Абҵара 10 рзы Аԥсны ахәҭак фымцалашарада иаанхоит

© Sputnik / Artem KreminskyЛинии электропередачи
Линии электропередачи - Sputnik Аҧсны
Анапаҵаҩра
Афымцатә цәаҳәа "Баӷмаран-2" аҟны имҩаԥгахараны иҟоу аусурақәа инарыдҳәаланы идырцәоит астанциа маҷқәа: "Аҟәа2", "Афон Ҿыц", "Дәрыԥшь", "Мҵара".

АҞӘА, абҵара 9 - Sputnik. Абҵара 10, асааҭ  10:00 - 16:00 рзы Аԥсны ахәҭак – Араион Ҿыц, Аҟәа араион мраҭашәаратәи ахәҭа, Гәдоуҭа араион фымцалашарада иаанхоит ҳәа аҩуеит Facebook аҿы АУН "Амшынеиқәафымцамч".

Адырраҭараҿы иҳәоуп аԥкырақәа шалагалахо астанциа маҷ Дәрыԥшь аҿы асааҭ  19:00 - 20:00 рзы, ацхыраагӡатә цәаҳәақәа: Лыхны  (20:00 - 21:00), Ачаифабрикеи Џьырхәа-Хәаԥи (21:00 - 22:00).

Ареспубликатә унитартә наплакы "Амшынеиқәафымцамч" адыррақәа рыла Аԥсны афымцамч ахархәара есышықәса  5−9% ихалоит. Илегалым амаининг аҿагыларатә усқәа макьаназы лҵшәа дук рымам. 2021 шықәсазы ЕгрыГЕС аремонт азураан Урыстәылантәи афымцалашара Аԥсныҟа иаауа иҟарҵоит. Аенергосистема нагарҭа амамкәа иажәуп.

Жьҭаара 9 рзы аԥыза-министр ихаҭыԥуаҩ, аекономика аминистр Кристина Озганԥҳа Москва аусутә еиԥылара мҩаԥылгеит ареспублика фымцалашарала аиқәыршәара азҵаарақәа рзы. Иара аихшьаалақәа рыла ЕгрыГЕС аремонт азураан афымцалашара  Аԥсныҟа ишаашьҭхо. Урыстәылатәи аган аоператор дшьақәыргыланы атехникатә схема рыднагалеит.

Ажәабжьқәа зегьы
0