Открытие монографической выставки Симон Ушаков - царский изограф

Аԥсны иреиӷьу афотожурналистцәа алыркаауеит

120
(ирҿыцуп 18:05 05.11.2020)
2021 шықәса лаҵарамзазы имҩаԥысраны иҟоуп аиндаҭлара "Абхазия в фокусе" иреиӷьу аусумҭақәа рцәыргақәҵа.

АҞӘА, абҵара 5 – Sputnik. Аҩбатәи Афотоеиндаҭлара "Абхазия в фокусе. Из 20-го в 21-й" абҵарамзазы имҩаԥысуан ҳәа арадио Sputnik иазеиҭалҳәеит аидеиа автор, амҩаԥгаҩ, Очамчыра араион ахадара аҿари аспорти рыҟәша аиҳабы ихаҭыԥуаҩ Фаина Кандратиева.

"Актәи аиндаҭлара ашьҭахь планс иҳаман иреиӷьу аусумҭақәа рцәыргақәҵа амҩаԥгара, аха апандемиа ҳагәҭакқәа аԥсахит. Иҳаӡбеит ааԥынрахь иахаагарц, аҭагылазаашьа анеиӷьхо. Ҳара актәи афотоеиндаҭлара хҳаркәшеит ишахәҭаз аиԥш: адипломқәа, аҳаҭыртә шәҟәқәа, аҳамҭақәа Гран-при ҳшеит", - еиҭалҳәоит лара.

Аҩбатәи аиндаҭлара афотожурналистика ажанр иазырхоуп. Иара аҳәаақәа ирҭагӡаны алахәылацәа ирыдгалоуп еиуеиԥшым аноминациақәа: "ажәабжьқәа", "есҽнытәи аԥсҭазаара", "иааҳакәыршаны иҟоу аԥсабара", "ҳаамҭауаҩ ипатреҭ". Афотосахьақәа ркьыԥхьлоит Instagram, Facebook, Vk уҳәа аиндаҭлара адаҟьақәа рҿы.

2021 шықәса лаҵарамзазы имҩаԥысраны иҟоуп аиндаҭлара "Абхазия в фокусе" иреиӷьу аусумҭақәа рцәыргақәҵа. Рыхьӡқәа рыларҳәоит иалкаахаз, Гран-при занашьахо.

"Афотоцәыргақәҵахь инагахоит 80 усумҭа, актәии аҩбатәии аиндаҭларақәа рҿы иалкааз. Иалкаахоит иахьатәи Аԥсны аԥсҭазаара еиҳа еиӷьны иузырбо. Ҳаиндаҭлара иахықәкуп иахьатәи ҳаԥсҭазаара, ҳинтересқәа, ҳҭахрақәа  раарԥшра", - лҳәеит Кондратьева.

Лара илҳәеит иаарышьҭуа аусумҭақәа рганахь ала аҭаххарақәа аиндаҭлара  Facebook аҿтәи адаҟьаҿы ишаныло. Есымза ажиури балла ишьақәдыргылалоит ареитинг аԥыжәаҩцәа.

Ацәыргақәҵа мҩаԥысуеит агәыҳалалратә фонд "Амшра" афинанстә цхыраарала.

Афотоеиндаҭлара ажиури иалахәхоит: Павел Волков (Урыстәыла), Тьерри Кергроак (Франциа), Витали Џьениа (Аԥсны), Инар Нарманиа (Аԥсны), Асида Аҳәԥҳа (Аԥсны), Амина Џьонуаԥҳа (Аԥсны).

Аусумҭақәа рыдыркылалоит хәажәкыра 15, 2021 шықәсанӡа.

120

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

0
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

0
Атемақәа:
Ачымазара ҿкы – акоронавирус Аԥсни адунеи аҿи: иалкаау