Аԥснытәи "Олимпик" Шәача ашьапылампылтә турнир аҿы ииааиит

16
(ирҿыцуп 12:42 10.11.2020)
Аԥснытәи "Олимпик" хынтәуп ашьапылампылтә лига "8 на 8" аҽаланархәуеижьҭеи. Ииасыз ашықәс аан ахԥатәи аҭыԥ аннакылеит.

АҞӘА, абҵара 10 – Sputnik. Аԥснытәи ашьапылампылтә команда "Олимпик" актәи аҭыԥ аннакылеит ашьапылампылтә лига "8 на 8" атурнир аҿы. Уи ала Урыстәыла ачемпионат ахь амҩа аартхеит ҳәа Sputnik иазеиҭеиҳәеит акоманда акапитан Рамин Барганџьиа.

"15 хәмарра мҩаԥаагеит. Иааира-цыԥхьаӡа хԥа-хԥа очко ҳауан, аиҭахаразы – акы. Абас, маҷ-маҷла актәи аҭыԥ аҟынӡа ҳнеиит", - иҳәеит иара.

Атурнир мҩаԥысуан нанҳәа 9 инаркны абҵара 8 рҟынӡа. 

Аԥснытәи акоманда "Олимпик" атурнир аихшьаалақәа рыла Урыстәыла ачемпионат "8 на 8" ахь амҩа ылнахит. Заанаҵтәи аинформациала ачемпионат мҩаԥысраны иҟоуп хәажәкырамзазы Адлер.

© Foto / Рамин Барганджия
Аԥснытәи "Олимпик" Шәача ашьапылампылтә турнир аҿы ииааиит

"Олимпик" шьаҭаркын 2019 шықәса рзы. "Олимпик" хынтәуп ашьапылампылтә лига "8 на 8" аҽаланархәуеижьҭеи. Уаанӡа ахԥатәи аҭыԥ аннакылахьан.

Ашьапылампылтә лига "8 на 8" аҿы ихәмаруа акомандақәа ааҩык алахәылацәа рымоуп.

16

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5