Россотрудничество аҿы иӡааҟәрылоз деиқәзырхаз амедал иҭоуп

7
(ирҿыцуп 13:17 10.11.2020)
Урыстәыла асоциал-культуратә ԥшьгамҭақәа р-Фонд жәларбжьаратә ҳәынҭқарратә ԥшьгамҭа апроект "Горячее сердце", афырхаҵара аазырԥшыз ауаа агәазыҟаҵара рзура мҩаԥнагоит.

АҞӘА, абҵара 10 – Sputnik. Агәлаҵатә дыргеи Урыстәыла асоциал-культуратә ԥшьгамҭақәа р-Фонд адипломи ианашьоуп Очамчыра ауаҩԥсы Давид Гогәуа иӡааҟәрылоз иеиқәырхаразы.

Аҳамҭаҭара ацеремониа мҩаԥысит Аҟәа, Россотрудничество ахыбраҿы.

© Sputnik
В Россотрудничестве наградили спасителя утопающей

"Урыстәыла асоциал-культуратә ԥшьгамҭақәа р-Фонд жәларбжьаратә ҳәынҭқарратә ԥшьгамҭа апроект "Горячее сердце", афырхаҵара аазырԥшыз ауаа агәазыҟаҵара рзура мҩаԥнагоит. Ҳара агәахәара ҳнаҭоит Гогәуа Давид Вахтанг-иԥа, Очамчыра иӡааҟәрылоз иеиқәырхаразы иалкаара", - иҳәеит Россотрудничество ахаҭарнакра анапхгаҩы Вадим Чеха.

Агәлаҵатә дыргеи Урыстәыла асоциал-культуратә ԥшьгамҭақәа р-Фонд адипломи ианашьоуп Очамчыра ауаҩԥсы Давид Гогәуа иӡааҟәрылоз иеиқәырхаразы.

Чеха иара убасгьы ҭабуп ҳәа реиҳәеит Аҭагылазаашьа ҷыдақәа рминистрра иқәдыргылаз акандидатуразы.

"Ҭабуп ҳәа расҳәеит Аҭагылазаашьа ҷыдақәа рминистрра иқәдыргылаз Давид Вахтанг-иԥа икандидатуразы. Россотрудничество ахаҭарнакра гәахәара дула ианаҳшьоит аҳамҭа", - иҳәеит Вадим Чеха.

Давид Гогәуа Урыстәыла асоциал-культуратә ԥшьгамҭақәа р-Фонд ахь ихы нарханы ҭабуп ҳәа иҳәеит иҟарҵаз агәазыҟаҵаразы.

"Урыстәыла асоциал-культуратә ԥшьгамҭақәа р-Фонд ҭабуп ҳәа асҳәоит исанашьоу амедал азы, аха сара уи аамҭазы ауаҩы иеиқәырхара акәын сзызхәыцуаз. Дарбанызаалак уаҩԥсык иҟаиҵашаз ҟасҵеит", - иҳәеит Давид.

Урыстәыла асоциал-культуратә ԥшьгамҭақәа р-Фонд жәларбжьаратә ҳәынҭқарратә ԥшьгамҭа апроект "Горячее сердце", афырхаҵара аазырԥшыз ауаа агәазыҟаҵара рзура мҩаԥнагоит.

7

Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

7
Аҟәа ахадара ариаҵәаратә усбарҭа агроном хада Гоча Џьынџьал арадио Sputnik аефир аҟны еиҭеиҳәеит арҭ амшқәа рзы имҩаԥырго аусурақәа ртәы.
Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

"Аԥхьа инаргыланы ҳаибашьцәа анышә иахьамадоу апарк аҟны еиҭаҳҳаит 65 шьапы аԥсаҵлақәа, акамфортә ҵлақәа -13. Аҵлақәа ӡынгьы-ԥхынгьы аиаҵәара амоуп, ашәшьыра ҟанаҵоит. Ҳгәаанагарала ҳажәларгьы ргәы иаҳа иаахәар ҟалоит. Ирацәахеит уаҟа ихыԥсааз аҵлақәа. Убасгьы, администрациа аҿаԥхьа иҟоу апарк аҟны еиҭаҳахоит аҵлақәа, уаҵәы-уаҵәашьҭахь афилармониа ааигәа еиҭаҳҳараны ҳаҟоуп, аҵлақәеи аҵиаақәеи рзы аҭыԥқәа ҳархиахьеит Баграт Шьынқәба ихьӡ зху апарк аҟны, насгьы амшын аԥшаҳәа иахьагу аҵлақәа еиҭаҳҳарц ауп. Сынтәа, 165 ҵла иреиҳаны еиҭаҳҳауеит, уаҳа изалҵуам, аха аԥхьаҟа ҳгәыӷуеит даҽа 500 шьапы реиҭаҳара ҳалшап ҳәа. Амагнолиақәеи, аԥсақәеи, акамфортә ҵлақәеи, османтусқәеи роуп, аҵлақәа очамчырантәи иааҳгеит, агәыӷра ҳамоуп урҭ аднакылап ҳәа", - иҳәеит Џьынџьал.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7

Акоронавирус зыдбалаз даҽа хҩык рыԥсҭазаара иалҵит Аԥсны

12
(ирҿыцуп 19:48 30.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 308-ҩык атестқәа рзыҟаҵан, урҭ рахьтә 87-ҩык акоронавирус рцәа ишалаз аадырԥшит.

АҞӘА, абҵара 30 - Sputnik. Аҵыхәтәантәи уахыки-ҽнаки рыла ахәышәтәырҭақәа рҟны аҿкычымазара зыдбаланы ишьҭаз хҩык апациентцәа рыԥсҭазаара иалҵит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭа аҟны иԥсҭазаара далҵит 1954 шықәсазы ииз апациент. Ахаҵа ахәышәтәырҭа дҭашәеит акоронавирустә инфекциа ицәа иаланы жьҭаара 16 рзы. Иақәнагаз атерапиа шизмҩаԥыргозгьы, идунеи иԥсахит абҵара 29 рзы.

Гәдоуҭатәи аковид-госпиталь аҟны иԥсҭазаара далҵит 1936 шықәсазы ииз апациент. Ахаҵа ахәышәтәырҭа дҭашәеит акоронавирустә инфекциа ицәа иаланы абҵара 22 рзы. Ареанимациа аҟәшахьы диаган иҭагылазаашьа акыр ианыӷәӷәаха абҵара 26 рзы. Иақәнагаз атерапиа шизымҩаԥыргозгьы, идунеи иԥсахит абҵара 29 рзы.

Абҵара 29 рзы аҟәатәи амобилтә госпиталь аҟны иԥсҭазаара далҵит 1940 шықәса рзы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит. Иақәнагаз атерапиа шизымҩаԥыргозгьы, апациент иԥсҭазаара далҵит игәеисра аԥсыҽхара иахҟьаны абҵара 29 рзы. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 79-ҩык ауааԥсыра, урҭ рахьтә 65-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит 35-ҩык апациентцәа.

Аҟәатәи амобилтә госпиталь аҟны ишьҭоуп акоронавирус зыдбалоу 43-ҩык апациентцәа. 40-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5970-ҩык ыҟоуп. Урҭ рахьтә ргәы бзиахеит 3845-ҩык, рыԥсҭазаара иалҵит 84-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау