абзиараз, ҭагалан: быӷькаԥсан Аԥсны

2
(ирҿыцуп 23:10 30.11.2020)
Ҭагалан аҵыхәтәантәи амш азы Sputnik еиднакылеит ԥштәы рацәала еиларсу ҳаԥсабара аазырԥшуа афотосахьақәа.

Ҭагалан аӡәырҩы бзиа ирбо аамҭоуп. Аԥсны ҭагалан аԥсабара убла хнакуеит. Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит. Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит. Аҳауаԥхарра +23°С, +25°С иҟоуп.

 

 

2
  • © Sputnik / Томас Тхайцук

    Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит.

  • © Sputnik / Томас Тхайцук

    Анҵамҭақәа рышьҭахь лхәыҷра ахьылхылгаз абаҳчаҟны днаиааиуеит Sputnik акорреспондент Илана Амқәабԥҳа.

  • © Sputnik / Томас Тхайцук

    Акәыкәбаа ҟәшәара иаамҭоуп ҭагалан.

  • © Sputnik / Томас Тхайцук

    Аԥсабара аԥшәқәа убла хнакуеит.

  • © Sputnik / Томас Тхайцук

    Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит.

  • © Sputnik / Томас Тхайцук

    Ага, ашьха бӷьы иаҵәароуп,
    Бӷьы иаҵәароуп иахьабалак.
    Аҳауа зҩыда гәыҟаҵагоуп,
    Амра сыцуп сахьцалак. Сергеи Агындиа.

  • © Sputnik / Томас Тхайцук

    быӷькаԥсан Аԥсны

  • © Sputnik / Леон Адлейба

    Ԥштәы рацәала иҩычоуп ҳаԥсабара.

  • © Sputnik / Томас Тхайцук

    Абыӷьқәа "ирылху" ауарҳалқәа ана-ара абаҳчақәа рҟны иуԥылоит.

  • © Sputnik / Томас Тхайцук

    Макьана аԥхынреиԥш ишыԥхарроугьы, амшынҭалара аамҭа макьана ишхыркәшамгьы.

  • © Sputnik / Акоп Кущян

    Аҳауаԥхарра +23°С, +25°С иҟоуп.

  • © Sputnik / Томас Тхайцук

    Жьҭаарамзазы ахьагьы ҟалоит.

  • © Sputnik / Акоп Кущян

    Ашьхарахь асы леихьеит.

Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

7
Аҟәа ахадара ариаҵәаратә усбарҭа агроном хада Гоча Џьынџьал арадио Sputnik аефир аҟны еиҭеиҳәеит арҭ амшқәа рзы имҩаԥырго аусурақәа ртәы.
Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

"Аԥхьа инаргыланы ҳаибашьцәа анышә иахьамадоу апарк аҟны еиҭаҳҳаит 65 шьапы аԥсаҵлақәа, акамфортә ҵлақәа -13. Аҵлақәа ӡынгьы-ԥхынгьы аиаҵәара амоуп, ашәшьыра ҟанаҵоит. Ҳгәаанагарала ҳажәларгьы ргәы иаҳа иаахәар ҟалоит. Ирацәахеит уаҟа ихыԥсааз аҵлақәа. Убасгьы, администрациа аҿаԥхьа иҟоу апарк аҟны еиҭаҳахоит аҵлақәа, уаҵәы-уаҵәашьҭахь афилармониа ааигәа еиҭаҳҳараны ҳаҟоуп, аҵлақәеи аҵиаақәеи рзы аҭыԥқәа ҳархиахьеит Баграт Шьынқәба ихьӡ зху апарк аҟны, насгьы амшын аԥшаҳәа иахьагу аҵлақәа еиҭаҳҳарц ауп. Сынтәа, 165 ҵла иреиҳаны еиҭаҳҳауеит, уаҳа изалҵуам, аха аԥхьаҟа ҳгәыӷуеит даҽа 500 шьапы реиҭаҳара ҳалшап ҳәа. Амагнолиақәеи, аԥсақәеи, акамфортә ҵлақәеи, османтусқәеи роуп, аҵлақәа очамчырантәи иааҳгеит, агәыӷра ҳамоуп урҭ аднакылап ҳәа", - иҳәеит Џьынџьал.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7