Аҟәа иаадыртит амбулатортә центр аковид пациентцәа рзы

18
Ацентр аҿы иазыԥхьагәаҭоуп жәеиза иара-ҭыԥ, аха урҭ ирыцҵахар ҟалоит апациентцәа рхыԥхьаӡара иаҿырԥшны.

АҞӘА, абҵара 10 – Sputnik. Аҟәа, Турбаза араион аҿы иаадыртит амбулатортә центр аковид пациентцәа рзы ҳәа Sputnik иазеиҭеиҳәеит ауааԥсыра акоронавирустә инфекциа рацәыхьчаразы аоперативтә штаб алахәыла Алхас Аџьынџьал.

Иара ишиҳәо ала ацентр ахь унеир ҟалоит аполиклиникатә ҳақьым ма ахәышәтәырҭа аҳақьым рзин ала.

"Иаҳҳәап, ауаҩы Гәдоуҭатәи агоспиталь аҟынтәи дылырҩааит, аха макьаназы дахьынхо аҭыԥала ихәышәтәра иациҵароуп. Аҟәа дынхозар ишәҟәқәа иманы ацентр ахь дааиуеит, ҳара ара иахәҭоу апроцедурақәа мҩаԥаагалоит", - иҳәеит иара.

Ацентр аҿы амаҵзурақәа зегьы хәыда-ԥсадоуп, аха апациентцәа ахәшә дара инаргалароуп.

"Хәшәыла реиқәыршәара ҳзалыршом. Ауаҩы иахәҭоу ихәшә иманы днеиуеит, ара иҟаҵатәу зегь ҟарҵоит иаҭаху аҭагылазаашьақәа рыла", - иҳәеит Аџьынџьал.

Иара убасгьы агәаҭара ҟалоит уҵәыҵәри аҩаӡара, акардиограмма аҭыхра, ашьақәыӷәӷәара ашәара, ашьақар аҟазаара.

"Арҭ апроцедурақәа ауаа ргәабзиара ашьклаԥшраҿ хра рымоуп, ахалахыхәышәтәра иацәырыхьчоит", - азгәеиҭоит аҳақьым.

© Sputnik / Томас Тхайцук
Новый амбулаторный центр для ковидных пациентов

Аоперштаб алахәыла иҳәеит амбулатортә центр ахыбра хәыда-ԥсада ишрырҭаз, иара убас ауаа ацхыраара шыҟарҵаз иахәҭаз амедицинатә хархәагақәа рыла аиқәыршәаразгьы. Аныхрақәа рхарҭәаарахь иадгалоуп Апарламент иоунажьыз аԥарақәа рыхәҭакгьы.

Аԥхьанатә иазыԥхьагәаҭан аволонтертә центр аиҿкаара аха нас амедперсонал ирзыршәаша аԥара ԥшаахеит.

Аоперштаб анапхгаҩы ихаҭыԥуаҩ Аелита Шьакаиаԥҳа Аԥсуа телехәаԥшра аефир аҿы илҳәеит ацентр Синоптәи аполиклиника ишадҳәалахо.

Ацентр аус ауеит есыҽны, асааҭ 9:00 - 20:00.

Иахьазы Аԥсны коронавирус рыдбалоуп 4772-ҩык, 55-ҩык рыԥсҭазаара иалҵхьеит, ргәы бзиахеит 2929-ҩык.

18
Атемақәа:
Аҿкычымазара – акоронавирус Аԥсни адунеи аҿи: иалкаау (1288)

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5