Аӡын рҽазыҟарҵоит: Бзыԥҭа аҳабла амҩа хадаҿы аиҿкааратә усурақәа мҩаԥысуеит

278
(ирҿыцуп 11:08 07.11.2020)
Бзыԥҭа аҳабла ацҳа инаркны Пицунда абжьаларҭанӡа амҩа хадаҿы атехника ҷыда ахархәарала аиҿкааратә усурақәа нап дыркуп.

Бзыԥҭа, абҵара 7 - Sputnik. Саида Жьиԥҳа. Бзыԥҭа аҳаблаҿы нап аркын акыр шықәса игәыгәҭажьыз амҩа хада аӡцарҭақәа ррыцқьареи, афымцамҩангагатә цәаҳәақәа лассы-лассы аԥхасҭа рызҭалоз иҩаз аҵлақәа рымахәқәа ахырҿҿареи, абри атәы Sputnik иазеиҭеиҳәеит аҳабла ахада Едгар Кьетиа.

Бзыԥҭа ацҳа инаркны Пицунда абжьаларҭанӡа ԥшь-километрак ыҟоуп. Ахҵәаха аӡцарҭақәа махәҿыла арыцқьарақәа мҩаԥыргоит. Едгар Кьетиа игәы иаланы иҳәоит, амашьынаныҟәцаҩцәеи, апассаџьырцәеи аӡәырҩы ргәамсам аԥенџьыр аҟнытә ишкарыжьуа. Урҭ аӡцарҭақәа ирҭаҳауа, хахьла аҵиаақәа рықәиаауа ианалагалак, хымԥада арыцқьараан аџьабаа убоит.

© Sputnik / Саида Жиба
Бзыԥҭа аҳабла ахадара амҩа хадаҿы аиҿкааратә усурақәа мҩаԥнагоит

"Аҭагылазаашьа схы иархәаны амашьынаныҟәцаҩцәеи, апассаџьырцәеи рахь аҳәара ҟасҵоит ргәамсам иахьахәҭоу икарыжьарц. Изныкымкәа иҟалахьеит амҩахь идыршәуа аԥҽыха иалху аԥаҭлыка, ирышьҭанеиуа атранспорт ааха ананаҭахьоу. Адәаҿы имбаауаа амаҭәарқәа ҳара ҳхала, напыла иҟәшәаны икаҳажьуеит. Аха есыҽны хымдыррала зхы аазырԥшуа ҳшәышьҭанеиуа шәгәамсам ҳзышьҭхӡом. Иҟалозар ишәымхәаҽын ҳаԥсабара»", - иҳәеит аҳабла ахада.

Афинансқәа амаҷра иахҟьаны арыцқьарақәа ирыдырԥхьало ауаа рыцәмаҷхеит, уи азы аҳабла ахада Едгар Кьетиа хаҭала ихы рылаирхәоит. Схаҭагьы срыдгылар акәхеит махәҿыла аус зуа, сара саннеи сҩызцәагьы сывагылеит, иҳәеит иара.

Аӡынтәи аамҭазы, аԥшацәгьақәа асуа ианалаго, иара Бзыԥҭа уеизгьы лассы-лассы аԥша аҿоуп, амҩа хада иаԥну аҵлақәа рымахәқәа анхжәалак афымцатә цәаҳәақәа ԥырыҵәҵәоит. Усҟан, аусбарҭақәа жәпакы алархәны, азеиԥш транспорт аанкыланы, амахәқәа еилыхны ацәаҳәақәа рҭыԥ иқәҵатәуп. Абарҭқәа раԥырҟәҟәааразы, шықәсы рацәала еилыхымыз аҵла ҳаракқәагьы рхырҿҿаара иаҿуп аҳабла ахадара.

"Гагра араион ахадара аиҳабы инапынҵақәа назыгӡо Иури Хагәышь ицхыраарала, Бзыԥҭаҟа аҳәара аныҟаҳҵо иаҳзаарышьҭуеит атехника ҷыда. Уи ҳхы иархәаны амҩа хада иаԥну аҵлақәа еилаҳхуеит. Ишәгәалашәозар ҟалап, шаҟантәи аҵлақәа анхжәо афымцамҩангагатә цәаҳәақәа ааха роухьоу. Анцәа ҳаихьчоит акәымзар, ауаа рганахь алагьы машәыр ҟалар ауеит. Абарҭқәа зегьы ҳрызхәыцны излаҳалшо ала аиҿкааратә усурақәа нап аҳаркит", - еиҭеиҳәоит Едгар Кьетиа.

Иара иажәақәа рыла, Бзыԥҭа ацҳа инаркны Пицунда абжьаларҭанӡа жәаба рҟынӡа агәамсамҭрақәа рышьақәыргылара ргәы иҭоуп. Убас, иахьа аус зымуа 40 инарзынаԥшуа амҩа иаԥну афымцатә шьаҟақәа рыԥсахра азԥхьагәарҭеит.

Иара убас шәаԥхьар ҟалоит:

278

Аԥсны арратә комиссар: иахьа аррамаҵзура ахысра аҳаҭыр лаҟәит

5
Аԥсны аррамаҵзурахь инарыԥхьоит 18 – 27 шықәса зхыҵуа. Ҭагалантәи арранаԥхьаратә ауснагӡатә аан 2020 шықәса рзы аррахь инаԥхьан 330-ҩык.

АҞӘА, абҵара 30– Sputnik. Ҭагалантәи арранаԥхьаратә кампаниа аҳәаақәа ирҭагӡаны аԥсуа ар рахь инаԥхьахоит 65 процент ҳәа арадио Sputnik иазеиҭеиҳәеит Аԥсны арратә комиссар Беслан Ҭарба.

"Ари хыԥхьаӡара маҷуп. Ҵыԥхгьы ус акәын ишыҟаз.  Аҿар аррамаҵзура рацәак ргәы аҳәом. Сгәанала ахара зду аҭаацәа роуп. Изныкымкәа иҩынтәымкәа анаԥхьара раҳамҭакәа акомиссиахь иааиуам", - иҳәоит иара.

Ҭарба иажәақәа рыла аҿар абжьаратә школ ашьҭахь иреиҳау аҵарахь рхы дырхоит.

"Аррамаҵзура аҳаҭыр лаҟәит. Ирацәаҩуп иреиҳау аҵараиурҭақәа ирҭало. Бакалавриат ашьҭахь амагистратуахь ицоит, нас –аспирантурахь. Абарҭ рышьҭахь шықәсыла арра иаҵанакуам", - иҳәоит иара.

Ҭарба иажәақәа рыла арра мап ацәызкуа рганахь ала азакәан рӷәӷәатәуп. Иахьазы ахараԥса 300 мааҭ артәоит.

Арратә комиссар иҳәоит ҿарԥас аепидемиологиатә ҭагылазаашьа ҟазҵо шыҟоу, аха ар рҿы аԥкырақәа зегьы ирықәныҟәоит ҳәа азгәеиҭоит иара.

Арратә комиссар иажәақәа рыла 2020 шықәсазы ҭагалантәи арранаԥхьара жьҭаарамзазы иалагар акәын, аха аепидемилогиатә ҭагылазаашьа аицәахара иахҟьаны абҵарамзахь ииаган. Ауснагӡатә хыркәшахоит ԥхынҷкәын 22 рзы, аха аусқәа шцо ала аамҭа инахахоит.

Жьҭаара 1 азы атәыла ахада Аслан Бжьаниа 2020 шықәса жьҭаара-ԥхынҷкәын рзы атәылауаа арра рнаԥхьарази арра иҟоу роушьҭрази аусдҵа инапы аҵеиҩит.

Аԥсны аррамаҵзурахь инарыԥхьоит 18 – 27 шықәса зхыҵуа.

5
Беслан Джопуа

Џьапуа еиҭеиҳәеит Аԥсни Урыстәыла рқыҭанхамҩатә усҳәарҭақәа русеицура шыҟоу

2
Абҵара 27 рзы Аҟәа имҩаԥысит Аԥсни Урыстәылеи рқыҭанхамҩатә усҳәарҭақәа рхаҭарнакцәа инеиҵыху реиԥылара. Аҩ-ганк рыӡбамҭақәа ртәы арадио Sputnik аефир аҟны еиҭеиҳәеит Аԥсны ақыҭанхамҩа аминистр Беслан Џьапуа.
Атәылауаҩи аиҳабыреи: Џьапуа Урыстәыла ақыҭанхамҩа аминистрра ахаҭарнакцәа раара иазкны

"Урыстәыла ақыҭанхамҩа аминистр актәи ихаҭыԥуаҩ напхгара зиҭоз аделегациеи ҳареи ҳаиԥылара зыхҟьаз ааигәа имҩаԥысыз Аԥсни Урыстәылеи ахадацәа реиқәшәара ауп. Аԥсны аҭагылазаашьа еилкааны, ацхыраара ахьаҳҭаху аусеицура иазкын аилацәажәара. 2018-19 шықәсқәа рзы иҟан апроектқәа Урыстәыла абанкқәа Аԥсны ақыҭанхамҩазы аԥара ззоурыжьыз апроектқәа, игәаҳҭеит аобиектқәа, иҟоуп иргәаԥҳаз иара убас иргәамԥхаз. Урҭ ахьархәразы акәӡам изааз, аиҵахарақәа ыҟазар изыхҟьаз аилкаара, ацхрааразы ауп", - иҳәеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2

Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп

4
Асиа шьақәыргылоуп 2021 шықәса аԥхынра аԥсшьаразы заанаҵтәи аҿаҵарақәа рбаза адыррала.

АҞӘА, абҵара 30 - Sputnik. Аԥсны 2021 шықәса аԥхынразы еиҳа заа иаҿарҵо аҭыԥқәа ирылахәуп ҳәа аанацҳауеит аԥсшьаразы анхарҭақәа рҿаҵаразы амаҵзура Tvil.ru.

Аԥснеиԥш иара убасгьы аԥыжәара рымоуп: Ҟрым, Краснодартәи атәылаҿацә, Санкт-Петербурги Ленинградтәи аобласти, Карелиа.

  • Ҟрым - 35 %
  • Краснодартәи атәылаҿацә- 30%
  • Ленинградтәи аобласти Санкт-Петербурги - 15%
  • Аԥсны - 7%
  • Карелиа - 3%

Tvil.ru адыррақәа рыла 2021 шықәсазтәи аҿаҵарақәа 20 процент икаҳаит 2020 шықәсазтәиқәа ирҿырԥшны.

Атуристцәа хынтәны еиҵаны аҿаҵарақәа ҟарҵеит ҵыԥхтә иаҿырԥшны. Убри аан уахыки-ҽнаки рзы ахәԥса 11 процент ихаланы 3025 мааҭ артәеит хҩык рзы шьыжьхьада. Убри аан аотельқәа рҿы аԥсшьара аҭаххара 7 процентк иазҳаит.

Tvil.ru: ишаҳәо ала атуристцәа макьаназ аҭагылазаашьа зеиԥшрахо иазыԥшуп.

Иара убас шәаԥхьар ҟалоит:

4