"Ари аҩыза ақәҿиара аӡәгьы имамызт": РУСДРАМ новгородтәи афестиваль иалахәын

13
(ирҿыцуп 16:38 09.11.2020)
Фиодор Достоевски ироман ала иқәыргылоу аспектакль "Ахәмарыҩ" РУСДРАМ аҿы аԥхьарбара мҩаԥысит 2018 шықәса рзы.

АҞӘА, абҵара 9 – Sputnik. Искандер ихьӡ зху аурыс драматә театр абҵара 8 рзы аспектакль "Ахәмарыҩ" рыманы иқәгылеит Достоевски Жәларбжьаратәи итеатртә фестиваль аҿы, абри атәы Sputnik иазеиҭеиҳәеит атеатр адиректор хада Иракли Хынҭәба.

"Аамҭа шмаҷызгьы сгәанала зегь еиқәышәшәа иҟалеит. Сара, ҳтеатр иааҟанаҵо зегь даара иҵзыршәшәаауа аӡә сакәны зегьы анализ рзызуеит, алкаақәа ҟасҵоит, аха ари аспектакль арбара даара иҳақәҿиаз акакәны сахәаԥшуеит", - иҳәеит Хынҭәба.

Аспектакль "Ахәмарыҩ" иалахәын аԥсуа капеллагьы, аха уажәы дара афестиваль ахь ацара рзалмыршеит. Акапелла рыԥсахит Урыстәыла зҽаԥсазтәыз артист Владимир Беглецов напхгара зиҭо Санкт-Петербургтәи ахор. Хынҭәба ишиҳәаз ала актәи арепетициа инаркны ахори актиорцәеи иаразанкы еинаалеит.

Иракли Хынҭәба иҳәеит дзыҿцәажәаз акритикцәа зегьы ишазгәарҭаз афестиваль аҿы уажәазы адагьы уаанӡатәи ашықәсқәа раангьы, асеиԥш ақәҿиара змаз аҽа қәыргыламҭак шыҟамыз.

"Аԥснытәи атеатр иҟанаҵаз – апофеозуп! Ароман азнеишьа, актиорцәа рыхәмаршьа, ахор. Новгородтәи афилармониа ари аҩыза амбацызт. Актиорцәа рыхәмаршьа џьашьахәуп. Оумашәа дыхәмарит арԥыс қәыԥш (актиор Гурам Кәыҵниа – аред.). атеатр бзиа избоит. Бзиа избоит иахьатәи аиԥш аартрақәа.Заҟа Аԥсны анҭыҵ ақәгыларақәа мҩаԥыжәго аҟара шәыӡбахә рылаҵәоит. Новгород ауааԥсыра ргәы аҭҟәашьа шәақәшәеит. Шәаҳҭаала аспектакльқәа шәыманы. Ҳашәзыԥшызаауеит", - лҳәеит ахәаԥшҩы Наталиа Холотыгина.

Фиодор Михаил-иԥа Достоевски ироман ала иқәыргылоу аспектакль "Ахәмарыҩ" РУСДРАМ аҿы аԥхьарбара мҩаԥысит 2018 шықәса рзы.

13

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

10
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

10