Аԥсны Аексперименталтә патологиеи атерапиеи ринститут аҟны аимҳәаршәааз алаҵа ԥыршәоит

11
(ирҿыцуп 13:24 06.11.2020)
10 шықәса инарзынаԥшуа Аԥсны аексперементалтә паталогиеи атерапиеи рнаука-ҭҵаарадырратә Институт аус ацнауеит Н.Ф. Гамалеиа ихьӡ зху урыстәылатәи анаукатә Центр.

АҞӘА, абҵара 6 – Sputnik. Аԥсны аексперименталтә патологиеи атерапиеи рнаука-ҭҵаарадырратә Институти Н.Ф. Гамалеиа ихьӡ зху урыстәылатәи анаукатә Центри аимҳәаршәаазы алаҵа аус адыруылоит ҳәа еиҭалҳәеит Аԥсны НИИЕПиТ адиректор ихаҭыԥуаҩ Алиса Матуаԥҳа.

"Аԥхьатәи алаҵа аимҳәаршәаа ахҽра иазку лаҵоуп. Жәашықәса раԥхьа аҭҵаарақәа рымҩаԥгара ҳалагеит", - еиҭалҳәоит лара.

Матуаԥҳа лажәақәа рыла аицусура иахықәкны иҟоуп алаҵа ашәарҭадареи аиммунтә ҟазшьақәеи рыҭҵаара. Модельк аҳасаб ала ахархәара рырҭоит амаамынқәа.

"Аклиникаԥхьатә етап қәҿиарала ихыркәшоуп. Алаҵа шшәарҭам, хра аманы ахы шаанарԥшуеи шьақәырӷәӷәоуп", - лҳәоит лара.

Иахьазы Урыстәыла аклиникатә етапқәа ҩба ирхысуп, уажәы ахԥатәи аетап аус аураны иҟан, аха акоронавирустә ҭагылазаашьа иахырҟьаны иаанкылоуп.

"Ахԥатәи аетап хҳаркәшахьазар акәын аха адунеи аҿы имҩаԥысуаа хҭысқәа ҳԥырхагахеит. Ус шакәугьы ҳусура аанкылам. Иаҳхысыз амзазгьы ҳколлегацәа ааны иҟан, аусурақәа еицымҩаԥаагон. Лаҵак аганахь ала аклиникатә етап хыркәшоуп",- лҳәоит лара.

Урыстәыла адуцәа рҿы иԥыршәо аклиникаԥхьатә ахԥатәи аетап инаваргыланы НИИЕПиТ аҿы имҩаԥыргоит  ҿыц ииз агамадрилқәа алаҵа рзыҟаҵара. Аҭакқәа хра рыманы иаарԥшхар алаҵа аҿыцира хәыҷқәа рзыҟаҵара шауазы ажәалагалақәа ҟаҵахоит.

Есышықәса адунеи аҿы иазгәарҭоит миллионҩыла ауаа аимҳәаршәаа иахҟьаны рыԥсра. Ахәыҷқәа рыԥсра зыдҳәало аҿкчымазарақәа рыгәҭа аимҳәаршәаа афбатәи аҭыԥ ннакылоит.

11

Абҵарамза 25 рзы Аҟәа ахәҭак ӡыда иаанхоит

3
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

3

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

2
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

2
Атемақәа:
Ачымазара ҿкы – акоронавирус Аԥсни адунеи аҿи: иалкаау