Аԥсны Асанепидемстанциа алабораториа еиԥҟьарада афымцалашара аиулоит

19
(ирҿыцуп 09:39 05.11.2020)
Уахыки-ҽнаки рыла аҟәатәи абактериологиатә лабораториаҿ 400 рҟынӡа ҭҵаара мҩаԥыргоит.

АҞӘА, абҵара 5 – Sputnik, Бадраҟ Аҩӡба. Аԥсны асанитар-епидемиологиатә маҵзура алабораториа 40 киловатт иҟоу дизельтә генераторла еиқәыршәахеит ҳәа иҳәеит алабораториа аиҳабы Асҭан Аҩӡба.

Агенератор Асанепидемстанциа ианаҭеит ООН аҿиара апрограмма.

"Адизельтә генератор ада ҳхәарҭамкәа ҳаҟан. Уажәы, ихьҭахо ианалаго афымцалашара арцәара иалагашт. Убри азы агенератор ҳҭахын. Уажәы аҟазауаа иара ақәыргылара аус адыруылоит. Иахьа-уаҵәы русурақәа хдыркәшоит. Афымцалашара аганахь ала еиԥҟьарак ҟалар ҳхы иаҳархәалоит", - иҳәеит иара.

Алабораториа еиԥҟьарада аус ауларц, еиԥҟьарада алашарагьы амазароуп ҳәа азгәеиҭеит Аҩӡба.

Апандемиа иаалагазар аиҿкаара Аԥсны 48 550 доллар рыхәԥса ацхыраара анаҭахьеит. Апрограмма Аԥсныҟа иаанагахьеит арыԥҳақәа иԥсабаратәымкәааҳауа рҭарсгақәа ҩба.

ПРООН Аԥсны имҩаԥнаго апрограммақәа зегьы мҩаԥысуеит Евроеидгылеи ООНи напхгара зырҭо акоординациатә механизм ала.

Абҵара 5 2020 шықәсазы иазыԥхьагәаҭоуп 6 000 рҟынӡа сабрадеи амедицинатә персонал рзи аинфраҟаԥшь термометрқәеи аагара.

19

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

0
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0

COVID-19 змоу апациентцәа рзы Гагратәи ахәышәтәырҭаҿы аҟәша ҷыдақәа аадыртуеит

1
(ирҿыцуп 15:38 23.11.2020)
Абҵара алагамҭаз Гагратәи ахәышәтәырҭа ахәыҷтәы ҟәшаҿы иазырхиан акоронавирустә инфекциа змоу рзы аҭыԥқәа.

АҞӘА, абҵара 23 - Sputnik, Бадри Есиава. Акоронавирустә инфекциа змоу рзы ахәышәтәырҭа актәи аихагылаҿы 18 ҭыԥ аздырхиоит ҳәа иҳәеит аҳақьым хада Виачеслав Аргәын.

"Амчыбжь нҵәаанӡа иазыԥхьагәаҳҭоит авирус змоу ачымазцәа рзы аҩбатәи аҟәшагьы аартра. Аҭыԥ-цҵақәа еиҿаҳкаауеит ахәышәтәырҭа актәи аихагылаҿы, уаанӡа аҿкчымазаратә ҟәша ахьыҟаз", - иҳәеит иара.

Аргәын иара убасгьы иҳәеит апациентцәа рыдкыларазы аҟәша ҿыц еиҭакын: хазтәи аҩналарҭа, ачымазцәеи аҳақьымцәеи рзы хаз-хазтәи ашьышьмаҭрақәа еиҿкаан. Убри аан иара игәаанагарала аӡынра ааир арҭ аҭыԥқәа азымхар ҟалоит.

Абҵара 23 азтәи адыррақәа рыла ахәышәтәырҭа иҭоуп 33 пациент адиагноз COVID-19 ззышьақәыргыло.

Иахьазы Аԥсны иаарԥшуп акоронавирус змоу 5380-ҩык. Ргәы бзиахахьеит 3616-ҩык. Рыԥсҭазаара иалҵит 68-ҩык.

Иара убас шәаԥхьар ҟалоит:

1
Атемақәа:
Ачымазара ҿкы – акоронавирус Аԥсни адунеи аҿи: иалкаау