Аекономика аминистрра ашәҟәынҵахьы 65 криптовалиутатә ферма ҭанагалеит

17
(ирҿыцуп 12:12 11.11.2020)
Аԥсны аминистрцәа реилазаара ақәҵарала 2020 шықәса абҵара 7 иахымгакәа акриптовалиута аиуразы афымцашьақәгылақәа рышәҟәынҵа арбагақәа ралагалара хықәкны иҟаҵаны Аԥсны аекономика аминистррахь инагатәуп.

АҞӘА, абҵара 10 – Sputnik, Бадраҟ Аҩӡба. Аԥсны аекономика аминистрра ашәҟәынҵахьы 65 криптовалиутатә ферма ҭанагалеит абҵара 10 рзынӡа ҳәа Sputnik иазеиҭеиҳәеит аекономика аминистр лхаҭыԥуаҩ Ҭеимураз Амқәаб.

Аԥсны аекономика аминистррахь азыҳәақәа нарышьҭит аиурист хаҿқәа реиԥш ахала наплакыҩцәагьы.

"Ҳәарада макьана зегьы ашәҟәынҵа рыҽҭарымгалац, аха ҳара азыҳәа ҟазымҵаз афермақәа раарԥшразы аусурақәа ҳарҿуп", - иҳәеит иара.

Акриптавалиута аиуразы аферма зхатәу ашәҟәы аҽҭагалара иҽацәхьеикуазар, административтә зинеилагарақәа рзы Азакәанеидкыла инақәыршәаны хаԥышәала афымцацәаҳәақәа иҽахьрымеидо азы ахараԥса иқәҵахоит 90 мшы рыҩныҵҟагьы аусура аанкылахоит ҳәа иҳәеит аминистр лхаҭыԥуаҩ.

"Абри ашьҭахь анаплакҩы еиҭах ашәҟәы иҽҭеимгалар, асанкциақәа аҽазныкгьы идҵахоит", - азгәеиҭеит Амқәаб.

Аекономика аминистрраҿы иазгәарҭеит акриптовалиута аиуразы афермақәа зхатәу ашәҟәы рҽанҵаны закәаншьаҭала русура мҩаԥыргалар ҟалоит ҳәа.

Аԥсны аминистрцәа реилазаара 2020 шықәса цәыббра 21 рзы акриптавалиута аиуразы аусура аҭышәныртәалараз ақәҵара аднакылеит. Ари ақәҵарала иаԥыххеит амаинингтә усура азинҟамҵара. Иара убасгьы ишьақәырӷәӷәан афымцалашаразы атариф ҷыда амаинерцәа рзы.

Аминистрцәа Реилазаара аӡбрала, акриптовалиута аиуразы аусурақәа мҩаԥызго ахаҿқәа Аԥсны Аҳәынҭқарра азакәанԥҵара ишышьақәнаргыло еиԥш иҭаҩзароуп иуристтә хаҿык иаҳасаб ала ма хатәхаҿык иаҳасаб ала, ашәахтә усбарҭақәеи Аԥсны аҳәынҭқарратә статистикатә усбарҭақәеи Аԥсны абиуџьетнҭыҵтә фондқәа рҿи ашәҟәы иҭагалазароуп.

Аекономика аминистрра аусзуҩцәа аконсультациақәа мҩаԥыргоит аҳәынҭқарратә ҭаҩра азҵаарақәа рзы ишәахтә органқәа рҿы аҳасаббара ақәгыларази.

Аконсультациақәа риура алшоит ауаҩы изы иманшәалоу иарбанызаалак аформала: аҭел – +7(940)754-33-33; ма аелектронтә ԥошьҭа - hotline@mineconom-ra.org.рыла.

2018 шықәса анҵәамҭазы Аԥсны аиҳабыра аӡбра рыдыркылеит ареспублика иахьаҵанакуа амаининг аусура азин ҟаҵамзарц. Асеиԥш аӡбра аминистрцәа реилазаараҿы ирыдыркылеит "аенергетикатә система аресурсқәа аԥкыра анрымоу аамҭазы Аԥсны ауааԥсыреи, асоциалтәи ааглыхратәи аобиектқәеи фымцалашарала реиқәыршәара еиҳа аԥыжәара аҭаны иахьазыԥхьаӡаз" азы.

2020 шықәса раԥхьатәи афымз мацара рыла Аԥсныҟа иааган 42 миллион мааҭ рыхә амыругақәа. 2019 шықәсазы 12 миллион мааҭ рыхә амаининг мыруга ааган.

Иара убас шәаԥхьар ҟалоит:

Амаининг азы ахархәагақәа рконтрабанда аанкылоуп Аԥсны

17
Атемақәа:
Аԥсны амаинингтә фермақәа раҿыхра (94)
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5

Аԥсны ахада Аахыҵ Уаԥстәыла атәылахьчара аминистр агәымшәараз аорден ианеишьеит

8
(ирҿыцуп 18:32 27.09.2021)
Аԥсны Атәылахьчара аминистрраҟны Аԥсны жәлар рџьынџьтәылатә еибашьраҟны Аиааира 28 шықәса ахыҵреи Аҟәа ахақәиҭтәра амши разгәаҭаразы аныҳәатә еилатәара мҩаԥысит.

АҞӘА, цәыббра 27 – Sputnik, Бадраҟ Аҩӡба. Аслан Бжьаниа Аахыҵ Уаԥстәыла Атәылахьчара аминистр Ибрагим Гассеева ианеишьеит Агәымшәараз аорден, Қырҭтәыла Аахыҵ Уаԥстәыла ианажәлаз иааирԥшыз афырхаҵараз.

"Ҳаҭыр зқәу Аԥсны ахада, Атәылахьчара аминистр, аҩызцәа. Азин сышәҭ Аиааира амш шәыдысныҳәаларц Аахыҵ Уаԥстәыла ахадеи ажәлари рыхьӡала, ишәзеиӷьасшьарц аҭынчра, ашәҭыкакаҷра, ԥхьаҟатәи амш лаша. Ҳаҭыр зқәу Аԥсны ахада, ари аҳамҭа сара гәадыурала иныҟәызгалоит", - иҳәеит Гассеев.

Анаҩс, Ибрагим Гассеев Атәылахьчара аминистрра агәаларшәагатә ҳамҭақәа аиҭеит.

"Арҭ амшқәа рзы Аԥсны иқәынхо, милаҭрацәала еилоу ҳажәлар, Аԥсны арбџьар мчқәа рыруаа, ҳаиашьаратә жәларқәа, аҳәаанырцә иҟоу хыԥхьаӡара рацәала аԥсуа диаспора иазгәарҭоит игәырӷьахәу амшныҳәа – 1992-1993 шықәсқәа рызтәи Аԥсны жәлар рџьынџьтәылатә еибашьраҿы иргаз Аиааира амш", - иҳәеит Аԥсны Атәылахьчара аминистр Владимир Ануа иқәгылараҿы.

"1992 шықәса нанҳәамзазы аԥсуа жәлар мцаԥшьла дырхысырц аҳәаа дхыҵны ҳадгьыл ашьа каршуа дықәлеит аӷа. Уи хықәкыс иман аԥсуа ҳәынҭқарра, аԥсуа жәлар, аԥсуа бызшәа шьаҭанкыла рықәгара.

Аамҭа кьаҿк иалагӡаны аӷа импыҵеихалаз ақыҭақәа, ақалақьқәа шьала икәабеит. Аҭынч уааԥсыра ракәзар ақырҭуа фашизм агыгшәыгра зегь рхыргар акәхеит ҳәа азгәеиҭеит иара.

Ҳәашьак амамкәа иуадаҩын ашьаӡа-гәаӡа илсны аиааирахь уназгоз амҩа. Ацәыӡ дуқәа, арыцҳарақәа, аԥсыҭбарақәа ирылсны инеиуан ҳажәлар. Шьҭахьҟа хьаҵшьа ыҟамызт, избанзар Аԥсны аҟазаареи аҟамзаареи ирыбжьагылан, уаҵәтәи аԥеиԥш ахыц иакын, азқьышықәсақәа ирылсны иахьанӡагь иааиз аҭоурых ашәарҭара иҭагылан.

Аха ҳара аиааира ҳамгар алшомызт, избанзар аиашаразы ҳақәԥон, аиашаразы ахымца ҳаҿагылон, аиашаразы ҳаԥсҭазаарақәа ҳреигӡомызт. Аӷа иҭархаразы, игәыхәтәы иахьымгӡаразы рыжәҩа ҳамаданы иҳавагылеит Нхыҵ Кавказ ареспубликақәа рҟынтәи ҳашьцәа, Алада Урыстәыла аказақцәа, Асовет еидгыла уаанӡатәи атәылақәа рҟынтәи ҳиашара еилызкааз, аҳәаанырцәтәи адиаспора рхаҭарнакцәа",- ҳәа иҳәеит Ануа.

Аԥсны Атәылахьчара аминистр иӡбарала Аиааира амшныҳәа аламҭалаз аинрал Владимир Ҳаразиа имедал ранашьан арратә прокурор ихаҭыԥуаҩ, аиустициа аподполковник Руслан Лагәлаа, арратә прокурор ихаҭыԥуаҩ, аиустициа амаиор Аслан Инаԥшьба.

Амедал "Аԥсны аҭынчра аиҿкааразы" ланашьан Аштаб хада ашәҟәеиҿкаара аиҳабы Лиана Габуниаԥҳа.

Иара убас, Аԥсны ахада иқәҵарала Атәылахьчара аминистрра афицарцәа жәохә-ҩык аԥаратә ҳамҭақәа ранашьан.

Цәыббра 27 1993 шықәсазы аԥсуа ар Аҟәа агәахьы инеит, асааҭ 15:30 рзы Аԥсны Аҳәынҭқарра абираҟ "Аминистрцәа реилазаара" ахыбра иахадыргылеит.

8